Keriekitho 6
6
Themia Kerüzhü
1Siro kijüu gei themia kruo selieta, siro süko nuopfüko lhou par tse, 2Kepenuopfü nuokoe themia nuopfüko zivikecü ngulieta, sidi ukoe süko donu u neikecü kedapie lielieta. 3Sitse Jihovae sie, “A Ruopfü bu themia ze sei tuolie lhote. Uko sü siatalie kevi chüüphou zo. Uko teisozhako bu cie krie puo di mepfütatuo.” 4Süteiki, mu süsie rei, kijü nu Nefilimia kro puo tuo. Siro Kepenuopfü nuonuoko themia nuopfüko ki vor tse süko nuo penuopie uko tsüshü. Ukoe thiedzü kekuomia mu terhümiavimia chü vor.
5Jihovae kijüu gei themiako rüzhüthorketa mu uko kelekemedoko rei suo seiketa ngushü. 6Sitse Jihovae puo thuo themia chüpie kijü hau gei keshü lepie rünou mo mu puo nouchüta. 7Süla Jihovae sie, “A thuo chükeshü themia hako kijü zieu geinu pekawatuo, themia, nhachü mu khunuo gou ketuo mu teikhrie gei teirako rei, ae uko chüshü di rünou mote.” 8Derei Noah-e Jihova mhiki puo khriepfülie.
Noah Rou Chükelie
9Hako Noah seyieko. Noah themia kemiatho puo, puo teiki phouu nu pejolie kelhomia puo, siro Noah-e Ukepenuopfü ze tuo. 10Noah nuo thepfumia se nyi, Shem, Ham mu Jafet.
11Kijüu zowe Ukepenuopfü mhodzünu rhuta, sidi kijüu gei zhosuo thuo tshu vota. 12Ukepenuopfüe kijüu mehoshü, ru harie, süu suota, kekreilamonyü sünu kelhou pete u thuo u cha nu suoürhu phre tuoketa la. 13Süla Ukepenuopfüe Noah ki, “Ae themiako pekawaketuo pepiliete, a uko sa di kijü pekawa zotuo, kekreilamonyü uko zhosuo mhathoko bu kijüu tshute. 14N thuo gofer sei se rou puo chülie; süu nu kibouko khathelie, mu no puonu rei mu puomho rei tehoutsa se nyhülie. 15Süu bu thu krie se chalie, thu hiepengou meyalie, thu ser rükrielie. 16Rouu mho keya puo chülie mu rou mho tsiu sozha nie donu thu puo peciepie balie. Rouu bu puolha se lie mu puotsei nu kikha puo chülie. 17Kekreilamonyü a kijü nu lhouketuo pete pekawaketuo la dzüdi khashütuo, kijüu gei mha pete siatatuo. 18Derei a n ze a dietseidiekho puo pebatuo. N kimia, n nuoko mu uko kimiako ze rouu nu lelie. 19Siro khunuo lhou ketuo khe puokrü puochü sa ze rouu nu lelie, uko bu n ze di rheilieketuo la. 20Teira kekreikreikecü khe, khunuo kekreikreicü pete kijü gei gou ketuo kekreikreicü pete nu kenienie se n ki vorlie, uko bu rheilieketuo la. 21No uko la tsiu n thuo n la kecüca neiüko selie mu kengulie.” 22Noah-e Ukepenuopfü puo ki pukeshü tuoi pete chülie.
Atualmente Selecionado:
Keriekitho 6: ANBRBSI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
The Bible Society of India
© 2023, Used by permission. All rights reserved. More
