KĨAMBĨRĨRIA 6
6
1 #
Ayub 1.6; 2.1. Na gũgĩkinya atĩrĩ, atĩ hĩndĩ ĩrĩa andũ maambĩrĩirie kũingĩha gũkũ thĩ, na magĩciarĩrũo airĩtu-rĩ, 2ariũ a Ngai makĩona atĩ airĩtu a andũ nĩ athaka; magĩkĩhikia o arĩa methurĩire magatuĩke aka ao. 3Nake Jehova akiuga atĩrĩ, Roho wakwa ndangĩtũũra agianaga na andũ o hingo ciothe tondũ o nĩ mwĩrĩ o ro ũguo; no rĩrĩ, mĩaka ĩrĩa marĩkinyagia ĩgũtuĩka igana rĩa mĩrongo ĩĩrĩ. 4#Ndar 13.33.Na rĩrĩ, nĩkwagĩire kĩruka gĩetagwo Anefili gũkũ thĩ matukũ macio o na thutha wamo, o rĩrĩa ariũ a Ngai maatonyaga kũrĩ airĩtu a andũ, nao airĩtu acio makamaciarĩra ciana; nacio ciana icio-rĩ, nĩcio njamba iria ciarĩ cia tene, o andũ arĩa maarĩ igweta. 5#Mat 24.37; Luk 17.26; 1 Pet 3.20.Nake Jehova akĩona atĩ ũũru wa andũ warĩ mũingĩ mũno gũkũ thĩ, namo methugunda mothe ma meciria ma ngoro ciao maarĩ o moru hĩndĩ ciothe. 6Nake Jehova agĩkĩĩrira nĩ ũndũ wa kũũmba mũndũ atũũre gũkũ thĩ; ũndũ ũcio ũkĩmũiguithia ũũru ngoro. 7Nake Jehova akiuga atĩrĩ, Nĩngũnina andũ aya ndatũmire magĩe kuo, mathire thĩ, gwata andũ o ene, na nyamũ iria cia magũrũ mana, na tũnyamũ tũrĩa tũtambaga, o na nyamũ iria ii njoya cia rĩera-inĩ, nĩ gũkorũo rĩu nĩndĩĩrirĩte nĩ ũndũ wa gũciũmba. 8No rĩrĩ, Nuhu nĩ gwĩtĩkĩrĩka etikĩrĩkire nĩ Jehova.
9 #
2 Pet 2.5. ICI NĨCIO njiaro cia Nuhu. Nuhu aarĩ mũndũ mũthingu, na ningĩ aarĩ mũkinyanĩru mariika-inĩ ma ihinda rĩu rĩake; na rĩrĩ, Nuhu ũcio nĩaatũire e mũthiritũ wa Ngai. 10Nake Nuhu agĩciara ihĩĩ ithatũ, nacio nĩ Shemu, na Hamu, na Jafethu. 11Nakuo gũkũ thĩ gwakorirũo gwĩ kũũru gũkĩonwo nĩ Ngai, na ningĩ nĩkwaiyũrĩtwo nĩ maũndũ ma ũhinya. 12Na rĩrĩ, Ngai akĩrora thĩ akĩona atĩ nĩyathũkĩte, nĩ ũndũ andũ othe nĩmaathũkĩtie mĩthiĩre ĩrĩa maathiaga nayo gũkũ thĩ.
13Nake Ngai akĩĩra Nuhu atĩrĩ Ũrĩa nguona-rĩ, nĩ atĩ ithirĩro rĩa andũ othe nĩ ikinyu, nĩ ũndũ thĩ nĩĩiyũrĩtwo nĩ maũndũ ma ũhinya nĩ ũndũ wao; na rĩrĩ, nĩngũmaninanĩria hamwe na thĩ. 14Wĩakĩre thabina na mĩtĩ ya thithinda, nayo thabina ĩo thĩinĩ ũmĩtinangie tũnyũmba; ningĩ ũcoke ũmĩthinge thĩinĩ o na igũrũ na rami. 15Na rĩrĩ, ũrĩa ũkũmĩaka nĩ ũũ: ũraihu wa thabina ĩo nĩũtuĩke mĩkono magana matatũ; nakuo kwarama kwayo gũtuĩke mĩkono mĩrongo ĩtano; o nakuo kũraiha na igũrũ kwayo gũtuĩke mĩkono mĩrongo ĩtatũ. 16Na ningĩ ũthondeke mwanya wa kũrehe ũtheri thabina-inĩ ĩo, naguo ũraihu waho wa na igũrũ ũtuĩke mũkono ũmwe; na rĩrĩ, mũrango wa thabina ĩo ũwĩkĩre mwena inĩ wayo; na ningĩ thabina yo nyene-rĩ, ũmĩake ĩĩ na tũnyũmba twa mũhuro, twĩ na ngoroba igĩrĩ igũrũ rĩatuo. 17Na rĩrĩ, ũrĩa ngwĩka nĩ atĩrĩ, nĩ kũrehe ngũrehe mũiyũro mũnene wa maĩ gũkũ thĩ, wa kũnina mwĩrĩ o wothe wa nyama ũrĩa wĩ na mĩhũmũ ya muoyo thĩinĩ waguo, ũthire gũkũ thĩ mũhuro wa igũrũ, kĩndũ kĩrĩa gĩothe gĩĩ gũkũ thĩ gĩkue. 18No rĩrĩ, nĩngũhanda kĩrĩkanĩro nawe; nawe no ũtonye thabina ĩo, wee mwene, mũrĩ hamwe na ihĩĩ ciaku, na mũkaguo, o na aka a ihĩĩ icio ciaku. 19Nakĩo kĩrĩa gĩothe kĩĩ na muoyo kĩa mwĩrĩ o na ũrĩkũ wa nyama-rĩ, ũitonyie thabina ĩo thĩinĩ, o mũthemba igĩrĩ, o mũthemba igĩrĩ, nĩ getha ũciikarie muoyo ii hamwe nawe; itonye, o mũthemba njamba na nga. 20Nyamũ iria ii njoya o kĩruka gĩacio, o nacio nyamũ cia magũrũ mana o kĩruka gĩacio, na kanyamũ o gothe ga thĩ karĩa gatambi, o kĩruka gĩako, nĩciũke harĩ wee igĩrĩ igĩrĩ, nĩ getha ũciikarie muoyo. 21Na ningĩ ũmathe mĩthemba yothe ya irio iria irĩagwo, ũcicokererie ũciige kũrĩ wee; icio nĩcio igatuĩka irio ciaku na ciacio. 22#Ahib 11.7.Ũguo noguo Nuhu ekire; maũndũ marĩa mothe aathirũo nĩ Ngai eke, noguo ekire.
Atualmente Selecionado:
KĨAMBĨRĨRIA 6: OGKBIBLE
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
©Bible Society of Kenya, 2019
