OKUBANZA 15
15
1HANYUMA yebi ekigambo kya MUKAMA kikaija hali Iburamu omu kwolekwa nikigamba nguotatina Iburamu: nyowe ndi ngabo yawe nempera yawe enyingi muno. 2Iburamu yagamba ati Ai mukama RUHANGA, orampa ki, baitu ningenda ntanyina mwana, nogu alirya enju yange nuwe Eryeza Omudamasiko? 3Iburamu yagamba ati Dora, nyowe tompaire oruzaro: kandi dora, ayazalirwe omu nju yange nuwe mugwetwa wange. 4Kandi dora, ekigambo kya MUKAMA kikaija haluwe nikigamba ngu Omuntu ogu taliba mugwetwa wawe; baitu aliruga omu nda yawe wenka, nuwe aliba omugwetwa 5Yamuturukya aheru, nagamba at Role’ra iguru hati bunu, obale enyunyuzi, obworaba nosobora okuzibara yamugambira ati oruzaro rwawe nukwo ruliba ruti. 6Yaikiriza MUKAMA; yakumuba’ra okuba okuhiki’ra. 7Yamugambira ati Ninyowe MUKAMA ayakuihire Uru Eyabakalidaya, okukuha ensi enu okugigwetwa. 8Yagamba ati Ai Mukama RUHANGA, Kiki eki ra’manyisa ndigigwetwa 9Yamugambira ati Ontwa’re enyana ehikize emyaka esatu, nembuzi ebuguma ehikize emyaka esatu, nentama empaya ehikize emyaka esatu, nenduka neriba erito. 10Yamutwa’ra ebi byona, yabyasamu hagati, yabitaho ebicweka bibiri bibiri nibirorangana baitu enyonyi atazasemu. 11Namahungu gagwa ha mitumbi, Iburamu yagabinga. 12Kandi izoba obulikabanirigwa, oturo twingi twakwata Iburamu; kandi dora, okutina okwomuirima mwingi kwamukwata. 13Yagambira Iburamu ati Manyira kimu oruzaro rwawe baliba nkabanyaihanga omu nsi etali yowabu, kandi balibako’ra; baliba bonabonesa emyaka bikumi bina; 14kandi nihanga eri eribaliko’ra ndiricwera omusango: kandi hanyuma balirugayo bayina ebintu bingi 15Baitu iwe oligenda hali baswenkuru nobusinge; olizikwa ohikize kurungi emyaka mingi muno. 16Kandi omu buijukuru obwakana baligaruka hanu: baitu okutahiki’ra okwa 17Abamoli tikukahikire. Kandi kyahika izoba obulyagwire, nomuirima guteraine, dora, ekikomi ekirukucuka, nekimuli ekirukwaka bikaba nibiraba hagati yebicweka. 18Ha kiro eki MUKAMA akaragana na Iburamu nagamba ati Oruzaro rwawe nduhaire ensi enu okuruga ekyambu kya Misiri okuhika ha kyambu ekikoto ekyambu Furati: 19Omukeni, Nomukenizi, 20Nomukadumoni, Nomuhiti, Nomuperizi, na Refaimu, 21Nomwamoli, Nomukanani, Nomugirigasi, Nomuyebusi.
Atualmente Selecionado:
OKUBANZA 15: BRR64
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible in Runyoro-Rutooro 1964 Version © Bible Society of Uganda, 1964.
