MAK 1

Tu'ananga tu na ga Jon Bɛnjɛ-bu-ubaptizim Enenji

(Mat 3:1-12; Luk 3:1-18; Jon 1:19-28)

1Umozhigo wa Anabarɛ Ebiye iwɛ Jisus Krast Yɛu ya Agwatana#1:1 Yɛu ya Agwatana: Tɛjɛshɛrɛga tu ko tu zasa Yɛu ya Agwatana o. 2U namɛ gana na ta Agwatana jɛmɛ nu utakada bigesere ga Ayizaya,#1:2 Bigesere ga Ayizaya: Tɛjɛshɛrɛga tu ko tu zasa ga Ayizaya o. #Mala 3:1; Mat 11:10; Luk 7:27 bɛɛ hiɛŋ,

N zhɛ ma tumwana butumwa mi nu umbe bu, na zhɛ ma bu hangana uhwaŋna.

3Rụhwụŋ ra bụtụ bu ko ra ugaga nụ ụshɛka, rɛɛ hiɛŋ, Hanga ma uhwaŋna wa Agwangwama, nda ma uhwaŋna ata kpororo.#Ayiz 40:3

4Ga Jon Bɛnjɛ-bu-baptizim namɛ nụ ụshɛka baa ananga iwɛ ahaŋsa-tɛjɛshɛrɛga iwɛ maa e gengeni aŋ iwɛwɛ ya aba maa a njɛ aŋ ubaptizim.#Ugo 13:24 5Atwa cɛnjɛ tu Judia, na atwa Jɛrusalɛm bananjɛ kpaaŋ aba ɛɛ zhɛ pu bwa, ee leni-unu iwɛwɛ ya aba, baa njɛ aŋ ubaptizim nu Urefu Jodan. 6Ga Jon bo urugono tugwuno tu na aa njɛ ne tihiŋzhe ti irihende, boo umpo embi ubwa nu umazhɛya na aa njɛ nu u'waba, baa ya ovworo keeni meni mi iswɛ.#2 Shɛgwu 1:8 7Ga Jon enenji, bɛɛ hiɛŋ, Bụtụ bu ko be ci ba ne ekwunyi mi, bu n hwuri ikɛnyi, N teni shi cɛŋ maa mo tufwurungo okwo ihwehwe ya abida ubwa o. 8Ma hi nda ubaptizim ne meni, ama bụtụ ata ubwa zhɛ ma hi nda ubaptizim na Mpiala mi Tijilo.

Ubaptizim Jisus Keeni Tumanga tu Bwa

(Mat 3:13—4:11; Luk 3:21,22; 4:1-13)

9Na aka ata ibɛ ge Jisus banɛ nu Nazarɛt na namɛ na cɛnjɛ tu Galili, ga Jon njɛ bu ubaptizim nu Urefu Jodan. 10Gunu ata ti ge Jisus be ci ụbanụ ne meni, baa kwụbɛ ta azuba bagwụ, Mpiala mi tijilo mu zwe nu uhiuhiu ubwa gana ikwucime. 11Nazhɛ rụhwụŋ ru ko ru banɛ na azuba, rɛɛ hiɛŋ, Gabụ bɛ shɛ Yɛu mi nɛ Omo lubo duwa, amɛ mi kaa lemi na bu tebiye.#Umoz 22:2; Shɛzu 2:7; Ayiz 42:1; Mat 3:17; 12:18; Mak 9:7; Luk 3:22

12Gunu ata ibɛ Mpiala ma Agwatana mu unzhi Jisus maa zha nụ ụshɛka. 13Ge Jisus namɛ nụ ụshɛka ata jitɛ buhanda, abana ni isundɛ-ehilo, ge Setan menji bu. Nazhɛ atumwa azuba zhajɛ aa ndanɛ bụ iyi.

