मत्ती 23

शास्त्रीया ते फरीसिया कनु चौकस

(मरकुस 12:38,39; लूका 11:43,46; 20:45,46)

1तब ईशु ने भीड़ नु ते आपणे चैला नु केहले, 2“यहूदी धर्मशास्त्री ते फरीसी मूसा चे पवित्रशास्त्र नु सिखावणे चे अधिकारी छी। 3ऐवास्ते वे तम्हानु जको कहीं किही ऊं करजा, ते मनती गेहजा, पर वांचे आलीकर काम ना करजा, कांकि वे किही तां सही पर करी ना। 4वे हेक इसड़े भारी बोझ नु जानु चवणे मुश्किल छै, ब़ांहती कर वानु इन्साना चे मूंढा उपर मेहली, पर आप ओनु आंगली लारे वी सरकावणे ना चाहवी। 5#मत्ती 6:1वे आपणे सारे काम लौका नु ङिखाणने वास्ते करी। वे आपणे तवीजा नु चौड़े करी ते जको ठोङा उपर ते हाथा उपर ब़ांधी, ते आपणे चोला चे कूणे बधावी, ताकि बन्दी वानु धर्मी समझो! 6मेहमान खाने मां खास-खास जग़ह, ते प्राथनाघरा मां खास-खास आसण, 7बजारा मां नमस्कार, ते इन्साना मां ‘रब्बी’ किहवाणे वानु भावे। 8पर तम्ही ‘रब्बी,’ ना किहवाजा, कांकि तम्चा हेक ही गुरु छै, ते तम्ही सारे भऊ छिवा। 9धरती उपर कानु आपणा ‘ब़ा’ ना केहजा, कांकि तम्चा हेक ही ब़ा नरीकार छै, जको स्वर्ग़ा मां छै। 10ते मालिक वी ना किहवाजा, कांकि तम्चा हेक ही मालिक छै, यानि मसीह। 11#मत्ती 20:26,27; मरकु 9:35; 10:43,44; लूक 22:26जको तम्चे महु बङा हो, ओ तम्चा सेवक बणो। 12#लूक 14:11; 18:14जको कुई आपणे आप नु बङे बणावी, ऊं छोटे करले जई, ते जको कुई आपणे आप नु छोटे बणावी, ऊं बङे करले जई।

धर्मशास्त्रीया ते फरीसिया चा पखण्ड

(मरकुस 12:40; लूका 11:39–42,44,52; 20:47)

13“हे कप्पटी शास्त्री ते फरीसी, तम्चे उपर हाय! तम्ही इन्साना वास्ते स्वर्ग़ चे राज़ चे दरवाजे बन्द करती नाखा, ना तां आप ही ओचे मां जावा, ते ना ओचे मां जाणे आला नु जऊं ङिया। 14हे कप्पटी शास्त्री ते फरीसी, तम्चे उपर हाय! तम्ही बांढीया चे घर खाती जावा,ते ङिखाणने वास्ते बङी देर तक प्राथना करते रिहा, ऐवास्ते तम्हानु ज्यादा ङण्ड मिली। #23:14 कोच्छ हस्तलेखा मां हा वाक्य ना मिली

15“हे कप्पटी शास्त्री ते फरीसी तम्चे उपर हाय! तम्ही हेक जणे नु आपणे मत्त मां आणने वास्ते, सारे जल ते थल मां फिरते रिहा, ते जिसे बेले ओ मत्त मां आती जाये तां ओनु आपणे कनु दुगना नर्का आले बणाती ङिया।

16“हे अन्धे अग़ुवे, तम्चे उपर हाय! जको किहा कि ‘अगर कुई मन्दरा ची कसम खाये तां कोच्छ कोनी, पर अगर कुई मन्दरा चे सोने ची कसम खाये तां ओचे लारे ब़झती जाये।’ 17हे बेवकूफ ते अन्धे लौक, कूण बङे छै, सोने जा ओ मन्दर जाये लारे सोने पवित्र हुवे? 18बल्ति किहा कि ‘अगर कुई वेदी ची कसम खाये तां कोच्छ कोनी, पर जको भेंट ओचे उपर छै, अगर कुई विची कसम खाये तां ऊं आपणी कसमी मां ब़झती जाये।’ 19हे अन्धे, कूण बङे छै, भेंट जा वेदी जाये कनु भेंट पवित्र हुवे? 20ऐवास्ते जको वेदी ची कसम खाये, ते जको कहीं विचे उपर छै, विची वी कसम खाये। 21ते जको कुई मन्दरा ची कसम खाये, ओ ओची ते ओचे मां रेहणे आले नरीकारा ची वी कसम खाये। 22#मत्ती 5:34ते जको स्वर्ग़ा ची कसम खाये, ओ नरीकारा चे सिंहासन ची ते ओचे उपर ब़ेसणे आले ङुंहु ची वी कसम खाये।

