Oˑi'waħ (Psalms) 24
24
OˑI'WAĦ DEˑWUS'HĂ̱ GE'ˑIH SGAEĦ. (PSALM XXIV.)
1Neh heh yöä̱'jaˑdeh neh hoˑwä̱h Naˑyahˑdaˑgwënˑni'yuh, kuh heh niˑyö gaah; heh yöä̱'jaˑdeh, kuh heh niˑyöö yaˑgöˑheh.
2Neh sä̱ħ'ä̱h kuh hoˑgä̱hˑsä̱hˑgöh heh gaˑnyoˑdaeˑnyöh, nehˑhuh kuh hoˑyaˑdaä̱h hehˑdöh noˑnoˑdösˑhähˑgehˑshoh.
3Söö nahˑot ä̱ˑyeˑnöˑdokˑdä̱ħ heö'weh niˑo wä̱h Naˑyahˑdaˑgwënˑni'yuh? neh gihˑshä̱ħ neh söˑnahˑot ä̱ˑyeˑdak shöö noˑnök daˑdoˑgä̱ħ dihˑgeh?
4Neh ne tä̱ħ'ä̱h deosˑohˑdatˑgih, tä̱ħ'ä̱ħ kuh dehˑoiˑwaˑeh naˑwënˑnyahˑsahˑgeh; tä̱ħ'ä̱h kuh dehˑnehˑhuhˑdaˑdeohˑgwahˑdoh noˑtwaisˑhäh heö'weh taˑwaˑdes, daoˑnöˑgwaˑnyok gĭhˑsä̱ħ gahˑniˑgoˑhöhˑdasˑhä̱ˑgö.
5Neh naeh ä̱oˑyahˑdoˑwent naˑdähˑswiˑyos äh ä̱ˑdwahˑdä̱ˑdiħ haˑyahˑdaˑdeh Na yahˑdaˑgwënˑni'yuħ, neh kuh neh dye iˑwaˑyeis dahˑgwah ä̱ˑdwöhˑdä̱ˑdiħ haˑyahˑdaˑdeh Naˑwënˑni'yuħ neħˑshoˑyahˑdaˑgwatˑthaħ.
6Neh neˑgä̱ħ gaˑwaˑjiˑya̱ˑdeh nöˑwa̱ˑyahˑdi sas, naˑöˑsaˑgohˑsaˑgä̱h, O Jaˑcob.
7Swatˑgesˑgwaˑö Oˑiisˑhohˑä̱oˑgaä̱ˑdöh; neh kuh deˑswaˑdehˑgwahˑdöök, iis neh waˑoi'waħ daˑdyĭëħˑyehˑgaˑhoˑgaä̱ˑdoh; nehˑdiħˑneˑGoˑwa̱ˑgoˑwa heh deˑtgaä̱ˑsaˑoh ä̱ˑtaˑyöħ.
8Söö dih neˑgä̱h nä̱ˑgä̱ Goˑwa̱ˑgoˑwa heħ deˑtgaä̱ˑsaˑoh? neh Naˑyahˑdaˑgwënˑni'yuh haˑdehˑjiaˑtah hahˑhasˑdeˑshoˑwaˑnä̱ħ, neh Naˑyahˑdaˑgwënˑni'yuħ hah hasˑdeˑshoˑwaˑnä̱ħ neh aˑdiˑyosˑhähˑgeh.
9Swatˑgesˑgwaö, O iis hohˑä̱oˑgaä̱ˑdoh; haehˑgwah gwa kuh deˑswahˑgwaħt, iis neh wahˑoiˑwaˑdaˑdyĭëħˑgeh gaˑhoˑgaä̱ˑdoh; neh niˑdeħ Goˑwa̱ˑyoˑwa heh deˑtgaä̱ˑsaˑohˑä̱ˑtaˑyoh
10Söö diħ neˑgä̱h nä̱ˑgä̱ Goˑwa̱ˑgoˑwa heh deˑtgaä̱ˑsä̱ˑoh? neh Naˑyahˑdaˑgwënˑni'yuħ neh gä̱ˑdyohˑgoˑwaˑnä̱ħ, neh ne huh Goˑwa̱ˑgoˑwa heh deˑtgaä̱ˑsaoh.
Atualmente Selecionado:
Oˑi'waħ (Psalms) 24: SEE
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Gospels published by the American Bible Society in 1872, Psalms in 1892.