Oduu Nagayaa Ka Yohaannisii 19

1Hennaa san Philaaxoos Yesuusiin qabee dhaansise. 2#Luq. 23:11 Loltoonnillee Korbobboo qore'ee maranii mataa irra kaayan; uffatta diimaa itti uwwisan. 3#18:22 Itti dhiyaatanii, Mootii Yihuudi'ii nageenni siif haata'uu jedha'aa, dhabanaasaniin. 4#18:29, 38; Luq. 23:4 Philaaxoosillee ammoo gara diidaa bayee, «Kunoo dhara tokkollee akka isa irratti hin argine akka beettan isa ammoo gara diidaa isinii baasa» isaaniin jedhe. 5#Kitaaba Faarfanna'aa 22:6; Isaayyaasii Raatticha 53:3 Yesuusillee Korbooboo qoree matatti godhatee uffata diimaa uffatee gara diidaa baye, Philaaxoosillee, «Namichi! Kunooti!» isaaniin jedhe.

6 # 18:31 Bulchoonni gadootaatii fi hojjattoonni hennaa argan, «Fannisi! Fannisi! jedha'aa wocan. Philaaxoosillee, ani dhara tokkollee isa irratti waan hin argineef, isin fuudha'aatii fannisaa'a» isaaniin jedhe.

7 # 5:18; 10:33; Seera Leewwotaa 24:16; Mat. 26:63-66 Yihuudonnillee deebisanii, «Nu seera qabna; akka seera keennaatitti du'uu barbaachisa. Ilma Rabbii waan uf godheef» isaan jedhan.

8Kanaaf Philaaxoos waan kana haga dhagaye guddisee sodaate. 9#Mat. 27:12-14; Mar. 14:61; Luq. 23:9 Deebi'ee gara moonaa bulcha'aa seenee, «Ati eessaa dhufte?» jedheen.

Yesuus ammoo waan tokkollee hin deebifneef. 10Philaaxoos, «Natti hin himtuu? si fannisu'uufillee si hiiku'uufillee baallii akka qabu hin beettuu?» jedheen.

11Yesuusillee deebisee, «Olii uduu sii kennamuu dhabaatee, silaa ana irratti baallii hin qabdu. Kanaafuu ka dabarsee sitti na kenneef cubbuun isaa ka caalu ta'a» jedheen.

12 # 18:37; Luq. 23:2; Hu. Er. 17:7 Asiin maayessa Philaaxoos hiiku'uunii fedhe, haata'uu ammoo Yihuudonni, «Kana yoo hiitte, ati jaalalloo Qeesaariitii miti. Ka mootii uf taasisu maruu, faalleessaa Qeesaariiti» jedha'aa wocan.

13Philaaxoosillee waan kana dhagayee, Yesuusiin gara diidaa gad baasee, gara hulee dhagaa baxxichaa ka afaan Ibiraayisxiitiin, «Gabataa» jedhamuutitti barcumaa murti'ii irra taa'e. 14#Mar. 15:42 Guyyaanillee guyyaa faasika'aaf qophaayan ture, gara sa'aatii jahaatitti Yihuudonnillee, «Kunooti mootiin keessan» isaaniin jedhe.

15 # 18:37; 19:6; Luq. 23:18; Hu. Er. 3:13 Isaan ammoo, «Balleessii! Fannis!» jedha'aa wocan.

Philaaxoosillee, «Mootii keessan fannisuu?» isaaniin jedhe.

Bulchoonni gadootaallee, «Qeesaariin achitti mootii biraa hin qabnu!» jedhanii deebisaniif. 16Kanaaf hennaa san akka fannifamu dabarsee isaanitti kenne.

Yesuus Fannifame

(Mat. 27:32-44; Mar. 15:21-32; Luq. 23:26-43)

17 # Seera Uumamaa 22:6 Yesuusiinillee qabanii deemaniin, fannoollee baadhatee afaan Ibiraayisxiitiin gara gaara, «Golgootaa» jedhamu hulee «Buqqee mata'aa» jedhamuutti baye. 18Achitti fannisaniin isa woliin kaawwan bita'aa fi mirgaan Yesuusiin ammoo wodhakati fannisaniin. 19Philaaxoosillee akkasuma barreeffama barreessee fannoo irra kaaye. Barreeffamnillee, «Yesuusii Naazireetii mootii Yihuudi'ii» ka jedhu. 20#Ibr. 13:12-13 Huleen Yesuus itti fannifame waan gara qacha'aa dhiyaatuuf, Yihuudonni hedduu barreeffama kana dubbisa'aa turan, afaan Ibiraayiisxiitiin, Roomaa'aatii fi Giriikiffaatiinillee barreeffameera. 21Kanaaf bulchoonni gadootaa Yihuudii Philaaxoosiin, ‹Akka inni, ani mootii Yihuudotaati› jedhe, ati, «Mootii Yihuudotaati jettee hin barreessin» jedhaniin.

