SaligsprekingeSample

Lees: Psalm 34:15

SOAP: Psalm 34:15

Ons sal nie vredemakers wees as ons passief is nie. Sommige van ons is so bang vir konflik en meningsverskille dat ons net die status quo wil handhaaf en alles sal doen om ontwrigting te voorkom. Ons is bang dat as ons probleme in ons verhoudings, ongeregtigheid in die wêreld of selfs oortuiging in ons eie hart, konfronteer, ons die kwesbare vrede sal verbreek. Hierdie psalm herinner ons daaraan dat die keuse om van die kwaad af te wyk en vrede na te streef 'n aktiewe werk is, en nie 'n passiewe vermyding nie.

Ons word voortdurend gekonfronteer met geleenthede om kwaad te ignoreer of aktief daarvan weg te draai en vrede te soek. As ons sien dat iemand mishandel word of ingedoen word, het ons die kans om weg te draai van die kwaad en goed te doen. As ons sien hoe Christene mekaar aanval, het ons die geleentheid om vrede na te streef. As ons oortuiging in ons eie hart ervaar, het ons die kans om met die God van vrede te versoen.

Here, dankie dat U my in staat gestel het om goed te doen en vrede te soek. Gee my die krag en die oortuiging om werklike vrede na te streef op die plekke waar ek liewer konflik sou vermy.