Ge Jisus Suyanɛ Ekwuzhi eneshi

(Mat 4:12-22; Luk 4:14,15; 5:1-11)

14Na aba na ta a 'imɛ Jon ee kepi bu nu umwono-tishi, ge Jisus zhajɛ nu Galili, bee enenji Anabarɛ Ebiye Agwatana, bɛɛ hiɛŋ, 15Cɛnjɛ-ta-tugwama ta Agwatana tu gwumwonu, aka ci ya maa hiɛ jɛshɛrɛjɛ-shihaŋsa shi hiŋ maa hiɛ tɛtana Anabarɛ Ebiye rishe.#Mat 3:2

16Ti ge Jisus ba zha tahaŋnụ nu ụpalanụ Itekwu Galili, baa kwụbɛ Saimon, ni yɛu-bino bwa ga Andru, ta a 'waŋ igwune ya aba ni itekwu ɛtɛ, iwɛnɛ ta a shɛ ekwuzhi. 17Ge Jisus hiɛŋ aŋ, N 'wa ma, N zhɛ ma hi nda ekwuzhi na a ima atwa. 18Ee genji n-ngwuno ma aba gunu ata aa 'wa Jisus. 19Ti ge Jisus to tuhwulo geri-be-eshe fwalaa, baa kwụbɛ Jemis yɛu Zɛbɛdi, ni yɛu-bino bwa ga Jon, ta a jɛjɛ nụ ụhaŋtụ aa nangana n-ngwuno ma aba. 20Ge Jisus suyanɛ aŋ, gunu ata ee genji bishi aba gɛ Zɛbɛdi nụ ụhaŋtụ, ta miaụŋ-mu-ugondu mu na ma lashɛga alubashɛ, aa 'wa Jisus.

Bụtụ na 'Yajɛ Mpiala mụ Wɛ

(Luk 4:31-37)

21Ti ge Jisus ne eseshi-iyi ubwa zhajɛ nu Kapanaum, ge Jisus teni nu umwono Tụ'ụlwatagwụ nụ Ụjita-ụhinjanụ, bee mbisegeni atwamwa iyi. 22Iyi nɛ ge Jisus mbisegeni aŋ dama aŋ, iwɛnɛ ti bee mbisegeni aŋ iyi nu ụhwada, shɛ gana na te embisegeni Undwa o mbisogono aŋ o.#Mat 7:28,29 23Bụtụ bu ko namba nu umwono ata Tụ'ụlwatagwụ na mpiala mụ wɛ mu namɛ na amɛ ubwa. 24Ibɛ bụtụ ata uganɛ, bɛɛ hiɛŋ, Imbe shɛ inee tu na bu gabụ ge Jisus bụtụ bu Nazarɛtii? Bu zhajɛ suu maa ɛtɛ njɛ ufwu? M mepi bụtụ na abɛ shɛ. Bụtụ bi Tijilo ba Agwatana abɛ shɛ.

25Ge Jisus tezhigeni mu, bɛɛ hiɛŋ, Ima ilɛmɛ, banɛ na amɛ ubwa! 26Nazhɛ mpiala ma ata mụ wɛ mi keri bụtụ ata tigbici, maa uganɛ duwa, nazhɛ maa banɛ na amɛ ubwa. 27Ibɛ po igɛhi 'imɛ atwa ata kpaaŋ aba, oo momo hoŋtongonu, ɛɛ hiɛŋ, Imbe shaanaa? Timbisogono tu ufwo ti imbe nɛɛ? Iwɛnɛ ti bee peni mipiala mụ wɛ unu nu ụhwada, maa hwụjɛ-unu ubwa! 28Gunu ata unabarɛ Jisus beni woo mburusonu no ofwo elele nu ukpeleshi cɛnjɛ tu Galili.

Ge Jisus Nɛnjɛ Atwa ofwugwo

(Mat 8:14-17; Luk 4:38-41)

29Ti ge Jisus,#1:29 Ti ge Jisus: Tɛjɛshɛrɛga tu ko tu zasa Jisus, ama ti hiɛŋ, Ti bee, kwo kaa te e beni. ne Jemis keeni Jon beni nu umwono Tụ'ụlwatagwụ, ee zhe ni ihwɛ Saimon na Andru. 30Te e'uji Saimon weci, mpiala mɛ shɛ bụ. Ee mbishi Jisus iwɛ ubwa. 31Ge Jisus zhe bɛɛ imɛ bu u'ala, bɛɛ ishicinjɛ bụ. Gunu ata mpiala ma ata mi genji bu, baa ndanɛ aŋ iyi.

