Mga Salmo 8
8
Ang Himaya sa Dios ug ang Bili sa Tawo#ANG ULOHAN SA HEBREO: Salmo ni David. (Ngadto sa Pangulong Musikero.)
1O Ginoo nga among Ginoo,
pagkahalangdon sa imong ngalan sa tibuok kalibotan!
Sangko sa kalangitan ang pagdayeg sa imong himaya
2nga giawit sa#Mat. 21:16. mga masuso ug kabataan.
Gipabarog mo ang imong gahom
ug gisanta ug gibuntog mo ang imong mga kaaway.
3Inigsud-ong ko sa kalangitan nga imong gibuhat,
sa bulan ug kabituonan nga imong gipahimutang,
4makapangutana#Job 7:17-18; Sal. 144:3; Heb. 2:6-8. ako sa akong kaugalingon:
Unsa ba ang tawo
nga gihatagan mo man siyag bili;
ug nganong imo man siyang amomahon
nga tawo ra man siya?
5Apan#Klm. Sol. 2:23; Sir. 17:1-4. gibuhat mo siya
nga ubos lag diyutay kanimo#8:5 kanimo: o sa mga dios; o sa mga anghel.
ug gipurongpurongan mo sa himaya ug kadungganan.
6Gihatagan#1 Cor. 15:27; Ef. 1:22; Heb. 2:8. mo siyag gahom
sa pagmando sa tanan mong binuhat;
ang tanan gayod imong gipailalom kaniya:
7ang mga karnero ug mga baka
ang mga mananap sa kalasangan,#8:7 kalasangan: o kapatagan.
8ang kalanggaman, ang mga isda
ug ang tanang mananap sa kadagatan.
9O Ginoo nga among Ginoo!
Pagkahalangdon gayod sa imong ngalan sa tibuok kalibotan!
Atualmente Selecionado:
Mga Salmo 8: RCPV
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 1999 Philippine Bible Society