Versete biblice populare din Yôhan 12

Partajează

Hlơi pô mă bruă Kâo, ñu khŏm đuaĭ tui Kâo. Pơpă anih Kâo dŏ, ding kơna Kâo ăt dŏ pơ anŭn mơ̆n. Hlơi pô mă bruă Kâo, Ama kâo či pơpŭ pơyom kơ ñu.”

Hlơi pô khăp kơ tơlơi hơdip ñu, ñu či rơngiă hĭ. Samơ̆ hlơi pô bơrơmŭt kơ tơlơi hơdip ñu amăng lŏn tơnah anai, ñu či hmâo glaĭ tơlơi hơdip hlŏng lar.

Kâo laĭ sĭt biă mă kơ ƀing gih tơdah sa asar pơdai ƀu lĕ pơ lŏn hăng djai hĭ, ñu ăt dŏ kơnơ̆ng sa sar đôč; samơ̆ tơdah ñu djai hĭ, ñu či mơboh lu.

Kâo jing tơlơi bơngač hmâo rai laih amăng lŏn tơnah, kiăng kơ hlơi pô đaŏ kơ Kâo ñu ƀu dŏ amăng tơlơi kơnăm mơmŏt dơ̆ng ôh.

Tơdah hlơi pô hmư̆ boh pơhiăp Kâo laih anŭn ƀu gưt tui ôh, Kâo ƀu phat kơđi kơ ñu ôh; yua kơ Kâo rai ƀu djơ̆ kiăng kơ phat kơđi kơ lŏn tơnah ôh, samơ̆ kiăng pơklaih lŏn tơnah.

Hlăk anŭn HʼMari mă sa mơkrah lit ia klôñ ngă hăng kơyâo nard sĭt, yom biă mă, pik tơkai Yêsu laih anŭn sut hăng ƀuk gơ̆, amăng sang bă hăng mơnâo ƀâu hiam.

Tui anŭn gơñu mă than gol hăng nao drông Yêsu, hăng ur dreo: “Hôsana, mơyun hiam kơ pô rai amăng anăn Khua Yang, jing Pơtao ƀing Israel!”

Yêsu laĭ glaĭ kơ gơñu: “Mông Ană Mơnuih mă tŭ tơlơi ư-ang truh yơh.