Versete biblice populare din GÉNESIS 13

Partajează

Can maillata ricushca llajtacunataca canmanpish, cambaj huahua huahuacunamanpishmi huiñaipaj cusha.

Lot, Abrammanta ch'icanyashca q'uipami Mandaj Diosca, Abramtaca: “Cunanca can maipi cashcamanta uratapish, janajtapish, inti llujshin ladotapish, inti huashicun ladotapish alli ricui.

Cambaj huahua huahuacunataca ñutu allpa shina cachun achcatami mirachisha. Ñutu allpata maijanpish yupai tucujpica, cambaj huahua huahuacunatapish yupashcami canga.

Chaimi Abramca, Lottaca: “Ñucapish canpish familiapurallataj cashca jahua p'iñanacunaca mana allichu. Ñuca michijcunahuan, cambaj michijcunahuan p'iñanacunapish mana allichu.

Chaimi Abramca, paipaj carpa huasita pascashpa apashpa rishpa Hebrón pueblo c'uchupi caj encina yuracuna tiyan allpapi causarca. Chai allpaca, Mamre runapajmi carca. Abramca Mandaj Diosta mañangapajmi chaipipish shuj altarta rurarca.

Shina nijpi Lot ricushpaca Jordán yacu pambataca achca yacu regaricushcamanta Mandaj Diospaj huerta shinata, Zoar pueblo ch'imbapurapi caj Egipto llajta shina cajtami ricurca. Chai pambaca Sodoma, Gomorra pueblocunata Mandaj Dios manaraj chingachijpimi chashna carca.