VriendskapSample

Die Goue Reël

Lees: Lukas 6:31-36

SOAP: Lukas 6:31

Behandel ander mense soos julle self behandel wil word.

Oordenking

Sommige van ons hou onbewustelik telling van ons vriendskappe: punte vir vriendelikheid en vrygewigheid, negatiewe punte vir ’n harde woord of ’n onvervulde belofte. Ons sal opdaag vir ’n vriend in nood as hulle dieselfde vir ons gedoen het, maar nie as ons dink dat hulle nie ons hulp verdien nie. Ons kan voel dat ’n vriend “ons skuld” as gevolg van wat ons vir hulle gedoen het. Nie een van hierdie denkwyses is die manier waarop Jesus ons roep om ander te behandel nie.

Die wêreld van die eerste eeu verskil in hierdie verband nie so baie van ons wêreld nie: ons verwag wederkerigheid. As iemand vriendelik met jou is, betoon jy vriendelikheid. As iemand jou seermaak, maak jy hulle terug seer. Jesus se opdrag is vandag net so radikaal soos destyds: gee liefde vrylik, en verwag niks terug nie. In plaas daarvan om vriende te kies op grond van wat hulle ons kan gee – deur hul rykdom, mag of invloed – is ons vry om ander lief te hê sonder voorwaardes. God was genadig met ons toe ons sy toorn verdien het, en ons kan hierdie verlossingswaarheid aan die wêreld wys deur ander goed te behandel sonder om te verwag dat hulle op hulle beurt dieselfde sal doen.  

Gebed

Here God, dankie dat U my beter behandel as wat ek verdien! Gee my die genade om ander op dieselfde manier lief te hê. Amen.