Oduu Nagayaa Ka Luuqaasii 23

Yesuus Philaaxoosiin Afo'otti Dhiyeeffame

(Mat. 27:1-2, 11-14; Mar. 15:1-5; Yoh. 18:28-38)

1Isaan maruu woliigalanii ka'anii gara Philaaxoosii isa fidanii, 2#20:21-26 «Kun gumii keenna dogoggorsa'aa, Qeesaarii fi mootii worra Rooma'aatii gibira akka hin kaffallee yoo dhooggu, ammo Ani Kiristoosii mooti'i uduu jedhu argine» jedhanii himachuu jalqaban. 3#Xim. 1ffaa 6:13 Philaaxoosillee, «Ati mootii Yihuudiitii?» jedhee isa gaafate.

Innillee deebisee, «Maarre atuu jette» isaan jedhe. 4Philaaxoos, bulchoota gadootaatii fi gumi'iin ani nama kana irratti yakka tokkollee hin argine jedhe. 5#Hu. Er. 10:36-38 Isaan ammoo jabeessanii, «Galiila'aa jalqabee haga Yihuudaa maraa keessatti barsiisa'aa gumii booressa» jedhan.

Yesuusiin Heroodiisiin Afo'otti Dhiyeessan

6Philaaxoos ammoo Galiilaa hennaa jedhan dhagayee, inni nama Galiila'aatii jedhee gaafate. 7#3:1 Bulchaa Heroodisii keessaa akka ta'e haga beeke, gara Heroodisii erge. Innillee ammoo hennaa san Yerusaalemiin waan tureef. 8#9:9; Mat. 14:1-2 Heroodisillee Yesuusiin hennaa arge, guddisee gammade. Sababaa waan isaa dhagayeef hennaa dheeraa isa argu'uuf hawwaa waan tureef. Malkata guddaa inni hojjatu argu'uuf abdii godha'aa ture.

9 # Yoh. 19:10 Kanaaf gaafii heddu isa gaafate. Inni ammoo waa tokkollee isaa hin deebifne. 10Bulchoonni gadootaatii fi barsiisonni Seera Muuse'ee jabeessanii isa himachu'uuf achi dhaabatanii turan. 11Heroodisillee loltoota ufii woliin tuffatee itti balde. Uffata qandhafaa itti uwwisee, deebisee gara Philaaxoosii erge. 12#Hu. Er. 4:27 Heroodisii fi Philaaxoos gaafas jaalalloo ta'an. Duraan edduu isaanii lolatu ture.

Yesuusitti Du'a Itti Murteessan

(Mat. 27:15-26; Mar. 15:6-15; Yoh. 18:39—19:16)

13Philaaxoosillee bulchoota gadootaa aango qabeeyyi'ii fi banii wolitti waamee akkana isaaniin jedhe. 14Isin, «Namichi kun gumii dogoggorsa jettanii nama kana gara kiyya fiddan, kunoo afoo keessanitti qoradhee waan isin isa himattaniif yakka tokkollee nama kana irratti hin argine. 15Heroodisillee ammoo womaa irratti waan hin argineef gara keenna deebiseera, waan isa ajjeesisu womaa hin goone. 16Eegasuu adabee isa hiika.» 17Hennaa ayyaanaa nama hidhame tokko hiikuun aadaa isaanii waan ta'eef.

18Marti isaaniituu wolta'anii, «Namicha kana balleessi Baarbaaniin nuu hiiki!» jedha'aa wocan. 19Inni waan qachaa booressee namallee ajjeeseef mana hidha'atitti hidhamee ture. 20Philaaxoosillee, Yesuusiin hiikuu barbaadee deebi'ee isaanitti dubbate. 21Haata'uu ammoo isaan fannis! Fannis jedhaa wocan. 22Hennaa saddaffaaf, «Badiin inni godhe maali'i? yakka du'aaf isa geessu isa irratti hin argine. Kanaafuu adabee hiika» isaaniin jedhe.

23Isaan ammoo, «Fannisi» jedha'aa laagaa gudda'aan wocan; laagaan woca bani'iitii fi bulchoota gadootaa ka maraatuu caale. 24Waan isaaniitiif dubbiin bulchoota gadootaallee jabaatee jennaan, Philaaxoos akka kadhaan isaanii ta'uuf isatti murteesse. 25#Hu. Er. 3:13-14 Namicha qachaa booreesee nama ajjeesee mana hidha'atitti hidhamee ture san waan kadhataniif gad isaanii dhiise. Yesuusiin ammoo akka fedhii isaaniitiif dabarsee kenne.

Yesuus Fannifame

(Mat. 27:32-44; Mar. 15:21-32; Yoh. 19:16-27)

