MALAKAI 2
2
1Go ragi waia, nimu tea viri maga O, natip̃akiana waia a dua mu asa. 2Waina ku pe ta dogo parati ki nia mau, go waina ku pe ta dapesoki a nap̃op̃omu po samasama ni nagisagu, Yehovah ki taua maga e noa e, ragi wanogoe aga wo dip̃aki lua navasasakiana paki mu, go aga wo pasa sa ki navasam̃ata‐ki‐mu‐ana maga: io, a pasa sa ki sua ra, nalakena ku da dapesoki a nap̃op̃omu. 3Kuga leo, aga wo dip̃adoa naworaworamu, go aga wo p̃elesa ki natae naraemu maga, natae ni naviriana animu maga; go kuga wo pei tea tapeluaana m̃elu dua ki naraegu pano. 4Go kuga wo atae naga kinau a dip̃aki lua natip̃akiana waia paki mu, naga navasasokiana aginau paki Levi ega wo pei lomau, Yehovah ki taua maga e noa e. 5Navasasokiana aginau paki nia e pei tea ni namauriana go natam̃ateana; go a dua e ara naga ega mataku, go e matau ki nau po mataku pa dua ki nagisagu. 6Navasa‐parati‐kiana lomau e doko nawokana, go namarinaleotageleana e da doko nagolena mau: e surata sikoti au doko natam̃ateana go naleanaana, go e puadoa tea laapa m̃elu dua ki namarinaleotageleana. 7Nalakena e one tea viri one naga nagolena eroga vavaigoro naataeana, go tea laapa euga laaga natapavanuaana nawokana: nae e pei tea tautauana ki Yehovah ki taua maga. 8Ma nimu ku dawasi m̃elu dua ki napua pano; ku mari tea laapa eu dapilagona nawotaeana; ku dapiri navasasokiana paki Levi, Yehovah ki taua maga e noa e. 9Go nalakena tea wanogoe, kinau aga wo mari mu kuga vei tea midoaki‐p̃alo‐kiana po pei tea sa mau sa narae ni narei maga mamau puti, nalakena ku da pavaigoro napua aginau maga mau, ma ku piragi narae nalo ni nawotaeana.
10Tamagida e da pei tea sikai maau mau kite? Sup̃e sikai maau e da dawona ki gida mau kite? Ekasana tu do mari malauweluki sara naata dip̃a taina, doko po do dapiri navasasokiana ki tamagida maga? 11Yudah e mari malauweluki, go tea mamaragokiana e pei tea mariana Israel go Yerusalem; nalakena Yudah e mari m̃oli ki tokora tapu ki Yehovah, waina e dodomi a, go e dawiri sup̃e p̃ota natuna nagoroi. 12Naatam̃oli waina e mari tea wanogoe, tea waina e leleogoro go tea waina e pasadara, Yehovah ega wo daelua e pa dua ki tap̃aup̃au maga ki Yakob, go tea waina e do pitua ki navituaana paki Yehovah ki taua maga. 13Go ku moro mari tea waia: ku dap̃augoro wede ni naviriana ki Yehovah ki naririmata maga, ki natagiana, go ki nagiana, nalakena Yehovah e da moro midoaki navituaana mau, go e da suasua dape a ki nam̃elearumu mau. 14Go nimu ku naga, Ekasana? Nalakena Yehovah e pei tea noasokisoki namawota kakam̃a go ki nagoroi ni navei‐natureai‐ana anigo, waina ku mari malauweluki dip̃a e, go nae e pei tea toko sikoti ko, go e pei nagoroi ni navasasokiana anigo. 15Go e da mari tea sikai maau mau kite? Go naatana ni namauriana e pei tea aneana. Go ekasana e mari tea sikai maau? Nalakena e masau naworawora tautau. Nalakena tea wanogoe kuga vavaigoro naatamu, go te naata ega ta mari malauweluki dip̃a nagoroi ni navei‐natureai‐ana aneana mau. 16Nalakena kinau a pilosi natoropusiana, Yehovah Sup̃e ki Israel e noa e, go a pilosi naata waina e kovagoro sugoro aneana ki namaripavakotoana, Yehovah ki taua maga e noa e: nalakena tea wanogoe kuga vavaigoro naatamu, po da mari malauweluki mau.
17Nimu ku mari Yehovah e dogokitesa ki navasaana animu. Ma ku naga, Dapale sava au mari a e dogokitesa? Nimu ku naga, Sara naata waina eu mari naleo sa, eu leana narae ni Yehovah, go nae e midoaki m̃ata ki da; kite Sup̃e ni navasap̃otaeana wai?
Atualmente Selecionado:
MALAKAI 2: NTB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible Society of the South Pacific