FCA 365 Өдрийн Чимээгүй ЦагSample

ТАНЫ ШАТАЖ БУЙ БУТ

Билл Овенс

Тэгтэл
—Наашаа бүү ойрт! Чиний зогсож байгаа газар ариун газар учраас хөл дэх
шаахайгаа тайл гэж Тэр айлдав. Мөн
—Чиний эцгийн Бурхан, Абрахамын Бурхан, Исаакийн Бурхан, Иаковын Бурхан Би
байгаа юм гэж айлдсанд Мосе, Бурханыг үзэхээс айж нүүрээ нуув.
- Гэтлэл 3: 5-6

Танд хэцүү өдөр, долоо хоног, эсвэл бүр жил тохиож байсан уу? Бидний ихэнх нь тийм
гэж хариулах байх. Мосе ч мөн амьдралаа хэцүү байна гэж хэлэх байсан биз. Тэрээр хүн
алж, Фараонд хөөгдөж, айн мэгдсэндээ бүх асуудлаас зугтахаар элсэн цөл руу явдаг. Тэнд
тэрээр өөрийнх нь амьдралыг тодорхойлсон шатаж буй бут дээр очсон юм.
Нэгэн номлогч олон жилийн өмнө “Мосе Бурханы тушаалаар шаахайгаа тайлсан ч, үүний
ард илүү том шалтгаан бий” гэж хэлсэн юм. Тухайн үеийг авч үзвэл Мосе гутлаа өөрийн
гараар хийсэн байх. Өөрийн гутлыг тайлж буй нь Бурханы бэлтгэсэн агуу зүйлсийг өөрийн
замаар хийж чадахгүй гэдгээ хүлээн зөвшөөрч буйн тэмдэг гэж тэр номлогч тайлбарласан.
Гутлынхаа улыг хараад Мосе өөрийн амьдралыг дэнсэлж, Бурханыг харуулах зүйлс үйлдсэн
эсэхээ эргэцүүлсэн байх. Үүний дараа Мосе том шийдвэр гаргасан.

1.Та өөрийн шатаж буй бут руугаа очсон уу?
2.Өөрийн амьдрал болон зүрх сэтгэлээ эргэцүүлэн бодоорой. Та Бурханыг алдаршуулах
зүйлсийг үйлдсэн үү?
3.Та ажлаа орхиж, Бурханы танд бэлтгэсэн ажлыг хийж эхлэх шийдвэрийг гаргаж
байна уу?
4.Нэмэлтээр унших: Иеремиа 29: 11

Бурхан минь, би байгуулсан ялалт болон амжилтаасаа илүүтэй тамирчид болон бусад
дасгалжуулагчдад нөлөөлөх нь илүү чухал гэдгийг хүлээн зөвшөөрч байна. Өнөөдөр би
ажлаа орхиж Таны өмнө ирж байна. Би алдаа гаргаж магадгүй ч Та надаар дамжуулан
Өөрийн агуу ажлуудаа үйлдээч. Амен.