22Philaaxoosillee, «Waan barreessu barreesseera» jedhee deebiseef. 23Loltoonni Yesuusiin haga fannisaniin maayessa uffata isaa hulee afuritti qoodanii qoodaman. Kittaa isaallee hin fudhatan. Kittaan gubbaa haga jalaa ka gad diratan malee ka hodhamee miti. 24#Kitaaba Faarfanna'aa 22:18 Kanaaf, «Hixaa itti haa buufannuu malee, hin biinxinu woliin jedhan. Kunillee,

uffata kiyya gargar qoodaman,

kittaa kiyyallee hixaa itti buufatan» ka jedhame dubbiin kitaabaa akka raawwatamuuf worri loltootaa akkas godhan.

25 # Luq. 2:35; Mar. 15:40-41 Haata'uu ammoo fannoo Yesuusii biratti, haadha isaa, obboleettii isaa, haadha, haadha manaa Qalayoophe'ee, Maariyaamii Maqidaala'aatii fi Maariyaamillee achi dhaabatanii turan. 26#13:23; 20:2; 21:7; 2:4 Yesuusillee, haadha ufiitiif darasaa jaalatu isa bira ka dhaabata'aaru hennaa arge, haadha isaatiin, «Haadha tiyya, mucaan kee kunooti» isi'iin jedhe.

27Asiin maayii darasichaan, «Haati tee kunooti» jedheen. Achiin maayessa sa'aatii san irraa jalqabee darasichi gara mana ufii galeen.

Yesuus Du'e

(Mat. 27:45-56; Mar. 15:33-41; Luq. 23:44-49)

28 # 17:4; 18:4; Kitaaba Faarfanna'aa 22:15 Asiin maayii Yesuus wonti maruu akka raawwatame beekee, dubbiin kitaabaa akka raawwatamuuf, «Dheebodhe» jedhe.

29 # Kitaaba Faarfanna'aa 69:21 Meeshaan daadhiin woyini'ii dhangaggooftuun keessa guute tokko achi ture; isaan keessaa tokko fiigee dhufee qaccee ule'eetitti carqii hidhee daadhii woyini'ii dhangaggooftuu keessatti cuuphee, akka afaanitti cophu dhiyeessaniif. 30#Luq. 12:50 Yesuusillee haga haadhayaa san fudhateen maayii raawwatame jedhee mata'aan gad rarra'ee lubbuu ufii dabarsee kenne.

Cinaacha Yesuusii Woraanan

31 # Seera Leewwotaa 23:7; Seera Keessa deebi'ii 21:22-23 Yihuudonni guyyaan guyyaa ayyaanaaf qophaayan waan ta'eef, Sambanni sunillee guyyaa guddaa waan tureef reeffi isaa guyyaa Sambataa fannoo irra akka hin oolle luka cabsanii akka buusaniif Philaaxoosiin kadhatan. 32Loltoonnillee dhufanii, luka namicha Yesuusiin afo'otti isa woliin fanniffamee kaanillee cabsan. 33Gara Yesuusii hennaa dhufan ammoo inni sirima akka du'e arganiiti luka isaa hin cabsine. 34#20:25; Yoh. 1ffaa 5:6, 8 Haata'uu ammoo loltoota keessaa tokko kalee eebo'oon woraannaan yoosuu dhiinninii fi bisaan keessaa jige. 35#21:24 Ka argellee rageera ragaanillee dhuga'a, isinillee ammoo akka amantan inni akka dhugaa dubbatu hin beeka. 36#Seera Bawu'uu 12:46; Seera Laakkobsaa 9:12; Kitaaba Faarfanna'aa 34:20 Kun wonti ta'eef, «Lafeen hin cabu» ka jedhu dubbiin kitaaba Rabbii akka raawwatamuuf. 37#Zakkaariyaasii Raatticha 12:10; Mudh. Yoh. 1:7 Akkasuma kitaabni biraallee, «Worri woraane hin arga» jedha.

Yesuus Awwaalame

(Mat. 27:57-61; Mar. 15:42-47; Luq. 23:50-56)

38 # 7:13; 12:42 Asiin maayii waan Yihuudiin sodaateef dhossa'atti ka darasaa Yesuusii ture, Yooseefiin Armaatiya'aa reeffa Yesuusii fudhachu'uuf Philaaxoosiin kadhate. Philaaxoosillee hin kenneef. Kanaaf dhufeeti reeffa Yesuusii fudhate. 39#3:1-2; 7:50-52; Mat. 2:11 Akkasuma Niqoodimoosiin achiin dura halkaniin gara Yesuusii dhufee, qumbi'ii fi hadhaa hargiisaan wolitti makame, haga karbee xaasaa afurtamaa gayu qabatee dhufe. 40Reeffa Yesuusiillee fuudhee akka seera Yihuudonni itti urgo'oon uffata woyaa qoolaatiin sattaran. 41Urgee inni itti fannifame sanitti biqiltu'utu jira. Hulee biqiltu'uu sanitti haga hennaa sanii womaa itti hin awwaalamne. 42Kanaaf huleen awwaalaa dhiyoo waan tureef haga gaafa Yihuudonni qophayaniitiif reeffa Yesuusii achi kaayan.

Atualmente Selecionado:

Oduu Nagayaa Ka Yohaannisii 19: WLNT

Destaque

Copiar