Mateus 8
8
Jesu regurdueni homo mandern legen ge.
1Boen Jesu i bieni bahali, su ndramed mabosanged su dondrbon le sal. 2Homo i da me dala, mandrn momen legen ge. I los le boan, i vong i boi: Ndorlaben, be uo lengi, uo danem regurdueni io. 3Jesu i boro i le nemen, i vong, i bai: Io ha lengi, uo rosan ge. Malabo mandrn ad ndramed ogo i horuan ge. 4Jesu i vong le ndro i: Mbue adsou le ndro homo, al ndro su ndremda dohor le ndro Jehova, e dohor longu hendre le ndro i dege Mose gin bai.
Jesu regurdueni lao ad hom polismaster ber Kapernaum.
5Boen Jesu i mul le gor Kapernaum. Hom Polismaster la born ndro i, i vong le ndro i, i boi: 6Ndorlaben hom lao ordo de danen irgai bui ngendian dsoln. 7Jesu i bode: Io beg irgai le ndro i, io beg regurdueni i. 8Polismaster i bode, Ndorlaben, io de vonei i bui, uo me le um ordo, hian vong nongen heb ge, muren lao ordo i horuan lie. 9Io hom lao asu ndorlaben lie, delengo le nongen asu, dege su polisboi ordo delengasu le nongen ordo. Be io vong le ndro homo: Al dogi, i hilou, i iao. Be io vong le ndro homo: Am ndro io, i hilou me ndro io. Be io vong le ndro lao dandendegei ordo: Gob mburer ogo, i hinen i. 10Ar Jesu gin hirong nongen ogo, meluan i ieb leri. I vong le ndro su, su da ndrobon le sal aden, i boi: Ndangen io boi le ndro mu, io de gin ilndri homo asu Israel dege i masou, i da gin boro ndoui ad Ndorlaben hian ge. 11Io bai le ndro mu: Su mabosanged beri rai, su mabosanged ber hai, su lug le mandrgosgeao ad Jehova, su da le gous aden, su la born ndro Abraham, Isaak ma Jakob. 12Su ge, Ndorlaben beg hengen le ndro su gor lundielang le asu, Jehova i robuldi su, i gbieni su le gor ndrogmoan ge. Su da reng su da dang, su undrdi lehesu. 13Boen Jesu i vong le ndro Polismaster i boi: Al gor adem longu masi na gmeher ndro uo, dege uo gin soling. Malabo lao dandendegei aden i horuan lie.
Jesu regurdueni naloson Petrus.
14Boen Jesu i iao le um ad Petrus. Naloson Petrus i med, i busngad, i da le berle aden. 15Jesu i boro nemen, i dori i, malabo iab aden i gineao. I dne, i bieni berle aden, i bo mburer le gan ansu. 16Ibia, mernal gina boan, su hur ndramed mabosanged le ndro i, su da med, beld i rii su, i robuldi ngongong, le nongen aden ndoun, i regurdueni su masi, iab i da ndro su. 17Dege Jesaia, hom Provet ber goru, i gin hondre dugian: I gin huri iab adu le hauen, iou mamaren lie.
Heb nongen le dondrbon Jesu.
18Be Jesu ilndri su ndramed mabosanged, su da me dala, i vong le ndro su lao aden, su iao le ndol le ndran horo. 19Hom ndremda henunuen su, i vong le ndro i, i boi: Ndorlaben, io leng dogi sal adem sidesi, io gdondrbom. 20Jesu i bode: Bosel ber lonhou ma su ndorgan ber lang, numen i da ndro su, um hom i da ndro ndurndramed bugane. 21Homo asu lao aden i vong le ndro i, i boi: Ndorlaben, io beg doni bo domo le ngad hanu, muren io dondrbom. 22Jesu i bode: Irndrbo, su ndramed meluasu gin mad, su doni numbuesu le ngad.
Jesu i boii hai manden.
23Jesu iao le lundiendol, su lao aden su la born ndro i. 24Su do da ndran manden, gemis is mehere, hai manden i ngoh, ndran mabosanged da lundiendol. Jesu i medir le ndol. 25Be su baghege gina momen, su hilou le ndro Jesu, su hingeni i, su vong, su boi: Ndorlaben, osbani du, iou glol. 26Jesu i vong le ndro su, i bode: Desa mu heb ndoun bui, de danmu boro ndoui ordo bui ie, desa mu noh dagara? Boen i dne, i boii hai, e ndran, muren hai i simge, ndran i mulhili. 27Meluasu ndramed i ieb, su vong, su boi: Aga sa, hai e ndran hirong nongen aden.
Jesu regurdueni sor marmou ber Gadarena.
28Boen Jesu i me leng, la gor asu Gadarena. Sor gamel marmou, snel i da ndrne sor. Sor hilou le ndro i, sor gin bieni ngad sidesi sor dari. Sor bo momen le ndro su ndramed masi, homo de danen irgai bage le logna ogo bui. 29Be sor gin ilndri Jesu, sor loholo, sor vale, sor bodeie: Uo am bo sa ndro iouoro ie? Uo ndurn Jehova, uo gin me, beg bo momen ndro iouoro. 30Bu mabosanged su do da duldul, heb sal ndi. 31Su snel, su ndemani Jesu: Hian be uo robuldi du, du gal ndrnesu bu. 32Jesu i somui ri, i vong, i bai: Alndi ala. Su bieni sor, su la ndrnesu bu, su bu masigane su vob bahili, su gohis, su la mad le ndran. 33Su ndramed, su da bogulue bu su vob, gina le gor asu, su bosoui longu ogo masi le ndro su. 34Su ndramed masi su meher ndro Jesu, be su ilndri i, su ndemani, i gbieni gor asu.
Atualmente Selecionado:
Mateus 8: LLENT
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Published by the British and Foreign Bible Society 1956
