Soma Biblia Kila Siku Julai 2021Sample

Bado viongozi wanafikiri elimu yao inawawezesha kutega mitego ya kumnasa Yesu ili ashtakiwe. Wayahudi walipaswa kulipa kodi kwa Kaisari. Na hata sisi tusikwepe kodi. Swali la Masadukayo linahusiana na utamaduni wao wa kurithi mke wa ndugu aliyekufa bila kuacha mtoto. Wanasema: Kama wamerithiana ndugu saba, je, mke huyo baada ya ufufuo atakuwa wa nani kati ya wale saba? Yesu anawaambia kuwa tatizo lao ni kutokumfahamu Mungu na Neno lake. Maana hakuna kuoa wala kuolewa baada ya ufufuo wa wafu.