Senesi 5
5
1Ko leinei le tosi o le sakoga o Atama. I le fakatupu e le Eteleno le tagata, na fai loa e ia a ia o fakatatau ki le Atua.
2Na fakatupu loa e ia le tagata mo le fafine, na tapuaki loa a ia kia laua, ti na fakaigoa loa e ia laua ki le igoa o le tagata, i lana fakatupu laua.
3Ko Atama, i lona fetuu kau lelau kau tolu, na fakatupu ia loa se vosa leia na tatau mo ia, mo aga ofaipe ia, ti na soli loa e ia kiate ia le igoa ko Seti. 4Ko aso o Atama, i le oki o le tupu o Seti, ko fetuu e kau lelau valu. Ti na fakatupu loa e ia ni vosa mo ni taineliki.
5Ko aso fuli o le mauli o Atama ko fetuu e kau lelau iva kau tolu ; ti na mate loa a ia.
6Ko Seti, i lona fetuu kau lelau kau lima, na fakatupu ia loa Enosi. 7Na mauli loa Seti i le oki o le tupu o Enosi, i fetuu e kau lelau valu tupu fitu ; ti na fakatupu loa e ia ni vosa mo ni taineliki.
8Ko aso fuli o Seti ko fetuu e kau lelau iva kau agafulu tupu lua ; ti na mate loa a ia.
9Ko Enosi, i lona fetuu kau iva, na fakatupu ia loa Kenani. 10Na mauli loa Enosi, i le oki o le tupu o Kenani, i fetuu e kau lelau valu kau agafulu tupu lima ; ti na fakatupu loa e ia ni vosa mo ni taineliki.
11Ko aso fuli o Enosi ko fetuu e kau lelau iva tupu lima ; ti na mate loa a ia.
12Ko Kenani, i lona fetuu kau fitu, na fakatupu ia loa Maalaleele. 13Na mauli loa Kenani, i le oki o le tupu o Maalaleele, i fetuu e kau lelau valu kau fa ; ti na fakatupu loa e ia ni vosa mo ni taineliki.
14Ko aso fuli o Kenani ko fetuu e kau lelau iva tupu lima ; ti na mate loa a ia.
15Ko Maalaleele, i lona fetuu kau ono tupu lima, na fakatupu ia loa Seleti. 16Na mauli loa Maalaleele, i le oki o le tupu o Seleti, i fetuu e kau lelau valu kau tolu ; ti na fakatupu loa e ia ni vosa mo ni taineliki.
17Ko aso fuli o Maalaleele ko fetuu e kau lelau valu kau iva tupu lima ; ti na mate loa a ia.
18Ko Seleti, i lona fetuu kau lelau kau ono tupu lua, na fakatupu ia loa Enoke. 19Na mauli loa Seleti, i le oki o le tupu o Enoke, i fetuu e kau lelau valu ; ti na fakatupu loa e ia ni vosa mo ni taineliki.
20Ko aso fuli o Seleti ko fetuu e kau lelau iva kau ono tupu lua ; ti na mate loa a ia.
21Ko Enoke, i lona fetuu kau ono tupu lima, na fakatupu ia loa Metusela. 22Ko Enoke, i le oki o le tupu o Metusela, na saele loa mo le Atua i fetuu e kau lelau tolu ; ti na fakatupu loa e ia ni vosa mo ni taineliki. 23Ko aso fuli o Enoke ko fetuu e kau lelau tolu kau ono tupu lima.
24Na saele loa Enoke mo le Atua ; ti na leaise toe maua loa a ia, talie na ave loa a ia e le Atua.
25Ko Metusela, i lona fetuu kau lelau kau valu tupu fitu, na fakatupu ia loa Lemeke. 26Na mauli loa Metusela, i le oki o le tupu o Lemeke, i fetuu e kau lelau fitu kau valu tupu lua ; ti na fakatupu loa e ia ni vosa mo ni taineliki.
27Ko aso fuli o Metusela ko fetuu e kau lelau iva kau ono tupu iva ; ti na mate loa a ia.
28Ko Lemeke, i lona fetuu kau lelau kau valu tupu lua, na fakatupu ia loa se vosa. 29Ti na soli loa e ia kiate ia le igoa ko Noe, o pati : Ko ia leinei e fakafimalie ia loa tatou i atatou gaoi pakia, talie kua fakamalaia le kele leinei e le Eteleno. 30Na mauli loa Lemeke, i le oki o le tupu o Noe, i fetuu e kau lelau ono kau iva tupu lima ; ti na fakatupu loa e ia ni vosa mo ni taine.
31Ko aso fuli o Lemeke ko fetuu e kau lelau fitu kau fitu tupu fitu ; ti na mate loa a ia.
32Ko Noe, i lona fetuu kau lelau lima, na fakatupu ia loa a Semi, mo Kami, mo Safeti.
Atualmente Selecionado:
Senesi 5: FB2000
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© Société Biblique de Genève, 2000-2020
