Hoop Vir Elke MôreSample

Die krag van oorlogsperde

Of dit nou resiesperde is wat dawerend om ’n baan storm, renmotors met kragtige enjins wat jaag dat die stof staan of ’n gespierde losskakel wat deur die verdediging bars om ’n drie aan te teken … ons leef nou maar eenmaal in ’n wêreld wat krag, magsvertoon en spoed verheerlik. 

Probeer ons ook om magtig en belangrik te wees? Oefen en werk ons met net een doel: om die allerbeste te wees? Vermy ons mislukking en swakheid ten alle koste? Met ’n kombinasie van hoop en vrees doen ons alles in ons vermoë om veilig te voel en suksesvol te wees. 

Alhoewel die Here wil hê ons moet met wysheid en versigtigheid optree, beïndruk ons krag Hom nie. Ons verstand en spiere en bankrekenings sal nie vir ons trofeë in die hemel inpalm nie. Wat die Here gelukkig maak, is wanneer ons op sy krag eerder as ons eie krag staatmaak. Kom ons probeer om op te hou om sélf ons probleme te wil oplos. Ons kan maar erken dat ons moeg of bang is of eenvoudig nie oor die nodige talent of temperament beskik om ’n bepaalde droom te bereik nie. As ons die Here vra om ons lief te hê en ons te help, belowe Hy om in ons swakheid sy krag tot volle verwesenliking te laat kom (2 Korintiërs 12:9).

Here, U is ons krag en ons vreugde. Ons plaas al ons hoop op U! Amen