Seemthawhnak 10
10
Noah ih Hrinsar Miphunpawl
1Hilepawl hi tinik tlun hnukah Noah ih tiapale Shem, Ham leh Jafeth ih hrinmi tianaupawl; an hrinsarpawl cu an ii.
2Jafeth ih hrinsarle cu: Gomer, Magog, Madai, Javan, Tubal, Meshek leh Tiras an ii. 3Gomer ih hrinsarle cu: Ashkenaz, Rifath leh Togarmah an ii. 4Javan ih hrinsarle cu: Elishah, Tarshish, Kittim leh Rodadim an ii. 5Ahile sung hin tipi kap leh tikulh kap ah minungpawl an karh. Hile hi Jafeth ih hrinsarle cu an ii, anmah ih ramri sung vek ah, anmah aan, an hrin, an miphun vek in an om.
6Ham ih hrinsarle cu: Kush, Izipt, Put#10:6 Put ti cu hnukdeuh ih Libia tican. leh Kanaan an ii. 7Kush ih hrinsarle cu: Seba, Havilah, Sabtah, Raamah leh Sabteka an ii. Raamah ih hrinsarle cu: Sheba leh Dedan an ii. 8Kush cu Nimrod ih pa ah a cang; Nimrod cu vulei parih raldohthiam midikcak peitatleng a ii. 9Bawipa ih bonnak in sakaap minthang a ii; curuangah, “Nimrod mangin Bawipa bonnak in sakaap minthang” ti in aannak ah hman a ii. 10A uknak ram a thawhnak cu Babel, Erek, Akkad an ii ih an zate Shinar ram ah an om. 11Acui ram cun Assiria ah a tat ih Nineveh, Rehoboth-ir, Kalah leh 12Nineveh leh Kalah timi khualipi lakkarah Resen khua a toh hngai. 13Izipt cu Ludim, Anamim, Lehab, Naftuh, 14Pathrus, Kasluh leh Kaftor mipawl ih pa a ii, anmah sungin Filistin mipawl hi an zong suak.
15Kanaan cu a tia peitleng Sidon leh Heth, 16cun Jebush, Amor, Girgash, 17Hiv, Arka, Sin mipawl, 18Arvadmi, Zemar leh Hamath mipawl ih pa ah a cang. Acuhnuk ahcun Kanaan mipawl cu an ṭhekzartia. 19Culeh Kanaan mile ih ramri cu Sidon in Gerar ranla Gaza tiang, cun Sodom, Gomorrah, Admah leh Zeboiim ran laah Lasha tiang a kau. 20Hilepawl hi an hrin, an aan, an ramri sung leh an miphun in Ham ih hrinsarle an ii.
21Jafeth ih upa Shem, Eber mipawl ih puhram, ni khaw tianaupawl a hring hngai. 22Shem ih hrinsarle cu: Elam, Asshur, Arpakshad, Lud leh Aram an ii. 23Aram ih hrinsarle cu: Uz, Hul, Gether leh Mash an ii. 24Arpakshad cu Shelah ih pa ah a cang; cun Shelah cu Eber ih pa ah a cang. 25Eber ni tiapale pahnih a hring hngai ih, pakhat ih min cu Peleg#10:25 Peleg ih sullam cu Ṭhentiaknak tican. a ii, icatile amah ih san ah vulei cu a ṭhentia ta, cun a naupa ih min cu Joktan a ii. 26Joktan cu Almodad, Shelef, Hazarmaveth, Jerah, 27Hadoram, Uzal, Diklah, 28Obal, Abimael, Sheba, 29Ofir, Havilah leh Jobab timipawl ih pa ah a cang; hile an zate hi Joktan ih hrinsarle an ii. 30A sungih an omtaak nak ramri cu Mesha in Sefar la hoiin nisuahnakla tlang ram a ii. 31Hile hi an hrin, an aan, an ramri leh an miphun in Shem ih hrinsarle an ii.
32Hilepawl hi an omnak khurram, an miphun in Noah ih hrinsarpawl an ii; cun hile sung hin tinik hnukah miphunpawl vulei parah an karhzai.
Atualmente Selecionado:
Seemthawhnak 10: KHBF
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Khualsim Holy Bible © Bible Society of Myanmar, 2021.