26Hennaa Yesuusiin geessan, namichi biyya Qareena'aa Simoon ka jedhamu tokko baadiyya'aa hennaa dhufu Yesuusiin faana fannoo baatee akka deemu itti baachisan. 27Banii san keessaa dubartoonni hedduu booyaa boochisaa isa faanaa deeman. 28Yesuus ammoo gara isaanii midhatee akkana jedhe, isin dubartoonni Yeruusaaleemii ufiif ijoollee keessanii booyaa malee naa hin booyinaa'a. 29#21:23; Mat. 24:19 Haata'uu ammoo, ‹Dhabduun, gadaamessi sirimaa hin deennee fi harmi hin hoosifne ka eebbifame› hennaan jedhamu kunoo hin dhufa. 30#Hoosee Raatticha 10:8; Mudh. Yoh. 6:16 Hennaa san gaarotaan nurratti jigaa tullootaan ammoo nu dhossaa jechuu jalqaban. 31#Phex. 1ffaa 4:17-18 Isaan eega muka jiidhaa irratti akkana godhan ta'e, muka gogaa ammoo attam godhinnu laata? 32Worra yakka hojjatan lamaan akkasuma isa woliin ajjeesu'uuf achi geessan. 33#Isaayyaasii Raatticha 53:12 Hennaa hulee Qaraaniyoo jedhamu gayan, achitti isaaf worra yakka hojjatan lamaan tokko mirgaan ka lammaffa'aa bitaa isaatiin fannisan. 34#Mat. 5:44; Hu. Er. 3:17; 7:60; Kitaaba Faarfanna'aa 22:18 Yesuusillee, «Abbaa'a, isaan waan godha'aaranuu waan hin beenneef, isaanii dhiisi!» jedhe. 35#Kitaaba Faarfanna'aa 22:7-8 Uffata isaallee qoodamu'uuf hixaa itti buufatan. Gumiinillee dhaabatee laala'aa ture. Ajajjoonnillee akkasuma, «Kaawwan fayyiseera; Inni Kiristoosii Rabbiin filatame yoo ta'e uf haa fayyisuu!» jedhaa itti balda'aa turan. 36#Kitaaba Faarfanna'aa 69:21 Loltoonni ammoo gara isaa dhiyaatanii waan dhangagga'aa kennaniif. 37«Ati mootii Yihuudii yoo taate uf oolchi!» jedha'aa itti balda'aa turan. 38«Kun Mootii Yihuudotaati» jechi jedhu tokko afaan Giriikii, Roomaayisxii fi ibiraayisxiin barreeffamni barreeffame mataa isaa gubbaa jira. 39Hammeeyyii yakkaaf fannifaman keessaa tokko, «Ati Kiristoosii mii? Ufillee nullee oolchi!» jedhee isa arrabse. 40Ka Lammaffa'aa ammoo, «Ati murtee akkanaa irra uduu jirtu, Rabbimallee hin sodaattuu?» 41Nu waan gooneef murtii keenna hin arganna, murtiin nurratti murtaaye murtii dhuga'aati. Inni ammoo dhara woyiituu hin hojjanne jedhee isa teedeefate. 42#Mat. 16:28 Yesuusiin, «Gooftaa kiyya, mootummaa keetiin hennaa dhuftu na qaabadhu!» jedhe.

43 # Yoh. 5:24; Qor. 2ffaa 12:4; Mudh. Yoh. 14:13; Isaayyaasii Raatticha 53:11-12 Yesuus deebisee, «Dhugamaan siin jedha, adha na woliin jeennata galta» jedheen.

Du'uu Yesuusii

(Mat. 27:45-56; Mar. 15:33-41; Yoh. 19:28-30)

44 # Amoosii Raatticha 8:9 Sa'aatii jaharraa jalqabee dukkanti haga sa'aatii sagalii biyya lafaa maratuu ta'e. 45Aduunillee hin dukkanoofte. Golgaan mana woyyuu gubba'aa haga gadii tarsa'e. 46#Kitaaba Faarfanna'aa 31:5; Hu. Er. 7:59 Yesuusillee laagaa gudda'aan iyyee, Abbaa lubbuu kiyya harka keetitti yaboo dabarsee kenna jedhe. Kana jedhee lubbuu ufii dabarsee kenne. 47Ajajaan loltuu dhibbaa waan ta'e san hennaa arge, «Namni kun dhugamaan qajeela'a» jedhee Rabbiin kabajje. 48#18:13 Worri kana argu'uuf walgaye maruu waan ta'e san hennaa argan laphee ufii tumaa deebi'an. 49#8:2-3 Worri isa beekan maruu, Dubartoonni Galiila'aa isa faanaa dhufan maruu fagoo dhaabatanii waan kana laala'aa turan.

Yesuus Awwaalame

(Mat. 27:57-61; Mar. 15:42-47; Yoh. 19:38-42)

50Namichi miseensa gumii Yihuudotaa ka Yooseef jedhamu tokkotu ture. Innillee nama misha'aa fi qajeela'a. 51#2:25, 38 Inni mari'ii fi hujii isaanii keessa hin jiru. Yooseef qachaa Yihuuda'aa ta Armaatiyaas jedhamtuu dhufe, Innillee akkasuma jeennata Rabbii eeggata'aa ture. 52Namichi kun gara Philaaxoosii dhaqee reeffa Yesuusii kadhate. 53#19:30 Fannoo irraa buusee qoolaan kafanee awwaala dhagaa irraa bocame ka namni biraa haga ammaa itti hin awwaalamne keessa kaaye. 54Guyyaan sun guyyaa qophi'ii ture. Sambannillee seenuu gayeera. 55Dubartoonni Yesuusiin woliin Galiila'aa dhufanillee isa faana deemanii awwaalaaf reeffallee attamitti akka kaayan argan. 56#Seera Bawu'uu 20:10; Seera Keessa deebi'ii 5:14; Mar. 16:1 Achii deebi'anii anshaa fi urgo'oof waan diban qopheessanii akka seeraatitti guyyaa Sambataa harabaafatan.

Atualmente Selecionado:

Oduu Nagayaa Ka Luuqaasii 23: WLNT

Destaque

Copiar