Wepélisiananu 10
10
Noé benu kulunu
(1 MNzfs 1)
1Noé benu lé ke Sɛm koo, Sam koo, Jafɛt koo, wo nya, wo benu ’é benu lé ke ’ko. ’Yi blɛn dale zuo, wo nénu yaa gɔné nya.
2Jafɛt benu lé ke Gomɛɛ koo, Magɔg koo, Madai koo, Javan koo, Tubal koo, Mésɛk koo, Tiras koo, wo nya. 3Gomɛɛ benu lé ke Asikénaz koo, Rifat koo, Togaama koo, wo nya. 4Javan benu lé ke Élisa koo, Taasis koo, Kitim koo, Dodanim koo, wo nya. 5Wo ma lé migɔnɔ fan di, yé wo nyana wɛyi worona tɛrɛnu la. Yé wo nyana ’wo bɛntɛrɛ ta do do. Wo dére koo, wo lele koo, wolé bɛn koo, wa do do.
6Sam benu lé ke Kus koo, Misraim koo, Put koo, Kanaan koo, wo nya. 7Kus benu lé ke Saba koo, Avila koo, Sabata koo, Raéma koo, Sabatéka koo, wo nya. Raéma benu lé ke Séba valé Dédan nya.
8Kus Nimrɔd yaa, yé é dɔle sia plɛplɛ tɛrɛ la. 9É kɛlɛ wigyɛzan bli ta plɛplɛzan nya Gakelebale yara. Bɛwemalé woo gɔné vɔa léé, é a bélé Nimrɔd zo, wigyɛzan bli ta plɛplɛzan nya Gakelebale yara. 10É pla é vinin Sinéa tɛrɛ la flanu nwiin, ’bɛ gi lé Babɛl koo, Érɛk koo, Akad koo, Kalné koo, wo nwiin. 11Nimrɔd si ’bɛ tɛrɛ la bɛ, yé é go Asuu tɛrɛ la, 12yé Ninive koo, Réobot‐Ira koo, Kala koo, é wo pa ’bɛna. Yé é fla blɛn do pa Ninive valé Kala worona, wa laama Rézan. 13Misraim benu ’é benu wo gi bɔi bɛngɔnɔ do do nya; Ludinu koo, Ana munu koo, Léabinu koo, Nafituinu koo, 14Patrusinu koo, Kasluinu koo, Kafitɔɔnu koo, woonu lé; yé Filisitinu si Kasluinu gɔnɔ gi.
15Kanaan Sidɔn yaa élé né vinin nya, ’bɛ zuo é Et yaa; 16Jébusinu koo, Amorénu koo, Giigazinu koo, 17Éévinu koo, Aakinu koo, Sininu koo, 18Aavadinu koo, Sémarinu koo, Amatinu koo, Kanaan a wo faa tra nya. ’Bɛ zuo Kanaan gɔnɔgimunu kini ékema. 19Kanaannu lé tɛrɛ glɛ pélisia Sidɔn, yé é gié Géraa vazia fɔɔ Gaza, yé a pélisia é ziin Sɔdɔm yé é gié Gɔmɔɔ koo, Adima koo, Séboim koo, wo vazia fɔɔ Lésa. 20Sam benu lé ke bɛ; wo lelenu koo, wo dérenu koo, wolé tɛrɛnu koo, wo gɔnɔnu koo, wo lé ke bɛ.
21Sɛm négɔnénu yaa é ziin. Sɛm a Jafɛt zuané nya yé é a Éébɛɛ benu faa tra nya. 22Sɛm benu lé ke Élam koo, Asuu koo, Aapasad koo, Lud koo, Aram koo, wo nya. 23Aram benu lé ke Usi koo, Ula koo, Gétɛɛ koo, Masi koo, wo nya. 24Aapasad Sélak yaa, yé Sélak Éébɛɛ yaa. 25Éébɛɛ négɔné fié yaa, wa do laama Pélɛg. Pélɛg bléyi va lé Bale tɛrɛ guli bɛwemalé wa tɔ pa a zo. Wa zuané tɔ laama Jokotan. 26Jokotan négɔnénu yaa, Alimoda koo, Sélɛf koo, Asaamavɛt koo, Jérak koo, 27Adoram koo, Uzal koo, Dikla koo, 28Obal koo, Abimaɛl koo, Séba koo, 29Ofii koo, Avila koo, Jobab koo, woo lé. Jokotan benu lé ke wo faa nya. 30Wolé tɛrɛ pélisia Mésa, Séfaa sɔnɔ, yé é go fɔɔ yirinwana gɔ va. 31Sɛm benu lé ke bɛ; wo lelenu koo, wo dérenu koo, wolé tɛrɛnu koo, wo gɔnɔnu koo, wo lé ke bɛ.
32Noé benu lele lé ke bɛ; a benu é benu koo, wo bɛngɔnɔ koo, wo lé ke bɛ. Bɛngɔnɔ lé wo nwɛɛn tɛrɛ la, lɛɛ blɛn dale zuo, wo si wonu ɛ va.
Atualmente Selecionado:
Wepélisiananu 10: GOURU
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Alliance Biblique de Cote d'Ivoire 1979
