मरकुस 16

ईशु चे जीते हुवणे

(मत्ती 28:1–8; लूका 24:1–12; यूहन्‍ना 20:1–10)

1जब सब्त चा ङिओ बीतती गेला, तां मरियम मगदलीनी, ते याकूब ची आई मरियम, ते सलोमी ने खुश्बुदार चीजा मोल गेहलीया कि आती कर ओचे उपर मसलो। 2हफ्ते चे पेहले ङिओ पुरा फुटले जब सूरज निकड़ला ही हुता, वे कब्री उपर आलीया 3ते आपस मां किही पलतीया, “अम्चे वास्ते कब्री चे दरवाजे कनु पत्थरा नु कूण लुढ़कावी?”

4जब वाणे आंखीया चलीया, तां ङेखले कि पत्थर उठु लुढ़कला पला, ओ ब़ोहत ही बङा हुता। 5कब्री चे भीतर जती कर वाणे हेके जवाना नु चिट्टी ओढ़णी घाले हुले सज़्ज़े पासु ब़ेहले ङेखले, ते ब़ोहत चकराती गेलीया।

6ओणे वानु केहले, “चकरावा ना, तम्ही ईशु नासरी नु, जको क्रूसा उपर चढ़ाला गेलता, सोधा पलीया। ओ इठे कोनी, जीता हुती गेला, ङेखा, हाओ वा जग़हा छै, जिठे वाणे ओनु मेहले हुते। 7#मत्ती 26:32; मरकु 14:28पर तम्ही जावा, ते ओचे चैला नु ते पतरस नु किहा कि ओ तम्चे कनु पेहले गलील मां जाये पला, जिंवे ओणे तम्हानु केहती ङिले हुते, तम्ही उठी ओनु ङेखा। ”

8ते वे निकलती कर कब्री कनु द्रोड़ती पलीया, कांकि कांपणी ते घब़राहट वांचे उपर आती गेलती।

मरियम मगदलीनी नु ईशु चा दर्शन

(मत्ती 28:9,10; यूहन्‍ना 20:11–18)

9हफ्ते चे पेहले ङिओ ऐतवारा नु सवेले-सवेले ओ जीता हुती कर सारा महु पेहले मरियम मगदलीनी नु ङिसला यिनु ईशु ने सात दुष्टात्मा कनु छुटकारा ङिलता हुता। 10विणे जती कर ईशु चे साथीया नु, जको गमा मां ब़ुङले पलते ते रोवी पलते, समाचार ङिला। 11वाणे ईं सुणती कर कि ओ जीता छै ते विणे ओनु ङेखले, विश्‍वास कोनी करला।

ङोन चैला ने ईशु नु ङेखले

(लूका 24:13–35)

12ऐचे बाद खेता चे मार्ग़ जते समय ङोन चैला चे सामणे ईशु यूं प्रकट हुला कि वे ओनु पिछाण नी सग़ले। 13ने जती कर नेरा नु वी ओचे बारे मां बावड़ले जा सूचना ङिली ने बल्ति वी वांचा विश्‍वास कोनी करला।

प्रेरितां चे लारे ईशु ची बातचीत

(मत्ती 28:16–20; लूका 24:36–49; यूहन्‍ना 20:19–23; प्रेरितां चे काम 1:6–8)

14बादा मां जिसे बेले ओचे ग्यारा चैले रोटी खई पलते ले, ओ वांचे सामणे प्रकट हुला। ते ओणे वानु वांचे अविश्‍वास उपर ते वांची मना ची कठोरता उपर दड़काले, कांकि जेह्णे ओनु जीते हुवणे चे बादा मां ङेखले हुते, यांणे ओचा विश्‍वास कोनी करला हुता। 15#प्रेरि 1:8ते ओणे वानु केहले, “तम्ही सारे संसारा मां जती कर ते सारी सृष्टि चे लौका नु सुसमाचार प्रचार करा। 16जको कुई विश्‍वास करे ते बपतिस्मा गिहे ते ओही बचाला जई, जको विश्‍वास ना करी, ऊं दोषी ठहराले जई। 17जको माये उपर विश्‍वास करी, ओचे मां ये चैन्ह हुवे, वे माये नांवा उपर दुष्टात्मा नु काढ़े, वे नवींया-नवींया ब़ोलीया ब़ोले। 18वे आपणे हाथा मां नाग़ा नु पकड़ती गिहे ते वे अगर जहर वी पीती गिहे तां वांची कहीं वी हानि नी हुवी, वे बिमारा उपर आपणे हाथ मेहले, ते वे ठीक हुती जाये।”

ईशु चे स्वर्ग़ा सनु जाणे

(लूका 24:50–53; प्रेरितां चे काम 1:9–11)

19 # प्रेरि 1:9–11 प्रभु ईशु वांचे लारे बाता करने चे बाद स्वर्ग़ा उपर चती गेहला गेला, ते नरीकारा चे सज़्ज़े पासु ब़ेसती रेहला। 20ईशु चे चैला ने हर जग़हा जती प्रचार करला। ते प्रभु वांचे लारे काम करता रेहला, ते वां चैन्हा चे जरिये जको लारे-लारे हुवी पलते, वचना नु दृढ करता रेहला। आमीन।

Atualmente Selecionado:

मरकुस 16: ODR

Destaque

Copiar