Mga Salmo 6

Pag-ampo Panahon sa Kasamok#ANG ULOHAN SA HEBREO: Salmo ni David. (Ngadto sa Pangulong Musikero: Uban ang tulunggon nga may kuwerdas.)

1Ayaw#Sal. 38:1. akog hukmi, O Ginoo, diha sa imong kasuko;

ayaw ako siloti diha sa imong kapungot.

2Kaluy-i intawon ako kay ako luya na;

lig-ona ako kay ako wala nay umoy.

3Nag-antos ako pag-ayo, O Ginoo,

ug kanus-a ba kini matapos?

4Luwasa intawon ako, O Ginoo,

ug tungod sa gugma mong walay paglubad,

ilikay ako sa kamatayon.

5Didto sa lubnganan

wala nay maghinumdom kanimo; didto sa Seol,

wala nay magdayeg kanimo.

6Sa tumang kaguol naluya na ako pag-ayo,

ug matag gabii natumog sa luha ang akong higdaanan.

7Nanghubag na ang akong mga mata,

ug halos dili na ako makakita sa pagsigig hilak,

tungod sa akong mga kaaway.

8Palayo#Mat. 7:23; Luc. 13:27. kanako,

kamong tanang daotan,

kay gidungog sa Ginoo ang akong mga bakho.

9Gidungog sa Ginoo ang akong mga pangaliya,

ug gidawat niya ang akong mga pag-ampo.

10Ang tanan kong kaaway

maulawan ug mag-antos pag-ayo;

sa kalit mosibog sila.

Atualmente Selecionado:

Mga Salmo 6: RCPV

Destaque

Copiar

Quer salvar seus destaques em todos os seus dispositivos? Cadastre-se ou faça o login

Versículos Bíblicos Populares relacionados a
Mga Salmo 6