Ek Het U Nodig!Sample

OP SOEK NA GOD

Here, ek het U so nodig. Sonder U het ek geen wysheid of begrip nie. My hoop word deur wanhoop skeefgetrek. Sonde skiet wortel en laat my afdraai van u pad en maak die mense seer wat ek geroep is om lief te hê. Wanneer ek wegdryf van U af, raak ek verdwaal, stukkend en bang.

Ek wil U vind, Vader. Laat ek U raaksien deur u skepping. Praat met my deur u Woord en u mense. Laat ek volhard in gebed totdat ek u stem hoor. Help my om af te sien van my eie begeertes sodat ek net in U ware tevredenheid vind. Leer my om in U te bly sodat ek vrug kan dra (Johannes 15:4) en U kan liefhê met my hele hart. Kom nader aan my soos wat ek nader kom aan U (Jakobus 4:8).

Amen.