32Aka na tu uwaŋna teni ụrụmɛ shɛ, atwamwa suje atwa elele na a gwumanga keeni atwa na atumwa-ibiri namɛ na shɛmɛ sha aba aa zhajɛ no ofwo Jisus. 33Ibɛ po atwa ụshɛpwụ ata kpaaŋ ụlwatagwụ no odubo. 34Ge Jisus nɛnjɛ atwa ofwugwo a na ga 'yajɛ ụngwụ gɛnɛgɛnɛ, bee becinji du atumwa-ibiri ofwugwo na shɛmɛ sha atwa ata. Bi leneni shi atumwa-ibiri maa a dumanɛ iwɛ o, iwɛnɛ te e mepi bu.

Ge Jisus ba Ananga na Cɛnjɛ tu Galili

(Luk 4:42-44)

35Ge Jisus ishijɛ na aasavwungwa a'wụtụ, bee beni bee zhe no ofwo na bụtụ be elele zasaba, baa njɛ adua apata. 36Ga Saimon na atwa vwɛ ubwa dwelekeci bu. 37Aka na to o to bu ugbe, ɛɛ hiɛŋ bụ, Atwa kpaaŋ ma bu jalakaka.

38Ge Jisus jishijɛ aŋ, bɛɛ hiɛŋ, Hwure ti zhe ma nyapadụ na ashɛpwụ na gwumwongonu, iwɛ maa Ma nda du apata i'enenji, ecilo no po Ngaa zhajɛ ta. 39Ge Jisus tenenji shimwono shɛ Tụ'ụlwatagwụ shɛ na shɛ namanjɛ na cɛnjɛ tu Galili kpaaŋ, baa nda i'enenji, baa bacɛnga du atumwa-ibiri.#Mat 4:23; 9:35

Ge Jisus Nɛnjɛ Bụtụ na 'Yajɛ Ụngwụ-uwaŋna

(Mat 8:1-4; Luk 5:12-16)

40Bụtụ bu ko na 'yajɛ ụngwụ-uwaŋna#1:40 ụngwụ-uwaŋna: Ụngwụ ga wo bogwu la bụtụ na atwa ihwɛ ibwɛ cala maa bụtụ ata nama na ambɛ. Edenji a suyana ụngwụ ufwugwo na wa nama atwa na tu'waba maa ụngwụ-uwaŋna, asha kaa shɛ ubwa waa shɛ hwɛɛ o. zhajɛ no ofwo Jisus, bee kwuzeni bu, baa tabwa bụ, bɛɛ hieŋ, Yaa shɛ yaa bu kwụlanɛ, bi eri bu ma nɛnga. 41Inyɛmɛnyɛmɛ ibwɛ shɛ Jisus, bee nderishinji u'ala ubwa, bee timengeni bụtụ ata, bɛɛ hiɛŋ bụ, I n kwụlanɛ, zhɛmanana ya. 42Gunu ata ụngwụ-uwaŋna ata genji bụtụ ata baa zhɛmananɛ shɛ. 43Ge Jisus becinji bụtụ ata, baa tɛtaganɛ bụ unu duwa duwa, bɛɛ hiɛŋ bụ, 44To mbiso bụtụ be elele o. Ama zhaga meme mbiseni bunongbo, iwɛ tɛnɛnjɛ tu na aa bụ nɛnjɛ, pana bu du iyi nɛ go Moses ihi peni-unu ibɛ, iwɛ maa ibi le tiseyida no ofwo aba.#1:44 no ofwo aba: Gana abayiburu uko jɛmɛ ta du, ama tɛjɛshɛrɛga tu ko ti hiɛŋ, no ofwo atwa, kwo kaa no ofwo bụtụ be elele. #Liv 14:2-32

45Ama ta bụtụ ata beni apata, bee kwuni iwɛ ɛtɛ tu'ananga tutu boo mburusonu iŋ no ofwo elele, iwɛbɛ po ge Jisus eri shi#1:45 ge Jisus eri shi: kwo kaa, bee eri shi. bo tono ya nụ ụshɛpwụ ụ'wụtụ we elele caakwụ, ama ba nama ya no tupohondo no ofwo na bụtụ zasaba, ama tuba atwamwa aa bananjɛ no olugwo elele aa zhaganɛ bụ.

Atualmente Selecionado:

MAK 1: RBT

Destaque

Copiar