Mga Salmo 23
23
Ang Ginoo Atong Magbalantay#ANG ULOHAN SA HEBREO: Salmo ni David.
1Ang Ginoo mao ang akong magbalantay,
ug walay nakulang kanako.
2Gipapahulay#Gipa. 7:17. niya ako sa mga lunhawng sibsibanan
ug gitultolan niya ako sa tin-aw nga katubigan.
3Gilig-on niya ako.
Gitultolan niya ako sa dalan nga angay kong subayon,
tungod ug alang sa iyang ngalan.
4Bisan pag maglakaw ako sa ngitngit nga walog sa kamatayon,
dili ako mahadlok
kay nag-uban ka man kanako;
gipanalipdan mo ako pinaagi sa imong sungkod ug bunal.
5Giandaman mo akog pagkaon
atubangan sa akong mga kaaway.
Gidihogan mog lana ang akong ulo
ug gipaawas mo ang akong kupa.
6Ang imong kaayo ug gugma mag-uban kanako sa tibuok kong kinabuhi;
ug magpuyo ako sa balay sa Ginoo hangtod sa kahangtoran.#23:6 hangtod sa kahangtoran: o sa tibuok kong kinabuhi.
Atualmente Selecionado:
Mga Salmo 23: RCPV
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 1999 Philippine Bible Society