ILOOWALI 8
8
Pulitio lo taluhe daa̒
1Allahu Taa̒ala diila lolipata olei Noho wau totoonulalo binatangi u woluo pee̒-pee̒enta wolio todelomo kapali boito. Allahu Taa̒ala malohutu dupoto lohiipai, tilinggula taluhu boito lolaahu. 2Ngoa̒amila butu lo taluhu to walungo dunia wau ngoa̒amila huhebu lotaluhu to hulungo hileu̒ta-Lio. Didi lohuheli, 3wau taluhu helebe molaahe mola. Lapatio mao̒ ngohetuto limo lopulu hui mola taluhu diilalo boti molanggato. 4Todulahee opulaa pitu hulalo opitulio, kapali boito loa̒humo to bolitutuo̒ hui̒dee tuwau lo Ararat. 5Taluhu laalaahe tulusi wau todulahee bohulio hulalo opululio, booboli-tutuo̒walo hui̒dee mahenaasa mai.
6Lapatao̒ wopato pulu hui mola, tei Noho malomuo̒ tutuloa tuwau lo kapali, 7wau lomuli mota paao̒ tuwau. Bulungi boito diilalo lohualingai ode kapali bo tombo-tomboto tulusi odito mota odia mai tilinggula taluhe daa̒ malolaahu sama-samaata. 8Tou̒ boito, tei Noho malomuli mota bulungi poombo tuwau u motota mao̒ wolo taluhu boito memangi malolaahu. 9Bo kalana taluhe donggo loo̒-loo̒opo to ngoilanggubu dunia, yi bulungi poombo boito diila loo̒dungga tambati u pilo tiluntualio. Yi malo hualingai poombo boito ode kapali; tei Noho lohudu mao̒ uluu̒lio tulusi lopotuwotao̒ poombo boito. 10Tei Noho luli lohima pitu hui mola, lapatao̒ luli lomuli mota bulungi poombo boito. 11Tou̒ malo laangio bulungi boito luli lohualingai ode olio lodelo mai duunga jaitun ngopata u mopiohe to tunggilio. Botia bolo ilotaawa lei Noho deu̒ taluhu malolaahu. 12Lapatao̒ luli lohima pitu hui mola; tio lomuli mota poombo boito pee̒entapo; wau pee̒enta boito diilalo lohualingai bulungi boito ode olio.
13Tou̒ tei Noho o umulu wolomo hetuto tuwau lotaunu, tobohulo dulahu hulalo bohulio, taluhu malolaahe sama-samaata. Tei Noho malomuo̒ mao̒ watapo kapali boito, wau lomilohe mota ode palitio. Tio loo̒onto mota deu̒ tudu lohuta malohengu. 14Todulahee odulo pulaa pitu hulalo oluolio, tudu lohuta malohengu.
15Lapatao̒ lotahuda mai Allahu Taa̒ala odelei Noho.
16“Lualoolo mao̒ lonto kapali boito pee̒-pee̒enta woli dilemu, mongo walau̒mu woli dile limongolio. 17Deloa mao̒ lumualo ngoa̒amila bulungi wau binatangi wewolio, duduulaa̒ meaalo kekeei̒, alihu bibii-natangiyalo boito mowali motonggolao̒ wau moloo̒polo mola ode ngoilanggubu dunia.” 18Lapatao̒ mailumualao̒ tei Noho lonto kapali boito pee̒-pee̒enta woli dilelio, mongo walai̒o wau dile limongolio bua. 19Ngoa̒amila bulungi wau binatangi lo tudulio yilumualao̒ lonto kapali boito, tinggai pee̒-pee̒enta polemboa̒ pangelio.
Tei Noho lopodewo bake
20Tei Noho lopo tihulao̒ mesba tuwau ode Eeya. Hilamalio mao̒ tuwau monto timii̒du bulungi ngodalaala wau binatangi wewolio u halale tulusi pilopo dewolio odelo bake yilalango toitaato mesba boito. 21Boolo moonu lobake podewo boito heloo̒ sanangi hilaa lo Eeya, wau Tio bisabisala todelomo hilao, “Wau̒ diilalo molaa̒nati dunia botie kalana huhutu lomanusia; otaawa-U̒ deu̒ tou̒ donggo mudalio mai, pikilangi lomanusia boito moleeto. Wau̒ boli pee̒enta mao̒ diilalo mopobinasa totoonulalo mahaluku u hitumula debo odelo u heeli pilohutu-U̒ mola botie. 22Ngotilonggadu dunia botie woluo, laito mawoluo mai sembo lo mopomulo, wau sembo lo molipu, sembo lo huhuulo, wau sembo lopatu, sembo lo polohengu wau sembo lodidi, dulahu wau hui.”
Atualmente Selecionado:
ILOOWALI 8: LAIGOR
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
