Jenesis 5
5
Adão nia jerasaun too Noé
1Momentu Nai Maromak halo ema, Nia halo sira hanesan Nia Aan rasik. 2Nia halo sira, mane ho feto. I Nia bolu sira ‘ema’, i Nia foo bensaun ba sira.
Ema primeiru nee naran Adão. Adão nia jerasaun sira nia naran hanesan tuir mai nee:
3Bainhira Adão tinan 130, nia hetan oan mane ida, oin hanesan nia aman. Nia tau naran ba labarik nee, Sete. 4Nee liu tiha, Adão sei moris tan tinan 800, i nia hetan tan oan mane ho oan feto sira seluk. 5Adão mate ho tinan 930.
6Bainhira Sete tinan 105, nia hetan oan mane ida, naran Enos. 7Sete sei moris tan tinan 807, i nia hetan tan oan mane ho oan feto sira seluk. 8Sete mate ho tinan 912.
9Bainhira Enos tinan 90, nia hetan oan mane ida, naran Kenán. 10Nee liu tiha, Enos sei moris tan tinan 815, i nia hetan tan oan mane ho oan feto sira seluk. 11Enos mate ho tinan 905.
12Bainhira Kenán tinan 70, nia hetan oan mane ida, naran Maalalel. 13Liu tiha nee, Kenán sei moris tan tinan 840, i nia hetan tan oan mane ho oan feto sira seluk. 14Kenán mate ho tinan 910.
15Bainhira Maalalel tinan 65, nia hetan oan mane ida, naran Jarede. 16Liu tiha nee, Maalalel sei moris tan tinan 830, i nia hetan tan oan mane ho oan feto sira seluk. 17Maalalel mate ho tinan 895.
18Bainhira Jarede tinan 162, nia hetan oan mane ida, naran Enoke. 19Liu tiha nee, Jarede sei moris tan tinan 800, i nia sei hetan tan oan mane ho oan feto sira seluk. 20Jarede mate ho tinan 962.
21Bainhira Enoke tinan 65, nia hetan oan mane ida, naran Metuselá. 22Tuir mai, Enoke moris hamtauk ba Nai Maromak too tinan 300 tan. Nia mos hetan tan oan mane ho oan feto sira seluk. 23-24Enoke moris laran ida nafatin ho Nai Maromak. I bainhira nia tinan 365, nia la iha tiha, tanba Nai Maromak lori tiha nia.
25Bainhira Metuselá tinan 187, nia hetan oan mane ida, naran Lameke. 26Liu tiha nee, Metuselá sei moris tan tinan 782, i nia hetan tan oan mane ho oan feto sira seluk. 27Metuselá mate ho tinan 969.
28Bainhira Lameke tinan 182, nia hetan oan mane ida. 29Lameke tau labarik nee nia naran Noé, tanba nia dehan, “Labarik nee sei halo haksolok ita nia laran maski ita nia serbisu todan iha rai nee, nebee NAI Naromak foo tiha ona malisan.”#5:29:Naran Noé nee, nia lian atu hanesan liafuan Ebreu ida, nebee dehan katak ‘halo haksolok’. 30Lameke sei moris tan tinan 595, i nia hetan tan oan mane ho oan feto sira seluk. 31Lameke mate ho tinan 777.
32Bainhira Noé tinan 500, nia hetan oan mane nain tolu, mak nee: Sem, Kam#5:32:Kam nee oan ikun. Haree Hahuu (Jénesis) 9:24-25. ho Jafé.
Atualmente Selecionado:
Jenesis 5: BTDT
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 2024 Wycliffe Timor-Leste.
