Versete biblice populare din Juan 12

Partajează

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

U deyaman a mangpahalaga tu sadili nala ay siya u mawanan. Pero u awan mángpahalaga tu biyag na ti munduwan iye alang-alang nikán ay magkahod ti biyag a awan ti kahád.

Tandaan moy: maliban a matákneg tu luta u essa a butil nu pahay sakay matay ay manatile itod a mággeessa. Pero ni memula ay magbunga itod ti makpal.

Immangayák he para demlag ni munduway, tan deya man u maniwala nikán ay awan manatili tu kadiklámman.

U deya man a nakasaneg tu toldu ko hide pero umád a sumunud ay awan ko siya hatulan. Dipo awanák he immangay para hatulan i munduway nan iligtas u tolay hide.

Ti Maria be ay nangalap ti kalahating letro a mamahalin a pasáppot, iye a pasáppot ay gábwat tu mula a nardo. Imbulak na iye tu tikád ni Jesus sakay pinahiden na tu buuk na. Kanya u buo a bilay ay simmáppot.

Kanya nangalap hide ti palmera sakay limmuwas hide tu banuwan sakay tinagbu de siya. Pimmákhaw hide, “Puriyán u Diyos! Pagpalaan u pademát tu ngahan nu Panginoon. Puriyán u Hare nu Israel.”

Timmábbeg ti Jesus nide, “Dummemát dán u odas para parangalan u Anak nu Tolay.