Mga Salmo 16
16
Masaligong Pag-ampo#ANG ULOHAN SA HEBREO: Salmo ni David.
1Panalipdi ako, O Dios,
kay kanimo midangop ako.
2Miingon ako sa Ginoo,
“Ikaw mao ang akong Ginoo!
Ang tanang maayong butang nga ania kanako naggikan kanimo.”
3Pagkamaayo gayod sa katawhan sa Ginoo!
Ang labing dako kong kalipay mao ang pagpakig-uban kanila.
4Ang modangop sa mga diosdios
nagdapit lang ug daghang kasamok sa ilang kaugalingon.
Dili ako moapil sa ilang mga paghalad
ug dili ako mosimba sa ilang mga diosdios.
5Ikaw ra gayod, O Ginoo, ang gisaligan ko
ug gihatagan mo ako sa tanan kong gikinahanglan.
Ang akong kinabuhi anaa sa imong kamot.
6Pagkaanindot gayod
sa dapit nga gihatag mo kanako!
Pagkamaayo gayod niini!
7Daygon ko ang Ginoo
kay gigiyahan niya ako.
Sa gabii, ang akong tanlag naglamdag kanako.
8Ang#Buh. 2:25-28. Ginoo gisunod nako kanunay
ug wala akoy gikahadlokan
kay ania man siya sa akong duol.
9Busa mapasalamaton ug malipayon ako kaayo
ug nagpuyo nga malinawon,
10kay#Buh. 13:35. gipanalipdan mo ako
gikan sa gahom sa kamatayon.
Nag-alagad ako kanimo nga matinud-anon
busa dili mo ako itugyan
ngadto sa kalibotan sa mga patay.
11Gitultolan mo ako
sa dalan paingon sa kinabuhi;
ang imong presensya naghatag kanakog tumang kalipay
ug nagdalag katagbawan hangtod sa kahangtoran.
Atualmente Selecionado:
Mga Salmo 16: RCPV
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 1999 Philippine Bible Society