Génesis 5
5
Adanpa mirayninkunamanta
(1 Cr 1.1-14)
1Kaykunam Adanpa mirayninkuna. Runata Dios unanchaspanqa kikinman rikchakuqtam unancharqa. 2#Mt 19.4; Mr 10.6.#Gn 1.27-28.Qaritawan warmitam unancharqa hinaspanmi bendeciykuspan chay punchaw paykunata “runa” nispa suticharqa.
3Adanqa pachak kimsa chunka watayuq kachkaptinmi payman rikchakuq huknin qari churin nacemurqa, paytam Setwan suticharqa. 4Setpa nacesqanmantam Adán pusaq pachak watataraq kawsarqa. Chay watakunapim qarikunata warmikunata churyarqa. 5Adanqa isqon pachak kimsa chunka watanpiñam wañukurqa.
6Setmi pachak pichqayuq watanpi kachkaspan Enosta churyarqa. 7Enospa nacesqanmantam Set kawsarqa pusaq pachak qanchisniyuq watataraq. Chay watakunapim qarikunata warmikunata churyarqa. 8Setqa isqon pachak chunka iskayniyuq watanpiñam wañukurqa.
9Enosmi isqon chunka watayuq kachkaspan Cainanta churyarqa. 10Cainanpa nacesqanmantam Enós pusaq pachak chunka pichqayuq watataraq kawsarqa. Chay watakunapim qarikunata warmikunata churyarqa. 11Enosqa isqon pachak pichqayuq watanpiñam wañukurqa.
12Cainanmi qanchis chunka watayuq kachkaspan Mahalaleelta churyarurqa. 13Mahalaleelpa nacesqanmantam Cainán pusaq pachak tawa chunka watataraq kawsarqa. Chay watakunapim qarikunata warmikunata churyarqa. 14Cainanqa isqon pachak chunkayuq watanpiñam wañukurqa.
15Mahalaleelmi soqta chunka pichqayuq watanpi kachkaspan Jaredta churyarqa. 16Jaredpa nacesqanmantam Mahalaleel pusaq pachak kimsa chunka watataraq kawsarqa. Chay watakunapim qarikunata warmikunata churyarqa. 17Mahalaleelqa pusaq pachak isqon chunka pichqayuq watanpiñam wañukurqa.
18Jaredmi pachak soqta chunka iskayniyuq watanpi kachkaspan Enocta churyarqa. 19Enocpa nacesqanmantam Jaredqa pusaq pachak watataraq kawsarqa. Chay watakunapim qarikunata warmikunata churyarqa. 20Jaredqa isqon pachak soqta chunka iskayniyuq watanpiñam wañukurqa. 21Enocmi soqta chunka pichqayuq watanpi kachkaspan Matusalenta churyarqa. 22Matusalenpa nacesqanmantam Enoc kimsa pachak watataraq kawsarqa. Payqa Diospa munasqanman hinam kawsarqa. Chay watakunapim qarikunata warmikunata churyarqa. 23Enocqa kimsa pachak soqta chunka pichqayuq watam kawsarqa. 24#Heb 11.5; Jud 14.Diospa munasqanman hina kawsasqanraykum Dios pusakuptin chinkarurqa.
25Matusalenmi pachak pusaq chunka qanchisniyuq watanpi kachkaspan Lamecta churyarqa. 26Lamecpa nacesqanmantam Matusalenqa qanchis pachak pusaq chunka iskayniyuq watataraq kawsarqa. Chay watakunapim qarikunata warmikunata churyarqa. 27Matusalenqa isqon pachak soqta chunka isqonniyuq watanpiñam wañukurqa.
28Lamecmi pachak pusaq chunka iskayniyuq watanpi kachkaspan huk qari wawata churyarqa. 29Paytam #5.29 Hebreo simipi Noé ninanqa “Samariy” ninanmi.Noeywan sutichaspa nirqa:
Paymi tukuy ima ruwayninchikmanta chaynallataq llapa llamkayninchikmanta samaykachiwasun, kay allpa Diospa ñakasqan kasqanrayku, nispa.
30Noeypa nacesqanmantam Lamec pichqa pachak isqon chunka pichqayuq watataraq kawsarqa. Chay watakunapim qarikunata warmikunata churyarqa. 31Lamecqa qanchis pachak qanchis chunka qanchisniyuq watanpiñam wañukurqa.
32Noeyqa pichqa pachak watayuq kachkaspanmi Semta, Camta hinaspa Jafetta churyarqa.
Atualmente Selecionado:
Génesis 5: RCHQ2
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Chuya Qellqa Revisión @ Sociedad Bíblica Peruana, 2012
