Matthew Lefi 1

RHAGYMADRODD MATTHEW.

1Hanes Iesu Grist, mab Dafydd, mab Abraham.

DOSBARTH I.

Y Genedigaeth.

2-17 Abraham á genedlodd Isaac. Isaac á genedlodd Iacob. Iacob á genedlodd Iuwda a’ i frodyr. Iuwda á gafodd Phares a Zara o Damar. Phares á genedlodd Esrom. Esrom á genedlodd Aram. Aram a genedlodd Aminadab. Aminadab á genedlodd Nashon. Nashon á genedlodd Salmon. Salmon á gafodd Böaz o Rahab. Böaz á gafodd Obed o Ruwth. Obed á genedlodd Iesse. Iesse á genedlodd Ddafydd frenin. Dafydd frenin á gafodd Solomon o’r hon à fuasai wraig Uwria. Solomon á genedlodd Rehoboam. Rehoboam á genedlodd Abia. Abia á genedlodd Asa. Asa á genedlodd Iehosophat. Iehosophat á genedlodd Ioram. Ioram á genedlodd Uwzzia. Uwzzia á genedlodd Iotham. Iotham á genedlodd Ahaz. Ahaz á genedlodd Hezecia. Hezecia á genedlodd Fanasse. Manasse á genedlodd Amon. Amon á genedlodd Iosia. Iosia á gafodd Iechonia a’ i frodyr, yn nghylch amser y mudiad i Fabilon. Wedi y mudiad i Fabilon, Iechonia á genedlodd Salathiel. Salathiel á genedlodd Zerubbabel. Zerubbabel á genedlodd Abiwd. Abiwd á genedlodd Eliacim. Eliacim á genedlodd Azor. Azor á genedlodd Zadoc. Zadoc á genedlodd Achim. Achim á genedlodd Eliwd. Eliwd á genedlodd Eleazar. Eleazar á genedlodd Matthan. Matthan á genedlodd Iacob. Iacob á genedlodd Ioseph, gwr Mair, o’r hon y ganwyd Iesu, yr hwn á elwir Crist. Felly yr holl genedlaethau o Abraham hyd Ddafydd ydynt bedairarddeg; o Ddafydd hyd y mudiad i Fabilon, pedairarddeg; ac o’r mudiad i Fabilon, hyd y Messia, pedairarddeg.

18-25A genedigaeth Iesu Grist á ddygwyddodd fel hyn: Mair ei fam ef á ddyweddiasid â Ioseph: ond cyn eu dyfod yn nghyd, hi á gafwyd yn feichiog o’r Ysbryd Glan. Ioseph ei gŵr hi, gan ei fod yn ddyn rhinweddol, ac yn anfoddlon iddei gwaradwyddo hi, á fwriadai ei hysgaru hi yn ddirgel. Ond tra y meddyliai efe am hyn, angel i’r Arglwydd á ymddangosodd iddo mewn breuddwyd, ac á ddywedodd, Ioseph, mab Dafydd, na phetrusa gymeryd adref Mair dy wraig; canys ei beichiogiad sydd oddwrth yr Ysbryd Glan. A hi á esgor àr fab, yr hwn á elwi Iesu, oblegid efe á wared ei bobl oddwrth eu pechodau. Yn hyn oll, gwireddwyd yr hyn à ddywedasai yr Arglwydd drwy y Proffwyd, “Wele y forwyn á feichioga, ac á esgor àr fab, yr hwn á elwir Immanwel;” yr hyn sydd yn arwyddocâu, Duw gyda ni. Pan ddeffroes Ioseph, efe á wnaeth fel y gorchymynasai cènad yr Arglwydd iddo, ac á gymerodd adref ei wraig; ond nid adnabu efe hi, hyd oni esgorasai hi àr ei mab cyntafanedig, yr hwn á enwodd efe Iesu.

Atualmente Selecionado:

Matthew Lefi 1: CJW

Destaque

Copiar