Luka 13

1 # Asw 5:37. Kapak kanipe kaŋin kojaas ituŋa lukitejenunete ŋes nuka Igalilayan, lukinyalakini Pilato akeceokot kasubanakec, 2#Yok 9:2. Koboŋok kotema kes atiar, “Iwomito kereka ebe keroko Igalilayan ŋul aitelekarit Igalilayan ice kere, naarai iticanio ŋun? 3#Sab 7:12. Katemari yes atiar, Mam; konye arai mam yes itoronikinos, imudiaros kere kwape kwaŋin, 4Arai kwi itomon kakanykauni lukibirokin etogo loeoja, koSiloam, koara kes, iwomito kereka ebe ebucarito ŋul aitelekarit ituŋa kere lukiboiete koYerusalem? 5Katemari yes atiar, Mam; konye arai mam yes itoronikinos, imudiaros kere kwape kwaŋin.”

6 # Luk 3:9; Mat 3:10; 21:19; Mk 11:13. Kiner awaragan na ebe, “Kejai etuŋanan ka etini lokiraikinitai manake naka emusabibu; kolot amoot araitoke, mam edumuna. 7Kotema ŋesi ekeswaman loka amana naka emusabibu atiar, ‘Koany, ikar iuni lu abu amoot araito naka etini kalo, mam adumunit amodio. Kojepa; kanukinyo imadiŋikinia alup?’ 8#2 Pet 3:9,15. Koboŋok kotema atiar, ‘Ejakait, kinyek ber ekaru lo da, kebokibok kewor da. 9Arai kera do araito okaru je, ejok; konye arai mam, ijepari.’ ”

10Kapaaran nakasabato isisianakini kotoma adiopet katukosia. 11Ido koany, kojai aberu nakejai ajokit nakalany ikar itomon kakanykauni; nakekudokina, komam epedori cut aitenar, 12Nakeanyunia Yesu ŋes, konyarau, kotema ŋes atiar, “Toto, kilacar kotoma akalanyanutukon.” 13#Mk 7:32. Kidokok ŋes akekanin, atipet kitenar, kitopolo Edeke. 14#Any 20:9-10; Ikis 5:13-14. Konye konyunyura ekayaiton loka atukos naarai etaŋaleun Yesu kapaaran nakasabato, kotema ituŋa atiar, “Ejaas apaarasia akanykape nuejokiar ituŋa aiswamaa aswam; aso kopotu aitaŋaleunio kapaarasia kaŋun, kwabo mere kapaaran nakasabato.” 15#Luk 14:5. Konye Ejakait Koboŋok ebe, “Yes lukesoswai! Kapaaran nakasabato mam kereka ilacununete ninidioper kayes ekemoŋ arai akesigiria kotoma auj, koyaŋa aitamat? 16#Luk 19:9; Asw 3:25. Aberu na da, naerai aur naka Aburaam, nakeeni Satan ikar lu itomon kalukanykauni, mam tope kibusakinit alacakinio kaenet kana apaaran nakasabato?” 17Nakinerar ŋun, kirumata ileic lukasurupoke kere: kiyalamikin ekodet kere kanuka akiro kere nukaibuses nukiswamai ŋesi.

18 # Mat 13:31-33; Mk 4:30-32. Aso kotema atiar, “Eputos ajakanut naka Edeke kinyo? Etupusi kinyo? 19#Dan 4:12,21; Esk 17:23; 31:6. Eputosi kecokat loka ekaradali lokelemari etuŋanan, kocakak toma omanikorike; kobwaŋ, koraun ekitoi; koperenenete akweny nuka apak atenieikike.”

20Kotema bobo atiar, “Etupusi kinyo ajakanut naka Edeke? 21Eputosi kaitubuunet nakelemari aberu kibwa kotoma aitemisio auni nuka akiria, kiton neabuunioto kere.”

22Kiyatak akelosit aitor koreria lukapolok ka ludidik, isisianakini, ebei Yerusalem, 23Kiŋit ŋes etuŋanan ediopet ebe, “Ejakait, ikidioko ca luitaiario?” Kotema kes atiar, 24#Mat 7:13,14; Pil 3:12; 1 Tim 6:12. “Kokokito alomar kokek kaloedidiŋ: naarai katemari yes atiar, Ekotokinos luipu alomar kwabo mam epedorete. 25#Mat 25:11,12. Apak naanyounio elopet etogo agoloki da ekek, igeunete yesi aibwo kokiŋa, ka aikuŋukuŋ ekek, kobalas ebe, ‘Wu okwe Ejakait, koŋaarai;’ eboŋokini ŋesi etemari atiar, ‘Mam ajeni nekiponiata.’ 26#Mat 7:22,23. Kanen igeunete atemar atiar, ‘Kipou kanyama kamata da kakonyenekon, ijo da kisisianakini korotinikosi;’ 27#Sab 6:8. etemari ŋesi atiar, ‘Katemari yes atiar, Mam ajeni nekiponiata; irwa kamakaŋ, yes kere lukeswamak numam adolit.’ 28#Mat 8:11-12. Kanen ejaun aimony ka airiamanakin ikel, naianyuniata Aburaam, ka Isaak, ka Yakob, ka inabin kere, kotoma ajakanut naka Edeke, ka yes da ikulepek kicakario kiŋa. #Mat 22:13; 25:30. 29#Mal 1:11; Isa 49:12; 59:19; Sab 107:3; Luk 14:15. Epote ituŋa anyoun kokide, koto, ka agolitomei ka eŋalakimak da, iboikinos kesi toma ajakanut naka Edeke, 30#Mat 19:30; 20:16; Mk 10:31. Ido koany, ejaas lukawasia lueraunos lusodit, ejaas da lusodit, lueraunos lukawasia.”

31Kosawa kaŋol kopotu Iparisayon ice kotemasi ŋes atiar, “Konyou kane kolot nenice; naarai ekoto Kerode aiar jo.” 32Kotema kes atiar, “Koloto kolimokis ekuwe ŋol ebe, ‘Koany, ereŋeari ajokin, etaŋaleununei da lolo ka moi, kapaaran nakiwuniet etodolikin. 33Konye kebusakinit aibe ekarot lolo ka moi, ka apaaran naetupakini da; naarai mam ibusakinit enabi amudiario kokiŋa naka Yerusalem.’ 34#Mat 23:37-39. Wu okwe Yerusalem, Yerusalem, loeari inabin ka aibiribir kamor ŋul lukiyakunio mamakon! Irwan imwa ai abu kakotor atukonokin ikonidwe kwape etukonokinia akokor ikemiyoi kwap abebenokake, konye mam yes ekotokino! 35#Sab 69:25; 118:26; Yer 12:7; 22:5. Koany, kinyeinere ekusitogo. Katemari yes atiar, Mam kianyunete eoŋ bobo cut, aitodol naitemariata atiar, ‘Isirereŋitoi ŋol loebunit kokiror loka Ejakait!’ ”

Atualmente Selecionado:

Luka 13: AOV1961

Destaque

Copiar