BibleProject | ലൂക്കിലൂടെയും ചെയ്തികളിലൂടെയും ഒരു യാത്രSample

യേശുവിന്റെ ജ്ഞാനസ്നാനത്തിനുശേഷം, അദ്ദേഹം നാൽപ്പത് ദിവസത്തെ ഉപവാസത്തിലായിരുന്നു. ഈ ഉപവാസത്തിലൂടെ ഇടർച്ചകളും അവിശ്വസ്തതകളും നിറഞ്ഞ ഇസ്രായേൽ ജനത്തിന്‍റെ നാൽപ്പത് വർഷത്തെ യാത്ര യേശു നാൽപ്പതു ദിവസം കൊണ്ട് വീണ്ടും നടത്തുകയായിരുന്നു. എന്നാൽ ഇസ്രായേൽ പരാജയപ്പെടുന്നിടത്ത് യേശു വിജയിക്കുന്നു. പരീക്ഷിക്കപ്പെടുമ്പോൾ, സ്വയം സേവിക്കാൻ തന്റെ ദിവ്യ സ്വത്വം ഉപയോഗിക്കാൻ യേശു വിസമ്മതിക്കുകയും പകരം മനുഷ്യരാശിയുടെ കഷ്ടപ്പാടുകൾ തിരിച്ചറിയുകയും ചെയ്യുന്നു. അതിലൂടെ അവൻ യഹോവയെ വിശ്വസിക്കുകയും ഇസ്രായേലിന്റെയും എല്ലാ മനുഷ്യരാശിയുടെയും പരാജയങ്ങളെ മറികടക്കുന്നവനാണെന്ന് തെളിയിക്കുകയും ചെയ്യുന്നു.

ഇതിനുശേഷം, യേശു തന്റെ ജന്മനാടായ നസ്രത്തിലേക്ക് മടങ്ങുന്നു. അദ്ദേഹം സിനഗോഗ് സന്ദർശിക്കുകയും ഹീബ്രു തിരുവെഴുത്തുകളിൽ നിന്ന് വായിക്കാൻ ക്ഷണിക്കുകയും ചെയ്യുന്നു. അവൻ യെശയ്യാവുവിന്റെ ചുരുൾ തുറക്കുകയും വായിക്കുകയും ഇരിക്കുകയും ചെയ്യുന്നു, “ഇന്ന് ഈ തിരുവെഴുത്ത് നിങ്ങളുടെ കേൾവിയിൽ നിറവേറ്റപ്പെട്ടിരിക്കുന്നു.” പ്രേക്ഷകർ ആശ്ചര്യഭരിതരാണ്, മാത്രമല്ല അവനിൽ നിന്ന് അവരുടെ കണ്ണുകൾമാറ്റാന്‍ കഴിയില്ല. സാധുക്കൾക്ക് സുവിശേഷവും, രോഗികൾക്ക് സൗഖ്യവും, ഭ്രഷ്ടരായവർക്ക് ആശ്വാസവുമായി വരാനിരിക്കുന്നവൻ എന്ന് യെശയ്യാവു പ്രവചിച്ചത് അവനെ കുറിച്ചായിരുന്നു . സകലതിനെയും നവീകരിക്കുന്ന ദൈവരാജ്യം സ്ഥാപിക്കാനും എല്ലാം ശരിയാക്കാനും ആണ് അവൻ വന്നിരിക്കുന്നത്.

വായിക്കുക, ചിന്തിക്കുക, പ്രതിവചിക്കുക:

ദൈവദത്തമായ വ്യക്തിസത്ത നിലനിർത്തുന്നതിലും ദൈവത്തെ സേവിക്കുന്നതിലും നിങ്ങൾ നേരിടുന്ന പ്രലോഭനങ്ങൾ എന്തെല്ലാം ആണ്? ദൈവ വചനത്താൽ യേശു സാത്താനെ പ്രതിരോധിച്ചത് എങ്ങനെയെന്ന് നോക്കുക. നിങ്ങൾ പരീക്ഷിക്കപ്പെടുമ്പോൾ ദൈവത്തിന്റെ സത്യം ഓർമ്മിക്കാൻ നിങ്ങളെ സഹായിക്കുന്ന ബൈബിളിലെ നിർദ്ദിഷ്ട ഭാഗങ്ങൾ ഏതാണ്? അവ എഴുതുക.

•യെശയ്യാവുവിന്റെ പ്രവചനം യേശു പൂർത്തിയാക്കി ഇത് മനസ്സിൽ വെച്ചുകൊണ്ട് യെശയ്യാവു 61 വായിക്കുക. നിങ്ങൾ ശ്രദ്ധിച്ചത് എന്താണ്?

• ജനക്കൂട്ടത്തിന്‍റെ യേശുവിനോടുള്ള പ്രതികരണം ഭാഗം 22 ലെ സദ്‍വാര്‍ത്തയെ ഭാഗം 29 ലെ അവരുടെ പ്രതികരണങ്ങളുമായി താരതമ്യം ചെയ്യുക. യേശുവിന്‍റെ ഈ സന്ദേശത്തോട് നിങ്ങൾ എങ്ങനെ പ്രതികരിക്കുന്നു?

•നിങ്ങളുടെ വായനയും ചിന്തയും ഒരു പ്രാർത്ഥനയാവട്ടെ. നിങ്ങളുടെ വേദന മനസിലാക്കി നിങ്ങളെ അനുഗ്രഹിച്ചതിനു യേശുവിനോട് നന്ദി പറയാം. ഈ ആഴ്ചയിലെ പ്രലോഭനങ്ങളെ അതിജീവിക്കാൻ അദ്ദേഹത്തോട് സഹായം ചോദിക്കാം.