AMOS 9
9
1Kinau a punusi Yehovah e lawodu nadigi ni wede ni naviriana, go e atugi nap̃au ni tip̃a maga, go tea tuasila maga eu parivari, go e naga, Aga wo mari puoli ki da ki naruru sikai; go tea kakada maga waina euga vei tea toropusiana doko, aga wo mari punue ra ki lova; tea sikai maau kakada ega wo da sava pano mau, tea sikai maau kakada ega wo da pei tea mautiana mau. 2Eu pe kilikili pano pa pa paki Sheol, ma nam̃elearugu ega wo puati lua ra m̃elu asa; go eu pe sake pa pa paki nakoroatelagi, ma aga wo piragi ra siwo m̃elu asa. 3Go eu pe tum̃ada dasuru ki da nap̃au ni Karmel, ma aga wo leo laaga ara po dape lua ra m̃elu dua ki nia umai; go eu pe tokoloku pa dua ki namatagu doko epua mau ni natasi, ma aga wo dip̃aki m̃aata ega vaki asa pano, go nae ega wo kati ra. 4Go eu pe vei tea viragilua‐pavakotoana pano kivea ki tea kokona ki da maga, ma aga wo dip̃aki lova ega vaki tokora wanogoe pano, go ega wo mari punue ra: go aga wo lawo ki namatagu maga paki da raki tea sa, ega ta pei raki tea wia mau. 5Nalakena Yehovah, Sup̃e ki taua maga, e pei nae waina e kisidogo navanua go e sara, go tea mamau puti waina eu doko asa eu susue; go e sake usuraki dakiusi Noaisara; go e moro pakitano, dakiusi Noaisara ni Ityipt; 6E pei nae waina e davagi tokora vakilagi aneana nakoroatelagi, po lawo‐kilaketoko namalopa aneana maramana; go waina e soso noai maga ni natasi po daki lua ra paki narae ni maramana: Yehovah e pei nagisana. 7Nimu ku da maginau pei tea takiusi naka ni Ethiopia mau, Israel natuna maga O? Yehovah e noa e. Kinau a da piragi lua Israel m̃elu dua ki navanua ni Ityipt sake umai mau, go Filistine maga m̃elu dua ki Kaftor, go naka ni Siria m̃elu dua ki Kir, kite? 8Kuga leo, namata maga ni Yehovah Sup̃e ero paki namarakiana sigisigileo, go aga wo mari puoli ki nia m̃elu dua ki narae ni maramana; ma aga wo da mari puoli ki puti nasum̃a ni Yakob mau, Yehovah e noa e. 9Nalakena p̃a leo, aga wo pitip̃aki, go aga wo nuanua ki nasum̃a ni Israel m̃aleoputo ni nalauna maga, dakiusi waina korn e pei tea nuanuakiana doko alewoka sikai, go te napati sikai ega wo da dowo paki natano mau. 10Tea sigisigileo maga ni narei aginau waina eu naga, Tea sa ega wo da pa parati ki gida kite sua gida mau; nara euga wo mate puti ki lova.
11Naaleatia wanogoe aga wo moro davagi tap̃aup̃au ki David waina e dowo, go aga wo mari p̃onoti malo mari‐p̃oraeana kakana maga; go aga wo sike tea sapuraki one kakana maga, po moro davagi a ega takiusi waina e doko naaleatia maga ni tuai; 12Naga euga veani namagovai ni Edom waina euga vei tea toropusiana doko, go nalauna maga mamau puti waina eu pei tea sosoana ki nagisagu; Yehovah e noa e, go nae ega wo pakavuro e. 13Kuga leo, naaleatia maga euga wo umai, Yehovah e noa e, go tea sisi natano ega wo pa parati ki tea tagaukotovi, go tea vasi m̃oru ni nawa ni vaine, ega wo pa parati ki tea waina e do sapura ki napati kakana maga; go tava warua maga euga wo lawolawo ki waine gagadi, go tava sula maga mamau puti euga wo sara. 14Go aga wo piragi liliua ki narei aginau Israel waina eu pei tea viragi‐luapavakotokiana, go euga wo moro davagi natokoana maga waina eu makaka one, po doko ara doko; go euga wo lawo roara maga ni vaine, po munu waine kakada; go euga wo mari roara maga po gani nawa kakada maga. 15Go kinau aga wo lawo ki da navanua adeada, go euga wo da moro pei tea vaku‐luaana m̃elu dua ki navanua adeada waina a dua ra asa mau, Yehovah Supe anigo e noa e.
Atualmente Selecionado:
AMOS 9: NTB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible Society of the South Pacific