Kejadian Uram 5
5
Adam deibdoba aryi odei-odei binmai deyok
5:1-32
1Yuma Adam biryi deibmou mabwe aryi odei-odei baramnyi ninyi si ara ato kuboka yaldakde binamnyi. Yuma kobdob Er Imtamnyi biryi Er nong atoanun teneibdeboka ninyi yala yumanyi Adam kiknibmou. 2Ara, ninyi sal yala ton nerabwe yala ton kiknibmai. Yuma sal ton ner ton kikninmou talak aryi kisal dakoka, “Ninyi,” eboka si dobmou. 3Adam bira kwalina yubwa 130 baryi kwalibmou talak aryi, Adam er nong atoanun akwe er mi unuboka deibmou. Ura, a mi si ara, “Set,” eboka si dobmou. 4Adam bira Set sirya deibmou cok, kwalibmou kwalina yubwa ara 800 baryi kwalibmou. Ba, o talak ara yuk nermabwe ababyi yaldaktabakde binmou. 5Ato kuboka yaldakde baramwe ani, kwalina yubwa 930 baryi kimbau ura, Adam dibmou.
6Ba, er mi Set bira kam kuramwa talak ara kwalina yubwa 105 baryi kwalibmou ura, er mi Enos deibmou. 7Ba, Set bira Enos sirya deibmou cok, kwalibmou kwalina yubwa ara 807 baryi kwalibmou. Ani, o talak ara yuk mabwe nerabwe yaldakde binmou. 8Ura, Set kam kuramwe talak ara kwalina yubwa 912 baryi kubmou ura, dibmou.
9Ba, Enos bira kam kuramwe ani, kwalina yubwa 90 baryi kwalibmouci asi er mi Kenan deibmou. 10Ura, Enos bira kwalina yubwa 815 baryi kwalibmou cok, er mi Kenan deibmou. Ba, aminda talak ababyi, yuk-yuk ner sal yaldakde binmou. 11Ato kuboka Enos kam kuramwe ara kwalina yubwa 905 baryi kwalibmou ura, dibmou.
12Ba, Kenan bibabyi kam kuramwe ani, kwalina yubwa 70 baryi kwalibmou cok asi er mi si Mahalaleel deibmou. 13Ba, Kenan biryi a mi sirya deibmou cok kwalina kwalibde baramwe yubwa ara yubwa 840 baryi kuamwe. Ani, a talak aryi yuk-yuk ner sal yaldakde binmou. 14Kenan bira ato kuboka er kam kuramwe talak kwalina ara yubwa 910 baryi kwalibmou ura, dibmou.
15Ba, Mahalaleel bira kwalina yubwa 65 baryi kubmou cok asi er mi si Yared deibmou. 16Ani, Mahalaleel bira Yared sirya deibmou talak ababyi kam tuba kuramwe. Ani, kwalina yubwa 830 baryi kwalibmou. Ani, yuk-yuk ner sal yaldakmou. 17Ato kuboka Mahalaleel kam kuramwe talak kwalina yubwa 895 baryi kwalibmou ura, dibmou.
18Ba, Yared bira kam tuba kuramwe talak ara kwalina yubwa 162 baryi sirya kwalibmou cok asi er mi si Henokh deibmou. 19Ba, Henokh sirya deibmou cok, Yared er kam tuba kuramwe kwalina ara kwalina 800 baryi kwalibmouci, yuk-yuk ner sal yaldakmou. 20Ato kuboka Yared kam kuramwe talak nungna ara kwalina yubwa 962 baryi sirya kwalibmouci, dibmou.
21Ba, Henokh kam kuramwe talak kwalina ara yubwa 65 baryi kwalibmou cok asi er mi Metusalah deibmou. 22Ani, Henokh biryi er mi Metusalah sirya deibmou cok, Er Iya Erebdobnyi ab tonkwa uram sisingnandei talak ara kwalina yubwa 300 baryi kwaliamwe. Ani, yuk-yuk ner sal yaldakmou. 23Akiryi Henokh bira kam tuba kuramwe ani, kwalina yubwa 365 baryi kwalibmou cok asi kum danmou. 24Ato kuboka Henokh bira Er Iya Erebdobnyi ab uram tonkwa sisikde kurandei. Ani, Er Iya Erebdobnyi biryi kam kibmaning Henokh bisi dobdobmou.
25Metusalah kam kuramwe ani, kwalina yubwa 187 baryi kwalibmou cok asi, er mi si Lamekh deibmou. 26Ani, Lamekh sirya deibmou ura, Metusalah kam tuba kuramwe talak ara kwalina yubwa 782 baryi kwalibmou. Ani, aminda yuk-yuk ner sal ababyi yaldakmou. 27Ato kuboka Metusalah kam kuramwe ani, kwalina yubwa 969 baryi kwalibmou ura, dibmou.
28Ato kuboka Lamekh kwalina yubwa 182 baryi kwalibmou cok asi, sal mi tentok deibmou. 29A deibmou mi si ara, “A mutuk dam ara Er Iya Erebdobnyi biryi subsou mutuk dam kunubci, ikin weik il dobde kunub. Bok, a mi deibne deici aryi aminda boukwe kiboka nenebdeibkwansir,” ena ati, er si Nuh eboka si dobmou. 30Ato kuboka Lamekh bira Nuh sirya deibmou cok, kwalina yubwa 595 baryi kwalibmou. Ani, yuk-yuk ner sal yaldakmou. 31Ato kubmou ura, Lamekh kam kuramwe talak ara kwalina yubwa 777 baryi kwalibmouci, dibmou.
32Ba, Nuh kam kuramwe talak ara kwalina yubwa 500 baryi kwalibmou ura, er mabwe si Sem ab, Ham ab, Yafet ab deibmou.
Atualmente Selecionado:
Kejadian Uram 5: MTG
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
@LAI 2007 (New Testament), @LAI2022 (Old and New Testament)
