MAIKA 2
2
1Ai ki tea maga waina eu midoa ki p̃ai namarinaleotageleana go namarisakiana one naweweleda! Ragi ni namarama ni malip̃ogi, eu pakavuro e, nalakena nakasuaana ni nam̃elearuda. 2Eu matam̃agura ki vanua maga, po dape pavakoto ara; eu matam̃agura ki nasum̃a maga, po dape lua ra: eu diesoki naatam̃oli sikai go tea ni nasum̃a aneana, naatam̃oli sikai go tea veaniana aneana. 3Nalakena tea wanogoe Yehovah e noa dapala nea, e naga, P̃a leo, kinau a midoa ki p̃ai tea sa sikai dip̃a namatarau wanogoe, waina kuga wo da mariatae dosa liliua ki nanoamu pa dua ki nia mau, go kuga wo da surata lagilagi mau; nalakena ega wo pei ragi sa sikai. 4Doko naaleatia wanogoe tea sikai ega wo manimu dape dakati navasapinoaana sikai, po lalagaarova ki nalalagaarovaana warua, po naga, Tu po pei tea vuti‐lua‐pavakotoana: e mari matele ki narei aginau e panop̃ota: awi, e dape lua e kiagu! E dap̃otawotae vanua anigida maga dua tea vei p̃auluulu maga ara. 5Nalakena tea wanogoe tea waina ega wo manimu nadi ki natali ni gole doko nasaisaiana ki Yehovah, ega wo dika. 6Eu noa ki tea maga waina eu do peanoasai, eu naga, Kuga ta peanoasai tea tapalana maga mau; te navasapinoaana ega wo da pa parati ki gida mau. 7Ega wo pei tea noaana, nasum̃a ni Yakob O, naga Naata ni Yehovah e pei tea marikotoviana kite? Tea maga waia eu pei natomariana aneana maga, kite? Navasaana aginau maga eu da do mari tea wia paki naata waina e do surata leana, kite? 8Ma nimu ku po duleana dip̃a narei aginau dapala tea kokona sikai: ku duatilua sugoro kovagoro m̃elu dua ki tea matemate maga, m̃elu dua ki tea maga waina eu pae navakalo liliu umai waina eu surata navavatuana. 9Ku po kopasi lua nagoroi maga ki narei aginau m̃elu dua ki nasum̃a masauniana adeada maga; ku dape lua nasamasamaana aginau m̃elu dua ki piakirikiri kiki adeada maga pa pa po du mau du. 10Kuga tuleana, po m̃elu pano; nalakena tokora waia e da pei tokora ni namaromaroana mau: nalakena naloaana, kuga wo pei tea mari‐puoli‐kiana ki namarisakiana warua. 11Naatam̃oli sikai e pe surata pasara, po lua ki nalagi m̃oli go nasorosoroana maga, doko do naga, Aga wo peanoasai paki‐go nalo ni waine go nalo ni namunuana kasua; nae e pe wo pei profeta ki narei waia. 12Aga wo piragi saisai ki puti mu, Yakob O, aga wo saisai ki namagovai ni Israel waina eu pei tea mautiana; aga wo lawo ki da euga saisai dakiusi shiip doko loga sikai: dakiusi navata sikai doko napega kakana; euga wo mari p̃arai p̃arua nalakena nalaapaana ni naatam̃oli. 13Tea mari‐p̃orae ega wo pea ki da sake pano: euga wo dave duap̃ora po surata liu pano paki namata‐pua, go euga wo dave pae asa, po pano: nawota adeada ega wo pea ki da, Yehovah ega wo pei nap̃auda.
Atualmente Selecionado:
MAIKA 2: NTB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible Society of the South Pacific