Versete biblice populare din John 13

Partajează

ꞋIlho khuni ꞌandidi-i nohtlꞌa tísꞌalh ꞌinkꞌez ndi ꞌi ꞌuntꞌoh, tsꞌiyawh lhkꞌeoohsiꞌ. Ntsꞌenꞌa la si nohkꞌesiꞌ, ꞌet whuz unꞌa za nohni cha lhkꞌeoohsiꞌ. Ndi be lhkꞌetsꞌusiꞌ-i nohtoh hoonli de, ꞌi gha la sgha hodulꞌehne ꞌahli tsꞌiyanne tꞌéhonózin.”

ꞋEt si ꞌen ꞌustꞌoh dune hodulꞌeh-un ꞌinkꞌez Moodihti usdli whe nohke tunasusguz, ꞌet nohni cha whuz unꞌa ulhke tunaóohgus hubaꞌ hoontꞌoh. ꞋAndit nohnalh danóhusdla la, whuz unꞌa nohni cha ꞌet ndulhóolhꞌen.

ꞋEt Jesus ꞌuyulhni, “ꞋAndit dastꞌén-un ꞌaw nyeni be tꞌéwhunuzínzun, ꞌet kꞌat le, ꞌet de la tꞌewhunonzeh.”

Soo tsꞌihꞌun unꞌa nohdúsni, ꞌaw ꞌustle-un, ꞌen dumoodih ando lheꞌítꞌoh. ꞋEt whuz unꞌa za khuni naꞌá-un ꞌaw mbe la yutílhꞌaꞌ-un yandó lheꞌítꞌoh.

ꞋEt noheni be tꞌéwhunáhzun de daja nohdásniꞌ, ꞌinkꞌez danóhusdla la, ꞌet nohni cha whuz unꞌa ꞌahtꞌen de, ꞌet de tube hootáhtꞌeꞌ.

ꞋEt naꞌhitꞌal ꞌinkꞌez yoo ꞌaz ye dune unli-i ꞌudúneninla. Lusooma ilhchoot dubut neínílhbal ꞌinkꞌez yulh tsꞌú dilhꞌoo. ꞋEt ꞌawet be laꞌ tsꞌuldeh bez too dilhdzo ꞌinkꞌez yugha hodulꞌehne buke tunagus ꞌinkꞌez lusooma yulh tsꞌú dilhꞌoo-i, ꞌi be buke yunaꞌulhdeh.