Verlosser - Die Belofte VervulSample

Lees: Johannes 1:1-5, 14, 1 Timoteus 3:16

SOAP: Johannes 1:14

Wanneer ons Genesis 1:1 lees, sien ons Elohim in aksie. Die meervoud van hierdie naam van God wys daarop dat God die Vader, God die Seun en God die Heilige Gees teenwoordig was tydens die skepping van die wêreld.

In vandag se verse sê Johannes dieselfde: "In die begin was die Woord daar, en die Woord was by God, en die Woord was self God." Dis een van die mooiste sinne wat ek al ooit gelees het. Die Woord was God. Jesus is God. En steeds het die Woord vlees geword. Dit is wat ons vier tydens Kersfees.

Jesus was die lig en die lewe. In Hom en deur Hom is alles geskep. Jesus is gebore as 'n baba, omdat Hy gekies het om onder ons te woon en ons die geleentheid te bied om gered te word. Sy lig skyn in ons harte en neem die duisternis weg.

Hoeveel skyn Jesus se lig deur jou? Hoeveel van Jesus kan mense in jou sien?

Mini uitdaging: Wat is jou definisie van "glorie"? Skryf neer hoe JY dit definieer en kyk dan wat dit werklik beteken. Dink aan praktiese maniere waarop jy aan God glorie kan bring.