Versete biblice populare din Zan 7

Împărtășește

A siɛn ŋíì 'tɛ́ngɛ mi nɛ̄ wè, luʔɔ gáà ki nyɛ́ni sìi kanʔa wè, ki béri fúu de yigi siɛn wi laamɛ nī bè bɛ̀ lawiile tíɛlɛ. Tire Kulocɛliɛ siɛnsɛbɛrɛ 'ti juu.»

Fundaanra cɛnzɛngɛ gè, ki cɛngɛ ki 'puu cɛngbuʔɔ kátii. A Zezi wi 'yɛ̀ nɛ̀ yéri nɛ́ juu kpuʔɔ nɛ́ jo: «A luʔɔwuʔɔ yē ŋìi nɛ̄, siɛn wiri báan mi kúrugu wi pa gbuɔ !

Kulocɛliɛ Pìle lire wori Zezi wi 'puu nɛ nyu, nàa tɛ́ngɛfɔlilɔ pe yé je ga taa lè. Niì cé fìɛ kɛnʔ, bɛ̀ ki 'nyaa Zezi wiì cé fìɛ jíin wi kpuɔmɔ nī bè wèʔ.

Ye fǎri siɛnnɛ wéli bèle yiɛyɛ nī bèri kàyuʔu nyu gèʔ. A yeli je kàyuʔu juu gè, ye- ki juu ki sìɛn.»

Siɛn ó siɛn wi nyɛ́ni wìi tíimɛ wori nyu dè, ki siɛn wè, míɛcaawa wī. Siɛn ŋíì sí wi nyɛ́ni ki caa wire tunvɔli wi- míʔɛ taa wè, kire siɛn wè, kányiʔɛ yē wi mɛ́, nɛ̀ pínɛ kolimɔ wè kire siɛn nī wèʔ.

A Zezi wi sí siɛnnugoro kɛn pe mɛ́ nɛ́ pe yɛ: «Tɛnmɛnɛ náà mi nɛ kanʔa lè, mi tíimɛ mɛ́ bɛ̀ʔ ni 'kɔ́nʔ; ŋàa wi 'mi tun wè, wire mɛ́ ni 'kɔ́n.

Yeli sǐ gbɛ̀ duniya wuulo biɛn bèleʔ. Mi wè, mi sí nyɛ́nì duniya wuulo biɛn bèle, nɛ̀ taʔa gíi nɛ̄, mi nɛ duniya wi kɛnmɛ nyu bè nɛ yigi kpànʔanɛ, nɛ́ jo wi kakpiʔiligele kiyē sìpiʔile.