LUKA 19

1YI akabwela mu Yeliko yi akadi mu kudika momu. 2Yi mona, mwamulumi akabikidibwa ene, Sakayo ; akadi mwamukulu a basangi ba milambu, yi akadi muna bodidi. 3Yi akapalala kumona Yisu bidiyi, yi akadi kasolubukwa bwalo bwa kimbukuma kia bantu, bwalo bwakadiyi muntu mwepe. 4Yi akaya lubilu ku buxi, akabanda mu muci ă kikuyi bixemumonayi ; bwalo buxedikayi pa ncila you. 5Yi pakafika Yisu ku kidi, akasangola meso anci yi akamutôyela ene, Sakayo, pweka mangwoso ; bwalo bunxesala lelo mu ncibo ebe. 6Yi akapweka mangwoso yi akamwangata yi kiango. 7Yi pakamonabo, bakapindula bungi bwabo ene, Amaya lala kwa muntu udi mwoni. 8Yi Sakayo akakwemana yi akatôyela Fumu ene, Mona, Fumu, mpapa bakombi lwedi lwa bima biamene pakacikaci ; aka lolo namancula kintu kimokimwe kudi muntu mwoso ku bumanya, ngwapingasa Iwedi lwa bintu binai. 9Yi Yisu akamwambila ene, Kupandixibwa kwa môyo kwamafika lelo ku ncibo you, bwalo budiyi kabidi mwana a Abalami. 10Bwalo bwamalwa Mwana a Muntu kulwa palala you ăkabungwa yi kumupandisa.

11Yi pakakwombwabo bintu bebi, akatôya kabidi yi akabambila mwele, bwalo bwakadiyi pepe yi Yelusaleme, yi bakakwenca ene, bufumu bwa Ncembi buxemoneka nkyekyu nkyekyu. 12Ka biakatôyayi ene, Muntu munene akaya ku munga mbata kulekule kuya diangacila bufumu yi kulwa pinana. 13Yi akabikila basadi banci disangi, yi akabapa mpalata disangi, yi akabatôyela ene, Nuleki pôi kikondo kinapinana. 14Mo bangongo banci bakamunyañana, yi bakatuma lutumu lwa kumulanda kunyuma ene, Katusoli muntu you uxeakala fumwecu.

15Yi pa kipinaninu kienci, pakadi amadya bufumu bwanci, pakatôyayi ene, basadi baba bakapayi mpalata babikidibwi kudiyi, bixelubukwayi biakatetowabo pa kuleka yinayo. 16You a buxi akalwa ene, Fumu, mpalata ebe amasomboka sombo a mpalata disangi. 17Yi akamutôyela ene, Kunengela, musadi unengela ; bwalo bwamakwenca yi kibaku ku kintu kibende, ikala owe yi bumanya kulu kwa mala disangf.

18Yi you amubidi akalwa ene, Fumu, mpalata ebe amasomboka sombo a mpalata itano. 19Yi akamutôyela kabidi ene, Ikala owe kabidi yi bumanya kulu kwa mala atano. 20Yi munga akalwa ene, Fumu, mona, mpalata ebe kayou, unakabumba musuka mu kitambala. 21Bwalo bunakakucina, bwalo budi owe muntu ukola ; wamakwongula kintu kitaladika owe, yi wamabuka bintu bitakuna owe. 22Yei akamutôyela ene, Nakukubela ku diyi dia musuku ebe mikyebe, musadi mubi ; wakalubukwa ene, meme ndi muntu ukola, namakwongula kintu kintaladikili, yi namabuka bintu bintakunini. 23Mbwôso kukai wakadi kusolongola mpalata amene kudi basumbanyanani ? yi meme nxemwangata yi kiepe ku kipinaninu kiamene. 24Yi akatôyela bantu bakakwemana pepe ene, Nunculi mpalata kudiyi, numulongoli kudi you udi yi mpalata disangi. 25Yi bakamutôyela ene, Fumu, yei udi yi mpalata disangi. 26Nwatôyela ene, Muntu mwoso apwangata, unapebwa bintu ; mo you utena yi kintu, kudiyi kunancudibwa isanga bintu bidi yinanci. 27Kaninga bwalo bwa bantu baba batanda yinami, batasokyeba meme kwakala yi bufumu kulu kwabo, nubafikisi kunu, nubaxipi ku mpala amene.

28Yi pakadi amatôya nako, akalwangwala ku buxi, udi mu kuximuna ku Yelusaleme. 29Yi pakakokyelayi pepe yi Betefange yi Betani ku lupongo lwabikidibwa ene, lwa Olife, akatuma bantu babidi ba beyi banci 30ene, Nuyi mu kala kabende kadi ku mpala enu ; yi panunabwela nunasañana mwana a mpundu momu musuka, utakwapemeni muntu kulu kwanci pô ; numusuli, yi numucwali kunu. 31Yi ndo muntu mwoso unanwapangusa ene, Numwasula kukai ? nunatôya noku ene, Fumu umwabila. 32Yi bobo bakatumibwa bakancuka, yi bakasañana isanga bea biakabatôyelayi. 33Yi pakadi badi mu kusula mwana a mpundu, bafumu banci bakabatôyela ene, Nwasula mwana a mpundu kukai ? 34Yi bobo ene, Fumu umwabila. 35Yi bakamucwala kudi Yisu ; yi bakakwela bilamba biabo kulu kwa mwana a mpundu, yi bakakwapeya Yisu kulu kwanci. 36Yi pakakwendayi bakakwadisa bilamba biabo mu ncila. 37Pakadi lolo utanakokyela pepe, ku mpulumuku a lupongo lwa Olife, kibumbu kincimancima kia keyi banci bakabanga kuxekyelela yi kutumbisa Ncembi yi diyi dikola, bwalo bwa makisa moso a ngulu akamamonabo ; 38ene, Fumu atumbixibwi ulolwa ku dina dia Fumu ; polo mu diulu, yi dikai mu kidi kiadika kulu. 39Yi banga baFalixi ba ku kimbukuma bakamutôyela ene, Mweyexi, kama beyi bebe dikamu. 40Yi akapingasa ene, Nwatôyela ene, ndo bantu baba banapudikila, mabwe anakwamena.

41Yi pakakokyelayi pepe akamona bula, yi akabuncudila masonci, 42ene, Ximbi wamalubukwa ku dituku dedi, isanga owe, bintu bebi bidi bwalo bwa polo ebe ; kaninga nkyekyu bidi bisokoka ku meso ebe. 43Bwalo bunalwa matuku kudi anakudinga bantu batanda yinebe kimana kô, banakubukila munda, yi banakubamba ku mwanca mwoso, 44banakuntuntula paxi yi bana bebe munda mwebe ; yi kabanaxiya munda mwebe dibwe kulu kwa dibwe ; bwalo bwakadi kusolubukwa kikondo kia kilulu kiakakulubwa.

45Yi akabwela mu tempelo yi akabanga kubapaula bakaleka munda, 46yi akabatôyela ene, Kwamafundibwa ene, Ncibo amene unakala ncibo a lulombu, mo nonu nwamamuteka kisokomenu kia oefi.

47Yi akaxweyesa eyesa mu tempelo ku dituku ku dituku ; mo makanda manene yi bafundi ba mikanda yi bantu banene ba bantu bakapalala kumuxipa, 48yi bakadi kabasosañana mwa kwenca, bwalo bwakabaka bungi bwa bantu macu abo ndo kumwombwa.

Atualmente Selecionado:

LUKA 19: Luna_NT

Destaque

Copiar