Wat Jesus Gesê Het Oor Die Sin Van Die Lewe en 'n Christelike Lewens- en WêreldbeskouingSample

Die sin van die lewe: Wat gebeur wanneer ons sterf?

’"n Mens is bestem om net een maal te sterf, en daarna kom die oordeel" (Hebreërs 9:27).

Uit hierdie vers leer ons ten minste drie dinge:

1. Daar is lewe na die dood.

2. Ons leef net een keer — daar is geen reïnkarnasie nie.

3. Ons almal sal deur God geoordeel word nadat ons gesterf het.

Lees Openbaring 22:1-5. Dit beskryf die bestemming van die Christen.

Die Bybel het egter meer te sê oor die lewe na die dood. Lees ook Openbaring 20:11-15.

So dikwels vermy mense hierdie vraag oor die lewe na die dood. Ateïste, totaal gesekulariseerde mense en humaniste beweer hierdie vrae is irrelevant. Hulle glo dat hierdie lewe al is wat daar is. Maar dit is nie regtig die waarheid nie. Baie ateïste is eintlik "morele ateïste" — dit beteken dat hulle verkies om nie te glo nie, want dan kan hulle doen wat hulle wil, en niemand kan hulle aanspreeklik hou vir wat hulle doen nie. (Nie alle ateïste is morele ateïste nie).

Vraag: Wat is daar in jou lewe wat nie sin maak nie. Praat met jou groep daaroor. Bid daaroor. Vra die Heilige Gees om uit die Woord met jou te praat.