23“हे कप्पटी शास्त्री ते फरीसी, तम्चे उपर हाय! तम्ही फूदने, ते सौंफ ते जीरे चा ङसवां हेंस्सा तां ङिया, पर तम्ही व्यवस्था चीया गम्भीर बाता नु यानिकि न्यां, ते दया, ते विश्‍वास नु छोड़ती ङिले, चाही हुते कि याहनु वी करते रिहा ते वानु वी ना छोड़ा हा। 24हे अन्धे अग़ुवे, तम्ही पाणीया महु माच्छरा नु तां छाणती नाखा, पर ऊंठा नु निग़लती जावा।

25“हे कप्पटी शास्त्री ते फरीसी, तम्चे उपर हाय! तम्ही मुंगर ते थाली नु उपर-उपर कनु तां मांझा पर वे भीतर अन्धेर ते असंयम लारे भरले आले छी। 26हे अन्धे फरीसी, पेहले मुंगर ते थाली नु भीतर मांझ कि वे ब़ाहर वी साफ हो।

27 # प्रेरि 23:3 “हे कप्पटी शास्त्री ते फरीसी, तम्चे उपर हाय! तम्ही चूना पोतलीया कब्रा आलीकर छिवा जको उपर कनु तां सोणीया ङिसी, पर भीतर मुड़दा चा हङीया ते हर-तरहा ची मलिनता लारे भरलीया आलीया छी। 28यूं करती तम्ही वी उपर कनु बन्दा नु धर्मी ङिसा, पर भीतर कप्पट ते अधर्म लारे भरले पले।

धर्मशास्त्रीया ते फरीसिया उपर ङण्ड ची भविष्यवाणी

(लूका 11:47–51)

29“हे कप्पटी शास्त्री ते फरीसी, तम्चे उपर हाय! तम्ही भविष्यवक्‍ता चीया कब्रा सुधारा ते धर्मीया चीया कब्रा बणावा। 30ते किहा, ‘अगर अम्ही आपणे ङाङा-ब़ा चे समय मां हुवा तां भविष्यवक्‍ता ची हत्या मां वांचे भईवाल ना हुवा।’ 31ऐचे कनु तम्ही आपणे उपर आप ही ग़वाह छिवा कि तम्ही भविष्यवक्‍ता चे हत्यारा ची ऊलाद्ध छिवा। 32तां तम्ही आपणे ङाङा-ब़ा चे पापा चा घड़ा पुरी तरह भरती ङिया। 33#मत्ती 3:7; 12:34; लूक 3:7हे नाग़ु! हे अजगर ची ऊलाद्ध! तम्ही नर्का चे ङण्ड कनु किवें बचा? 34ऐवास्ते ङेखा, मैं तम्चे गोढु भविष्यवक्‍ता ते ब़ुध्दिमान ते शास्त्रीया नु भेज़े पला, ते तम्ही वांचे महु कईयां नु मारती नाखा ते क्रूसा उपर चढ़ावा, ते कईयां नु प्राथनाघरा मां कोड़े मारा ते हेक शहरा कनु ङुजे शहरा मां दुरकाणते फिरा। 35जाये मां धर्मी हाबिल कनु गेहती कर बिरिक्याह चे पूता जकरयाह तक, जानु तम्ही मन्दर ते वेदी चे बिचु मारती नाखले हुते। जितने धर्मीया चे लुहीं धरती उपर बाहले गेले, ऊं सारे तम्चे ठोङा उपर पड़ी। 36मैं तम्हानु सच्‍च किहे पला, ये सारीया बाता ऐ समय चे लौका उपर आती पड़े।

यरुशलेम वास्ते मुकाण

(लूका 13:34,35)

37“हे यरुशलेम, हे यरुशलेम, तु भविष्यवक्‍ता नु मारती नाखी, ते जको दुधे गोढु भेज़ले गेले, वांचे उपर पत्थराव करी, कितना ही वारी मैं चाह्‍ले कि जिंवे कूकड़ी आपणे ब़ाला नु आपणे खांपा तले भेले करे, यूंही मैं वी दुधे ब़ाला नु भेले करती गिहे, पर तम्ही कोनी चाह्‍ले। 38ङेखा, तम्चे घर तम्चे वास्ते उज़ाड़ छोड़ले जाये। 39कांकि मैं तम्हानु किहे पला कि हमा कनु जब तक तम्ही नी किहा, ‘धन्‍न छै ओ, जको प्रभु चे नांवा लारे आवे’ तब तक तम्ही मनु बल्ति कङी नी ङेखा।”

Atualmente Selecionado:

मत्ती 23: ODR

Destaque

Copiar