AMOS 8
8
1Go Yehovah e moro mari au a punusi naleo sikai, go p̃a leo, nala sikai ni nawa matua maga. 2Go e naga, Amos, ku punusi nasava? Go a naga, Nala sikai ni nawa matua maga. Go Yehovah e noa ki nau, e naga, Ragi edaku e po umai paki narei aginau Israel; kinau aga wo da moro pakalau ra mau. 3Go nalegaana maga ni nasum̃a tapu euga wo pei natagiana maga naaleatia wanogoe, Yehovah Sup̃e e noa e: nap̃atoko mate maga euga wo laapa; euga wo nadi ki da pano paki sara tokora, doko navunutaana. 4Kuga rogo tea waia, nimu O, waina ku pasi puludoa tea tika maga, po mari tea rogokitesa maga ni navanua eu mavunuvunu, 5Doko do naga, Nagasa atelagi vau ega wo nopu, naga tuga sori korn? Go sabbath, naga tuga ovara ki whiit ega vei tea vakotoviana? Doko mari efah ega vakitano, go shekel ega vakilagi, go doko mari malauweluki ki lasa rowogi ni namarisoreana? 6Naga tuga vakotovi tea rogokitesa ki m̃ane, go tea tika ki nam̃elevasiana dua, po sori nasum̃a ni whiit. 7Yehovah e pivisa pae nasamasamaana ki Yakob, po naga, Kinau aga wo da malio ki nawosiana animu maga te sikai kakada mau. 8Maramana ega wo da duruuru nalakena tea mamau puti wanogoe, go sara naata waina eu doko asa euga wo da susue, kite? Io, ega wo sake usuraki dakiusi Noaisara; po pei tea duletuleakiana, po moro pakitano, dakiusi Noaisara ni Ityipt. 9Go ega wo pakilina naaleatia wanogoe, Yehovah Sup̃e e noa e, naga aga wo mari elo ega musu aleati, go aga wo mari namarama ni aleati ega wo maligoligo maramana. 10Go aga wo mari nasaisaiana animu maga euga vei nasusueana, go nalegaana animu maga mamau puti euga vei nalalagaarovaana; go aga wo mari nakulukulu ni sak ega toko namalomu, go nam̃asuaana ega toko nap̃aumu; go aga wo mari a ega takiusi waina eu magi natuda sikedau mari nasusueana, go nanopuana kakana ega wo pei naaleatia sikai ni narogokitesaana warua. 11Kuga leo, naaleatia maga euga wo umai, Yehovah Sup̃e e noa e, go aga wo dip̃aki lua navitoloana sikai paki navanua, ega ta pei navitoloana sikai nalo ni navinaga mau, kite namadouana sikai nalo ni noai mau, ma ega vei natikaana ni narogoana ni navasaana ki Yehovah. 12Go euga wo surata pasara pae natasi paki natasi, go pae taleva ni north paki taleva ni elo sake; euga wo sava papiliu naga euga laaga navasaana ki Yehovah, ma euga wo da pap̃ai a mau. 13Doko naaleatia wanogoe nagoroi atara raewia maga go natureai maga euga wo matekimala nalakena namadouana. 14Tea maga waina eu pivisa pae Asima ni Samaria, po naga, Sup̃e anigo e mauri, Dan O; go, Sup̃e anigo e mauri, Beersheba O; nara euga wo dowo, po da moro duleana mau.
Atualmente Selecionado:
AMOS 8: NTB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible Society of the South Pacific