Ageun 3

1 # Mat 10:16; Apu 12:2,9; 20:2. Kepiiriana emun aitelekarit itian kere luka ais lukesubi EJAKAIT Edeke, Kotema ŋesi aberu atiar, “Eebo, abala teni Edeke ebe, ‘Mam inyamenenete araito nuka ekitoi ke re lokomanikor’?” 2Kotema aberu cmun atiar, “Kisiikinitai ainyam araito nuka ikito lukomanikor; 3#Age 2:16,17. dimarai araito nuka ekitoi loejai kidiŋ omanikor, ŋun abala Edeke ebe, ‘Mam inyamenenete, karaida atiror, kinyeis atwakare.’’’ 4#2 Kor 11:3; 1 Tim 2:14. Kotema emun aberu atiar, “Mam cut itwakete. 5Naarai ejeŋi Edeke ebe apaaran napinyamiata ŋun, ŋes ekwenyuniata akusikonye, iraunos yesi da bala Edeke, ajenenen nuejok ka nueroko.” 6#Rom 5:12-19. Nakeanyunia aberu ekitoi ebe ejok ainyam, isiyalamikinit da akonye, ekitoi da erai loisiŋobelei ayaun acoa, koden araitoke, konyam; koinak okilenike da, konyam. 7Kitekwenyunai iarei kere akecekonye, kojenut ebe kimuialalas, kodonyut akui nuka etini, #3:7 etini ŋes ekitoi loerai araito nuejijim. kosubut arobai.

8 # Yob 31:33; 38:1; Sab 139:1-12; Yer 23:34; Amo 9:3. Kiiras eporoto loka EJAKAIT Edeke itorit omanikor ariripet naka apaaran, konopata etuŋanan ka akeberu kakonyen nuka EJAKAIT Edeke kokidiij okito lukomanikor. 9#Age 4:9. Kiworo EJAKAIT Edeke etuŋanan kotema ŋes ariar, “Ai bo ijai ijo?” 10#Yob 23:15; 1 Yok 3:20. Kotema ŋesi atiar, “Abu keira ekoniporoto komanikor, kakurianar, naarai amujalal: kanop.” 11Kotema atiar, “Iŋai bo kilimokini jo ebe imujalal? Inyama ca ijo araito nuka ekitoi loabu keeorak jo ebe mam inyami?” 12#Awa 28:13; Yak 1:13. Kobala etuŋanan ebe, “Aberu nakiinakin ajaenena keoŋ, ŋes kainakini araito nuka ekitoi, kanyam.”

13 # 2 Kor 11:3; 1 Tim 2:14. Kotema EJAKAIT Edeke aberu atiar, “Anyoika nu nuiswama?”

Kotema aberu atiar, “Emun kejodijodi, tape anyami.” 14#Isa 65:25; Mik 7:17. Kotema EJAKAIT Edeke emun atiar.

“Kanu iswamaa ŋin,

kikenokinitoi jo aitelekarit ibaren kere,

ido aitelekarit nolitian kere loka ais:

iliaenenei kakonikoik,

inyamenenei apua

apaarasia kere nuka aijarakon,

15 # Mar 21:6,7; Rom 16:20; Bur 2:14; 1 Yok 3:8. Ebwaikini asurup kidinikon ka aberu,

ido kidiŋ aurikon ka aurike da;

idecideeenenei akonikou

ka jo da idecideeenenei aketitibat.”

16 # Yok 16:21; 1 Tim 2:15. Kotema ŋesi aberu atiar,

“Eyatakini noi ikonican ka akonipotuunun,

Kotoma ocan ŋes idoununio idwe,

akoniimuit koiai neejai okilenikon,

ido ŋes kiyait jo.”

17 # Yob 5:7; Lim 2:23; Bur 6:8. Kotema ŋesi Adam atiar,

“Naarai ibu ijo kiira eporoto loka aberukon,

ainyam araito nuka ekitoi

lokeeorakin jo ebe

‘Mam inyami’,

ekeni alup kanukon;

kotoma ailolitoikon ŋes idumunia luinyami

apaarasia kere nuka aijarakon.

18Kibwanakinete ikukwa ka isukukur:

inyamenenei ikui luka ais.

19 # 1 Kor 15:21,22. Kotoma ainyinyir nuka akonyenekon ŋes idumunia inyamat,

aitodol neibonoria alup,

naarai nen ŋes kolo kilemunere; naarai irai ijo apua,

ibonori da apua.”

20Komaik etuŋanan akeberu ekekiror Keba; naarai arai ŋesi toto naka luejarete kere. 21Kiswamak EJAKAIT Edeke Adam ka akeberu inapen luka imukulen, kitanap kes.

22 # Age 3:5; 2:9; Apu 22:14. Kobala EJAKAIT Edeke ebe, “Koany, etuluor etuŋanan bala ediopet kaoni aijen nuejok ka nueroko; aso natikwana kinye ŋesi arior akekan da adenun araito nuka ekitoi loka aijar, ka ainyam, ka aibut ikar kere”— 23Ŋes ejukaria EJAKAIT Edeke ŋes kina kemanikor loka Eden, akorienen alup nukelemunere ŋes. 24#Age 2:8; Sab 104:4; Bur 1:7; Yok 14:6. Kwaŋin kirenea ŋesi etuŋanan: kosodi kari nakokide naka emanikor loka Eden kibwaik Ikerubin, ka ekileŋ loimilia loibelonokin iwaitin kere, aidar erot loka ekitoi loka aijar.

Atualmente Selecionado:

Ageun 3: AOV1961

Destaque

Copiar