ꞌPai sia ꞌmướng 19

Chảu Pua ꞌPhạ ꞌlống ꞌmá ꞌpú ꞌSi‑ꞌnai

1-2ꞌPhắn ꞌcốn ꞌI‑ꞌsa‑ên đảy ꞌpai ók sia phén đin ꞌmướng Ê‑díp kéng ók ꞌtáng té ꞌLê‑ꞌphi‑đim. ꞌMự thứ#ꞌnưng cuông bươn thứ sam pay ꞌhọt ꞌtông ꞌlẹng ꞌkém ꞌpú ꞌSi‑ꞌnai. ꞌMưa sau pay ꞌhọt tin ꞌpú ꞌlẹo chắng đảy ꞌdặng dú#hẳn. 3ꞌTan ꞌMô‑ꞌsê chắng khửn ꞌpú ꞌmứa vảy ꞌháu Chảu Pua#ꞌPhạ. ꞌTan chảu dú ꞌtếng ꞌpú khék ꞌmá sáư ꞌMô‑ꞌsê ꞌva, “Chắng sắng ꞌquám hảư ꞌphắn ꞌcốn ꞌI‑ꞌsa‑ên ꞌchựa sai Da‑ꞌkhộp ꞌsướng#ꞌnị: 4‘ꞌPứng chảu ꞌcọ hên ꞌháu đảy ꞌdệt sáư ꞌcốn Ê‑díp, ꞌlẹo ꞌpá ꞌpứng chảu ꞌmá sú#ꞌháu, ꞌsướng tô ꞌhụng sía ꞌlụk bin#ꞌmá. 5ꞌSướng ꞌnặn ꞌva ꞌpứng chảu mẳn chaư ꞌdệt ꞌtoi ꞌquám nhẳn pao ꞌháu ꞌchí téng#hảư, ꞌpứng chảu ꞌcọ ꞌchí pên ꞌphắn ꞌcốn quí ꞌpéng khong ꞌháu ꞌsứa ꞌphắn ꞌcốn#ứn, ꞌpưa ꞌtếng#cá phén đin ꞌmướng ꞌlum ꞌcọ ꞌmen khong ꞌháu#mết. 6ꞌPứng chảu ꞌchí pên dên ꞌpay ꞌkhớng nả ꞌviạk vảy ꞌsớ#ꞌháu, pên ꞌphắn ꞌcốn#ꞌnưng ꞌvạy hảư#ꞌháu.’ Hảư chảu bók dên ꞌpay ꞌI‑ꞌsa‑ên ꞌsướng ꞌnị#ꞌnớ.”

7ꞌTan ꞌMô‑ꞌsê chắng pay khék ꞌpứng thảu ké ꞌcốn ꞌI‑ꞌsa‑ên ꞌmá, ꞌlẹo ꞌtố mết ꞌchu khót ꞌquám Chảu ꞌPhạ ꞌGiê‑ꞌhô‑ꞌva sắng ꞌtan ꞌnặn hảư sau#ꞌphắng. 8ꞌChu ꞌcốn phaư ꞌcọ ꞌpọm chaư căn tóp#ꞌva, “ꞌSúm khỏi so ꞌtoi ꞌchu ꞌluống ꞌtáng Chảu ꞌPhạ ꞌGiê‑ꞌhô‑ꞌva sắng#ꞌnặn.”

ꞌSướng ꞌnặn ꞌtan ꞌMô‑ꞌsê chắng au ꞌquám tóp dên ꞌpay ꞌmứa ꞌchiếng sú Chảu ꞌPhạ ꞌGiê‑ꞌhô‑ꞌva.

9Chảu ꞌPhạ ꞌGiê‑ꞌhô‑ꞌva sắng ꞌMô‑ꞌsê máư, “ꞌHáu ꞌchí ꞌlống ꞌmá nẳng cuông piếng phả#na, ꞌmá pák sáư#chảu, ꞌpưa é hảư dên ꞌpay đảy#ꞌnghín, ꞌlẹo sau chắng ꞌchí pông chaư ꞌchưa chảu dú ꞌlớng#ꞌlớng.”

ꞌTan ꞌMô‑ꞌsê au ꞌquám dên ꞌpay ꞌchiếng sú Chảu ꞌPhạ ꞌGiê‑ꞌhô‑ꞌva, 10ꞌlẹo ꞌTan chảu sắng ꞌMô‑ꞌsê pay bók dên#ꞌpay, ꞌmự ꞌnị kéng ꞌmự ꞌpụk hảư áp#suối, ꞌsặc ꞌchương ꞌnung hảư ꞌpẹk saư thả ꞌTan#chảu. 11ꞌKhặn ꞌkháng ꞌvạy thả ꞌmự#ꞌhứ, ꞌpưa ꞌva ꞌmự ꞌnặn ꞌTan chảu ꞌchí ꞌlống ꞌmá ꞌtếng ꞌpú ꞌSi‑ꞌnai hảư ꞌtếng#cá ꞌchu ꞌcốn#hên. 12Hảư mai đen ỏm tin#ꞌpú, ꞌlẹo bók dên ꞌpay ꞌchự hiêm hảư#đi, ꞌnhá đảy khửn ꞌpú ꞌhứ#ꞌva pay ꞌhọt tin#ꞌpú. ꞌVa phaư hák pay thứk ꞌhọt tin ꞌpú ꞌcọ ꞌchí ꞌchọ thứk khả#tai. 13Phủ ꞌchọ tai ꞌnặn hảư au đán hin sáư ꞌhứ#ꞌva au nả bén sáư#thôi, ꞌnhá đảy au ꞌmứ thứk ꞌhọt#ꞌmắn. Báu#ꞌva phủ ꞌcốn ꞌhứ#ꞌva tô#sắt, hák thứk ꞌhọt tin ꞌpú ꞌcọ ꞌchí ꞌchọ khả#tai. ꞌVa ꞌchớ đaư đảy ꞌnghín siêng páu tút khau#ꞌdướng, chắng pay ꞌhọt tin ꞌpú#đảy.

