Versete biblice populare din Yauhas 12

Împărtășește

Tus uas xav ua kuv tus tubtxib, tus ntawd yuav tsum nrog kuv mus, thiab kuv nyob qhov twg kuv tus tubtxib yuav nrog kuv nyob qhov ntawd. Kuv Txiv yuav qhuas tus uas ua kuv tus tubtxib.

Tus uas khuvxim nws txojsia, tus ntawd yuav tsis tau txojsia; tus uas tsis khuvxim nws txojsia hauv lub ntiajteb no, tus ntawd yuav tau txojsia ibtxhis.

Kuv qhia tseeb rau nej hais tias yog tsis muab lub noob nplej faus rau hauv av kom lwj, ces lub noob ntawd nws yuav nyob nws tib lub xwb. Yog lub noob nplej ntawd lwj thiaj yuav tuaj kaus thiab txi tau ntau lub.

Kuv los ua qhov kaj rau neeg ntiajteb pom kev; txhua tus uas ntseeg kuv yuav tsis nyob hauv qhov tsaus ntuj lawm.

Tus uas hnov kuv tej lus thiab tsis ua raws li kuv tej lus, kuv yuav tsis txiav txim rau tus ntawd. Kuv tsis yog los txiav txim rau neeg ntiajteb, tiamsis yog kuv los cawm neeg ntiajteb kom lawv dim lawv lub txim.

Ces Malis txawm muab tau ib hwj roj tsw qab kim heev uas yog muab roj naludas ua los hliv rau Yexus ob txhais taw thiab muab nws cov plaubhau so. Cov roj ntawd tsw thoob plaws hauv tsev.

Yog li ntawd, lawv txawm mus txiav tej nplooj toovlaj nqa mus tos Yexus, thiab lawv hais nrov nrov hais tias, “Cia li qhuas Vajtswv! Thov Vajtswv foom koob hmoov rau tus uas Vajtswv txib los! Thov Vajtswv foom koob hmoov rau cov Yixalayees tus Vajntxwv!”

Yexus teb hais tias, “Nimno twb txog lub sijhawm uas Neeg Leej Tub yuav tau txais koob meej lawm.