YONAH 3
3
1Go navasaana ki Yehovah e umai paki Yonah sala kerua, 2e noa, P̃a tuleana, p̃a vaki Nineveh pano, natokoana warua waina, go p̃a rogorogo paki nia ki narogorogoana waina kinau aga wo pasa ki‐go asa. 3Go Yonah e duleana, po paki Nineveh pano, dapala navasaana ki Yehovah. Go Nineveh e pei natokoana warua liu sikai, ni nasurataana ni naaleatia dolu. 4Go Yonah e atulake sili natokoana nasurataana ni naaleatia sikai, go e pioso, po noa, Naaleatia rualima pati euga ko nopu, go Nineveh ega wo pei tea tap̃olosiwokiana. 5Go naatam̃oli maga ni Nineveh eu saralomau Sup̃e; go eu dogorogo ki navaliana sikai, po suni nakulukulu maga ni sak, e pae tea warua kakada pa pa paki tea kiki kakada. 6Go navasaana wanogoe e pa parati ki nawota ni Nineveh, go e duleana m̃elu dua ki malo tasake aneana, po sawolua sugoro kovagoro aneana kiana, po suni nakulukulu ni sak, po doko natanoapu. 7Go e mari narogorogoana po noa pa usuraki Nineveh pae navasakisogiana ki nawota go ki naatam̃oli warua aneana maga, po noa, Naatam̃oli go nalo tuavati, navata ni kau go navata ni shiip go ni naninani, euga ta katidogo te navatuna mau, euga ta ganikani mau, go euga ta munu noai mau: 8ma euga suni nakulukulu maga ni sak, naatam̃oli go nalo tuavati, go euga vioso kasua paki Sup̃e: go euga liliu, sara naatam̃oli sikasikai m̃elu dua ki napua sa adeada maga, go m̃elu dua ki namaripavakotoana waina e doko nam̃elearuda maga. 9Sei e atae Sup̃e e pe wo da liliu po midoakipiri, po maradoa m̃elu dua ki navivitinuana ni namaetoana aneana, naga tuga ta puoli mau kite? 10Go Sup̃e e punusi namariana adeada maga, naga eu liliu m̃elu dua ki napua sa adeada; go Sup̃e e midoakipiri nalo ni nasaana waina e noa naga ega mari a paki da; go e da mari a mau.
Atualmente Selecionado:
YONAH 3: NTB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible Society of the South Pacific