14ꞌSướng ꞌnặn ꞌtan ꞌMô‑ꞌsê chắng ꞌlống ꞌpú pay ha dên ꞌpay ꞌlẹo bók sau áp suối hảư ꞌpẹk#saư. Sau chắng đảy ꞌsặc ꞌchương ꞌnung#sia. 15ꞌTan ꞌMô‑ꞌsê chắng bók dên ꞌpay ꞌkhặn ꞌkháng ꞌvạy thả ꞌmự thứ#sam, ꞌnhá đảy khảu ú sú ꞌnón nẳng#căn.

16Tứn ꞌchạu ꞌmá ꞌmự thứ#sam, ꞌdiến ꞌmí siêng ꞌphạ#đăng, ꞌphạ pa‑láp lưởm, ꞌmí piếng phả na ꞌmá pốc dú ꞌtếng#ꞌpú, ꞌlẹo ꞌmí siêng páu tút khau ꞌdướng ꞌnắn#tỏng. ꞌDệt hảư dên ꞌpay dú hẳn phaư ꞌcọ dản#sắn. 17ꞌTan ꞌMô‑ꞌsê chắng ꞌpá dên ꞌpay ók nẳng bón ꞌdặng pay tỏn Chảu Pua#ꞌPhạ. Sau chắng dưn dú nẳng tin#ꞌpú. 18ꞌTua ꞌpú ꞌSi‑ꞌnai ꞌmí ꞌcuốn pốc ỏm#mết, ꞌpưa Chảu ꞌPhạ ꞌGiê‑ꞌhô‑ꞌva ꞌlống ꞌmá ꞌtếng ꞌpú nẳng cong ꞌpháy#mảy, ꞌsướng ꞌnặn ꞌcuốn chắng ꞌphụng khửn ꞌhéng ꞌsướng ꞌcuốn ꞌphụng ók ꞌtau ꞌpháy#nháư. ꞌTếng#cá ꞌpú ꞌcọ ꞌphướn vay#ꞌhéng. 19Siêng páu tút ꞌnhương ꞌsứ ꞌnhương ꞌnắn#khửn. ꞌTan ꞌMô‑ꞌsê ꞌvạu ꞌlẹo ꞌcọ ꞌmí siêng Chảu Pua ꞌPhạ#tóp.

20Chảu ꞌPhạ ꞌGiê‑ꞌhô‑ꞌva ꞌlống ꞌmá ꞌtếng ꞌpú ꞌSi‑ꞌnai ꞌlẹo khék ꞌMô‑ꞌsê khửn ꞌmứa#ha. ꞌMô‑ꞌsê chắng khửn#ꞌmứa. 21ꞌLẹo Chảu ꞌPhạ ꞌGiê‑ꞌhô‑ꞌva sắng ꞌMô‑ꞌsê ꞌva, “Hảư ꞌlống pay bók dên ꞌpay ꞌnhá đảy khảm đen lủm ꞌmá bớng#ꞌháu, dản#ꞌva lai ꞌcốn ꞌchí ꞌchọ#tai. 22Ta#ꞌva ꞌpứng mo ꞌcọ#đi, ꞌchớ khảu ꞌmá chăm#ꞌháu, ꞌcọ ꞌchọ áp suối hảư ꞌpẹk saư sia#cón, ꞌháu chắng ꞌchí báu#sáư ꞌtội#sau.”

23ꞌTan ꞌMô‑ꞌsê ꞌchiếng tóp Chảu ꞌPhạ ꞌGiê‑ꞌhô‑ꞌva, “Dên ꞌpay khửn ꞌmá báu#đảy, ꞌsướng ꞌTan chảu đảy bók ꞌsúm khỏi#ꞌvạy, hảư mai đen ỏm tin ꞌpú pên bón khết dăm ꞌTan#chảu.”

24Chảu ꞌPhạ ꞌGiê‑ꞌhô‑ꞌva chắng bók ꞌMô‑ꞌsê máư, “Hảư ꞌlống pay tỏn ꞌA‑ꞌlôn khửn ꞌmá ꞌtoi#chảu. ꞌPứng phủ pên mo cắp dên ꞌpay ꞌnhá đảy khảm đen khửn ꞌmá ha#ꞌháu, dản#ꞌva ꞌháu ꞌchí sáư ꞌtội#sau.”

25ꞌTan ꞌMô‑ꞌsê chắng ꞌlống pay bók hảư dên ꞌpay ꞌphắng ꞌsướng#ꞌnặn.

Atualmente Selecionado:

ꞌPai sia ꞌmướng 19: bltTDM

Destaque

Copiar