Yoana 2
2
Akuuta alo Kana
1Akolongit na a ngauni, eutae alore a Kana anakwap a Galilaya. Ayei itiokeng a Yesu neni. 2Anyaraunitae Yesu dang ka ngirukitos keng nakuuta ngina. 3Ani edaun emuna lo epuritoe, tolimok itiokeng a Yesu ngesi tama, “Adaun emuna kech lo epuritoe.”
4Tatachak Yesu itiokeng tama, “Akimat, ibala tokona iyong ekokini ayong ai? Eringa esaa kang nyenanga.”
5Tolimok itiokeng a Yesu ngikasubak etich tama, “Tosuba daang na kilimokini ngesi esi.”
6Ayakasi neni ngamoti nalupei ngakan-kapei na eraakasi ngadepe ngaarei kori ngauni ilelebitae. Ewaakinitae neni eraakasi ngakilotanaret loger lo echamakinitor etal a Ngiyaudi. 7Tolimok Yesu ngikasubak etich tama, “Kileleba ngamoti nugu ngakipi.” Apot kileleba kipichunos, 8tolimok Yesu kesi tama, “Tookutu nakis ekapolon a akuuta.” Nasi kesi ngesi ngakipi, 9na apot kibelos toliwor emuna lo epuritoe nguna, nakis ekapolon kiir. Peayeni ngesi ni etoruni emuna ngolo, (nakaneni ayenete ngikasubak etich lu aokunete ngakipi ni etoruni), sodi tanyara ekapolon ekeutan, 10tolimok tama, “Ekoreene itwaan daang emuna loajokon ekingaren, ani eupi ngitunga lokojokon, tokor ngesi loapenan. Nakaneni irichu iyong emuna loajokon tani tokona!”
11Akitoodikinet nakaililon ngina ngesi erai na a ekingaren na asubi Yesu alore a Kana anakwap a Galilaya. Sodi kidodiu ngesi apolou keng, nabo tonupa ngirukitos keng ngesi.
12 #
Mat 4:13 Arumoret nguna, toloto Yesu ka itiokeng, ka ngikaitotoi keng, ta ngirukitos keng Kaperinaum, kiboikinos inaa ngirwa ngidikidio.
Alosi Yesu kai a Akuj
(Matayo 21:12-13; Mariko 11:15-17; Luka 19:45-46)
13Kona aapikinitor ngirwa a esukukuu a Adeparet, tolot Yesu Yerusalem. 14Toriam ngesi ngitunga lu agialanarete ngaatuk, ka ngamesekin ka ngakurio ta ngulu ebwangete ngaropiyae ibooyete alokai a Akuj. 15Tosubak ngesi amunyororo sodi kitwarak ngibaren daang alotooma akai a Akuj, ngamesekin ka ngaatuk. Tobuko ngesi ngaropiyae alu abwangete ngaropiyae, nabo kibelukwaa ngimeesae kech. 16Sodi tolimok ngitunga lu agialanarete ngakurio tama, “Kipudosi ngiborei lugu kane! Nyiitiliwosi Akai ka Apakang akai nagielet ngiboro!” 17#Apud 12:1-27 Kitamut ngirukitos keng atamar igiritae nagiran kona, “Eger lo aminar ayong akai kon, kanomit ayong loger a akim!” #Eosio 69:9
18Kingita ngikapolok a Ngiyaudi Yesu tamasi, “Ani kitoodikinet nakaililon isubakini iyong kidodik sua atamar kichamakinitae iyong dir isubi ngakiro nugu?”
19 #
Mat 26:61; 27:40; Mar 14:58; 15:29 Tatachak Yesu tama, “Tobwanga Akai na a Akuj naga dio atodukok ayong atorumo a ngirwa a nguuni.”
20Kingita kesi ngesi tamasi, “Ekoe! Akai na adukio a ngikaru ngitomwon-omwon ka ngikan-kapei, ngesi ibala iyong idukokini a ngirwa a nguuni a?”
21Nakaneni arai akai na alimit Yesu ngakiro a akwaan keng. 22Na ayarunea ngesi, kitamut ngirukitos keng atamar abala kolong neni, sodi tonupa ngagiran ka ngakiro na alimuni Yesu.
Eyeni Yesu eger a ngitunga
23Na ayakar Yesu Yerusalem ngirwa lua esukukuu a Adeparet, tonupa ngitunga lukaalak ngakiro keng kotere ngakitoodikinet nakailiilok na asubi ngesi. 24Nakaneni peamuno Yesu kesi, kainyo ayeni ngesi ngitamen a ngitunga kadaang lokojokon. 25Peasaki ngesi itwaan tolimok ngesi ngakiro a ngitunga, kainyo ayeni ngesi na eya lotai kech.
Atualmente Selecionado:
Yoana 2: ABIBILIA
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
BIBLE SOCIETY OF KENYA (c) 1999
