Esra/Nehemia/Ester: Oorkom Vrees en Ontmoediging Sample

Die ooreenkomste tussen Nehemia se gebed en dié van Daniël, is verstommend, nie waar nie? Alhoewel daar jare verloop het tussen die neerskryf van die twee gebede, weerspieël hulle dieselfde ingesteldheid van die hart. 

• Weerspieël dit ook die ingesteldheid van jou hart wanneer jy vir jou land bid? 

Lees vandag Daniël 9:20-24. 

In die eerste jaar van Darius, seun van Ahasveros (538 of 539 v.C.), het die engel Gabriël aan Daniël verskyn om hom aangaande die eerste koms van die beloofde Messias te onderrig. Gabriël se verwysing na tyd in vers 24, word gewoonlik as “weke” vertaal. Die Hebreeuse woord beteken letterlik “sewetalle”, soos dit ook in die 1933/1953 Afrikaanse Vertaling voorkom. Dit kan gebruik word om sewe dae, weke, maande of jare aan te dui. Uit vers 24 leer ons dat 70 sewetalle bepaal is. Dit beteken dus 490. Aangesien die gebeure wat voorspel is nie binne 490 dae, weke of maande plaasgevind het nie, is dit logies om te aanvaar dat die 70 “sewetalle” na jare verwys.

• Wanneer begin die aftelling? 

Nadat jy Daniël 9:20-24 gelees het, moet jy dit met Nehemia 2 vergelyk om die antwoord te vind. 

Toepassing: 

Dink na oor hoe God die groter prentjie kan sien en in beheer is van selfs moeilike tye. 

Praat met God daaroor en vra dat Hy vir jou sy perspektief sal gee.