KUPUTUKA 7
7
1Yehova ambile kuli Nowa ngwenyi, Twayenu mwingile muwato, nayove navaze vakuzuvo yove vosena, mwomwo ngunakumono ove ngwami, umuka-kwoloka kumeso ami muli vaka-myaka yino.
2Kuli tunyama #Levi 11.1-31; Luxi. 14.3-20.vosenava vatoma ulitalila vatanu navavali vatanu navavali, nacilunga nacipwevo nacilunga nacipwevo. Kaha kuli tunyama vavapi nawa vavali vavali, nacilunga nacipwevo nacilunga nacipwevo.
3Nakuli tujila vahelu nawa, vatanu navavali vatanu navavali, nacilunga nacipwevo nacilunga nacipwevo, ukalame mbuto yavo yayitonyi kwilu lyamavu kwosena.
4Mwomwo kunasale makumbi atanu naavali, numba ngunokese vula hamavu makumbi makumi awana namusana naufuku, kaha vaka-kuyoya vosenava ngunatenge nangu-vanongesa kwilu lyamavu.
5 #
Hepe. 11.7. Kaha Nowa alingile nge kutesa namwosenomwo vamulwezele kuli Yehova.
6Nowa apwile namyaka makulukaji atanu nalimwe haze lyejile livaji lyameya hamavu.
7Kaha Nowa engilile muwato, navana venyi vamalunga, napwevo lyenyi, namapwevo javana venyi nenyi hamwe, kucina meya alivaji.
8Kuli tunyama vatoma, nakuli tunyama vavapi, nakuli tujila, nakuli vaka-kuhalala hamavu vosena,
9kwengilile vavali vavali muwato muli Nowa, nacilunga nacipwevo nacilunga nacipwevo, nge kutesa nomwo vamulwezele Nowa kuli Kalunga.
10Kaha casolokele, omu mwahicile makumbi aze atanu naavali, meya alivaji ejile hamavu.
11Hamwaka uze ahetele Nowa mumyaka makulukaji atanu nalimwe, hakakweji wamucivali, halikumbi lyakakweji lyakuheta mulikumi naatanu naavali, halikumbi lize vene tuselwoke vamukajinga kakanene vosena vapazukile, kaha jinjanena jamwilu jasokolokele.
12Kaha vula yapwilenga nakunoka hamavu makumbi makumi awana namusana naufuku.
13Halikumbi lyolyo limwe vene Nowa naXeme naHame naYafwete, vana vaNowa, napwevo lyaNowa, namapwevo javana venyi vatatu navo hamwe, vengilile muwato,
14navakivo, natunyama vosena kumiyaci yavo, navimuna vosena kumiyaci yavo, navaka-kuhalala vakutambuka hamavu vosena kumiyaci yavo, natujila vosena kumiyaci yavo, tujila vosena vene vamiyaci yosena.
15Vengilile muwato muli Nowa, vavali navavali kuli vakweci mijimba vosena muli kuhwima cakuyoya.
16Vaze vengililemo vengilile nacilunga nacipwevo nacilunga nacipwevo kuli vakweci mijimba vosena, nge muze vamulwezele kuli Kalunga. Kaha Yehova amusokelelelemo.
17Jino livaji lyapwile makumbi makumi awana hamavu. Meya avulile nakuzundula wato, kaha wazundukile helu lyamavu.
18Meya alitulileho nakuvula cikuma hamavu, kaha wato watambukile helu lyameya.
19Meya alitulileho cikumakuma hamavu, kaha jipili jakunyunga josena japwile kuxi yalilu kwosena jajimi-nyine.
20Meya alitulileho helu jikuvite likumi najitanu, kaha jipili jajimi-nyine.
21Vakweci mijimba vosenovo vata-mbukilenga hamavu vatokele, natujila, navimuna, natunyama, navaka-kuhalala vakutambuka hamavu vosena, navatu vosena.
22Vosenovo vapwile nakuhwima cakuyoya mumazulu avo, vosenovo vapwile kutunda yakuma vafwile.
23Vaka-kuyoya vakwilu lyamavu vosena vavanongesele, navatu, navimuna, navaka-kuhalala, natujila vahelu, kaha vavanongesele hamavu. #Mateu 24.38, 39; Luka 17.26, 27; Petu. 1, 3.20; Petu. 2, 2.5. Nowa kaha asalileho, navaze apwile navo nawa muwato.
24Kaha meya alitulileho makumbi likulukaji namakumi atanu hamavu.
Atualmente Selecionado:
KUPUTUKA 7: LUE70
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Luvale Bible © Bible Society of Zambia, 1970.
