ዋ̈ኒ̇ሳ ጌላ
ጌላ
ዋ̈ኒ̇ሳ ዎጛሊንዳ ዬሱ̈ስ ክርስቶ̈ሲ ኣስ ማ̈ቃ̇ሪ ኣሳ ጊዳ̇ ቤንቲኖ ሼምፓባር ዶኢዝ ጾ̈ሳ̇ ቃ̈ላ ማ̈ቂ̇ኖን ቤይሳ̈ሬ። ዓና̇ ዎጛሊን ጻ̈ፊንቲ̇ኖንዳ ኢዞ ናባ̇ቢዝ ኣሳን፥ ኣስ ፋንዳብ ዬይሬ ጌይኖ ዬሱ̈ሲ ኢ ጾ̈ሳ̇ ናእ ማ̈ቂ̇ኖን ኣማ̇ናንፔ̈ንኬ ማ ኢያ ኣማ̇ኔጌይንዶ ሜናብ ሼምፓባር ዶኢ ኢንቲ ዲጛዚን ኤራምፔ̈ኒዬ። (20፡31)
ማጻ̈ፊንዳ ቲ̈ን ጌላ ጋልዳ “ቃ̈ላ” ጌይንቲ̇ኖ̈ዲ ዬሱ̈ሲ ኢያ ማ̈ቂ̇ኖን ቤይሲኖፖ ዓኒ፥ ዬሱ̈ሲ ኣስ ፋዛ ማ̈ቃ̇ር ዬይሬ ጌይኖ ጾ̈ሳ̇ ናኣ ማ̈ቂ̇ኖን ቤይሲዝ ዱማ ዱማ ታ̈ሚ̇ራ̈ታ ኦ̈ሳን ቤይሳ̈ሬ፤ ኢናፖ ዪን ታሚ̇ራ̈ታ ኦ̈ሳን ጋርታፖ ኣብዝ ቤንቲ̇ኖኮ ሶ̈ሊዝ ዱማ ዱማ ታ̈ሪካን ጻ̈ፊንቲ̇ኔ፤ ዓን ታ̈ሪካን ፔቲ̇ ፔቲ̇ ኣሳን ዬሱ̈ሳ ኣማ̇ናሪ ኢ ዎሂን ዬዝ ኣስ ማ̈ቂ̇̇ኖንዶ፥ ማ ሜላን ኢያ ኢጺ̇ኖንዲኬ ኢያ ኣማ̇ንባ̈ዳ ጌይኖንዶ ሶ̈ሊ̈ሬ። ኤ̈ 13-17 ጋልዳ ዬሱ̈ሲ ኢ ጻላ̈ታን ኢያ ኤ̈ዝ ቃሚ̇ን ኢ ፌ ታማ̈ራን ዞሪኖ ዞሪንዲኬ ኢ ኢንታ ሚ̈ንኖ ሚ̈ንን ሶ̈ሊ̈ሬ። ማ ዉርሲ ሚራፋን ዬሱ̈ሲ ኤ̈ንታዚንዲኬ ፊርዳብ ሺ̈ቃዚንዶ ማ ሶቲንታ̇ዚንዲኬ ኢ ዲንዲንዶ ማ ዲንዲኖፖ ዎሃ ፌ ታማ̈ራንቦ ቤንቲ̇ኖን ሶ̈ላ̈ሬ።
ዋ̈ኒ̇ሳ ዎጛሊንዳ ሜላ ዎጛላ ማጻ̈ፋን ዓይዛ̇ንፖ ዱሚታ̈ሬ። ዪ̈ዳሬ ዋ̈ኒ̇ሳ ዎጛላ ጋርታ̇ ዎ ታ̈ሪካን ዎይሊንን ማ̈ቶ̈ሳ ጋርታ፣ ማ̈ርቆ̈ስ ጋርታ̇̇ኬ ሉቃ̈ሳ ዎጛላ ጋርታ ቤንቲ̇ባ̈ሴ። ማ ዬሱ̈ሲ ጾ̈ሳ ናእ ማ̈ቂ̇ኖን ሜላ ዎጛላንፖ ሺ ቤይሲዛ̈ዲ ዋ̈ኒ̇ሳ።
ማጻ̈ፊን ጋርታ ዎ ቆፋን
ጌላ 1፡1-18
ጻማ̇ቂዛ ዋ̈ኒ̇ሳኬ ቲ̈ን ማራ̇ጺንቲ̇ኖ ዬሱ̈ሳ ታማራን 1፡19-51
ዬሱ̈ሲ ፌ ኦ̈ሲን ኦ̈ ዣማ̇ሪዴ 2፡1-12፥50
ዬሱ̈ሲ ሜታ ኤኪ̇̇̇̇ኖንዲኬ ዓይቂ̇ኖንዶ 13፡1-19፡42
ዬሱ̈ሲ ዓይቃ ጋርታፖ ዲንዲኖንዲኬ ኣሳባር ቤንቲ̇ኖንዶ 20፡1-31
ዉርሲ፦ ማ̈ቃ̇ሪ ጋሊላ ፌ ታማራንባር ቤንቲኖንዶ 21፡1-25
Atualmente Selecionado:
ዋ̈ኒ̇ሳ ጌላ: ኦጫ̈ቃማ
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login